Jérémi 33:11 - Kazambale lé Sebe Sauunu 1979

¹¹ ’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Jérémi 33:11 ပူးပေါင်းရင်းမြစ်များ

Minwiinzannu lé Wezuofe Sɛbɛ 16:34

Gakelebale a ’é zin, amalé ’ka a tɔ zin fe, A nyanai zénle glɛ ’ka lo.

Minwiinzannu lé Wezuofe Sɛbɛ 16:8

’Ka Gakelebale tɔ zin fe, ’ka a tɔ laa. ’Ka a kɛlɛwe blɛnnu zuo fe munu méléna.

2 Minwiinmunu lé Wezuofe Sɛbɛ 20:21

’Bɛ zuo yee valé munu bli kɛlɛ do yé é lɛrɛvɔzannu dɔ, léé, ’wo’wolé lɛrɛvɔsɔnu zén ’wo ta, yé wo tawo sunyanu ’lɛ, ’té woo Gakelebale tɔ ma gya a fele nya léé: ’Ka Gakelebale tɔ zin fe, naa, a nyanai éé zén‐é yifaama.

2 Minwiinmunu lé Wezuofe Sɛbɛ 29:31

Yé Ézékia léma: Sin, ka a tegele; ’ka bié. ’Ka da sarakabowinu nya yé ’ka wo bo bɔvɔ saraka nya Gakelebale lé kɔn gi. Yé zén‐ékevamunu da winu nya yé wo wo bo bɔvɔ sarakanu nya. Yé munu faa lé wo bli ke é zima, balebanwinu lé wo wo kyɛ blé, wo wo nɔ.

2 Minwiinmunu lé Wezuofe Sɛbɛ 7:3

Izraɛl munu faa kyɛ valé Gakelebale lé fuasan ye aan wo zunna kɔn ta, wo yara bua tɛrɛ va gɔrɔ gi, yé wo bua ’wo bli la, yé wo Gakelebale tɔ bɔ yé wo léé: Naa, é a é zin, yé a nyanai éé zén‐é yifaama.

Ezidras 6:22

Yi sɔrafié wuo, buru lé lévɛn ’ka a va lo, walé fɛti kɛlɛ yé wo gi nana. Naa, Gakelebale wo fan ginanale nya é baba; é Asirinu nwiinzan blɛn kɛlɛ wo ma é zima, yé é bɔ wo va Izraɛlnu lé Bale lé kɔn dɔ nyanama nya.

Néémi 12:43

’Bɛ yi la, wo saraka kiɛre bo, yé wo wobo nɔ zanagyɛle lɛ; naa, Bale ginanawe blɛn kɛlɛ munu lɛ, azama. Lomu valé nénu é ziin, wo gi nana, yé Jérusalɛm munu lé ginanadére bɔ baa.

Néémi 8:12

Yé munu faa go fɛblele valé fɛminile we ma, ’té woo fɛ paan zia é baba, yé wo gi nana. Naa, dérenu lé wo wo gi fe wo lɛ, wo wo ’ma, azama.

Lɛrɛvɔ Sɛbɛ 106:1

’Ka Gakelebale tɔ zin fe. ’Ka Gakelebale tɔ zin fe, naa, é a é zin. Naa, a nyanai éé zén‐é yifaama.

Lɛrɛvɔ Sɛbɛ 107:1

’Ka Gakelebale tɔ zin fe, naa, é a é zin, Naa, a nyanai éé zén‐é yifaama.

Lɛrɛvɔ Sɛbɛ 107:22

’Wa ban a bɔvɔlenu nya ma, ’Wa kɛlɛwenu zana dɔɔ ’té woo siaan ginanale nya ma.

Lɛrɛvɔ Sɛbɛ 116:17

Maa dan i ban lɛ i bɔvɔle nya, Yé an dan Gakelebale laa lɛ é tɔ nya.

Lɛrɛvɔ Sɛbɛ 147:13

Naa, éé kalé duolinu ta foliɛwɔlɛ dɔa gligli, Yé éé ka benu drɔɔ voo ka va;

Lɛrɛvɔ Sɛbɛ 85:7

I ’ka dan fuu dɔ lɛ ko ta é ziin Yé ilé munu gi é nana i gi loo?

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Ézai 51:11

Munu lé Gakelebale wo tabo, wo dan da lɛ wo pa gi, Wo dan go lɛ Siɔn guliwuovolɛ lɛrɛ vɔle nya, Ginanale lé é ’ka nyaan lo, é dan kɛlɛ lɛ wo ’wuo ma bélé tɔkoro zo; Ginanale valé vole drɔɔ é dan kɛlɛ lɛ ana, Nyanéblele valé dunnule é dan si lɛ ana.

Ézai 51:3

’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézai 52:8

Kalé fla taginizannu dére zuogi é dan we lɛ; Wo dére é dan nwa lɛ, Yé wo dan siaa lɛ ékeva ginanale nya; Naa, wo dan a ye lɛ wobo yuɛ nya léé, Gakelebale a dana Siɔn munu nya wo pa gi, azama.

Ézai 52:9

Jérusalɛm ’bin, ’ka fɔn ékeva ginana siaale nya, Naa, Gakelebale élé munu tɔrɔ paan Yé é Jérusalɛm tabo, azama.

Jérémi 16:9

Naa, Izraɛl lé Bale, lai sunyanu lé Gakelebale léma: Ka ye, ginana siaalenu valé bɔn‐in néné lé siaalenu koo, lesizan lé lɛrɛvɔlenu koo, bosizan lé lɛrɛvɔlenu koo, an dan wo nyaa lɛ fɛkona, ka yuɛ va, kazé bléyi va.

Jérémi 17:26

Munu é dan si lɛ Juda tɛrɛ la flanu koo, Jérusalɛm zi flanu koo, wona; wo dan si lɛ Bɛnjamɛn tɛrɛ koo, gɔ worona koo, gɔ nwiin koo, yirinwana bɛyilazia koo, wona, ’té winu lé wa kyɛ blé koo, sarakanu koo, blɛnu koo, lasikɔrɔpo lé wa kyɛ blé koo, wo dan da lɛ wo nya Bale bɔvɔ sarakanu bole we gi Gakelebale lé kɔn gi.

Jérémi 25:10

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛvɔle koo, ’woli vun wele valé kyɛbɔ san koo, maa dan wo yi ga lɛ wo méléna.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 30:19

Bale bɔvɔle é dan kɛlɛ lɛ wo méléna, ’Té woo siaan ginanale nya; Maa dan wo fan lɛ, yé wo ke ’ka dan so lɛ a ’léé lo; Maa dan wo tɔ bɔ lɛ; wo ’ka dan serele bo lɛ wo ma lo.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 32:44

Wo dan féinu lɔ lɛ gɔɔli nya, wo dan woo féilɔsɛbɛnu gyɛ lɛ, wo dan tɔmasenu dɔra lɛ wo ta tanpɔn nya; wo dan anayemunu dɔ lɛ, Bɛnjamɛn tɛrɛ valé Jérusalɛm zi flanu koo, Juda tɛrɛ la flanu koo, gɔ ma flanu koo, fɛna pɛblɛɛ flanu koo, yirinwana bɛyilazia flanu koo, wona. Naa, maa dan da lɛ woo luugimunu nya wo pa gi. Maa Gakelebale ɛ ke a fena.

Jérémi 33:26

’té an dan sɔn vɔ lɛ Jakɔb valé an wuozan David kulunu ma, yé munu lé wo dan pla lɛ Abraam koo, Izak koo, Jakɔb koo, wo kulunu nwiin, maa ’ka dan wo si lɛ David kulunu va lo. Naa, maa dan da lɛ wolé luugimunu nya wo pa gi, yé an nyanai é dan zén lɛ wo ta, azama.

Jérémi 33:7

Juda valé Izraɛl munu lé wo ke luu gi, maa dan da lɛ wo nya ’wo pa gi; maa dan wo nyana lɛ ’wo pa gi bélé é vinin zo.

Jérémi 7:34

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛ vɔle koo, maa dan wo yi ga lɛ Juda tɛrɛ la valé Jérusalɛm zinu ta; naa, ana fla é dan kɛlɛ lɛ bwi saa nya.

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Jonas 2:9

Munu lé wo ’wobo yere boamiyili ma, Wo ’wobo si mi lé éé zin kɛla wo lɛ, a ma.

Naum 1:7

Gakelebale a é zin, É a mivɔzizan nya klebleyi la; Munu lé woo paan a ta, é wo dɔɔ.

Sofoni 3:14

Siɔn munu, ’ka siaa ginanale nya. Izraɛl munu, ’ka siaa ginanale blɛn nya ma. Jérusalɛm munu, ka gi ’é nana, yé ka pla munu nwiin ka bli faa nya.

Zakari 10:7

Éfraim é dan kɛlɛ lɛ bélé gulidan nyanazan zo; Wo gi é dan nana lɛ bélé nwɛ lé wa mini, Wo benu é dan a ye lɛ yé wo gi é dan nana lɛ kaii; Wo gi é dan nana lɛ Gakelebale gi.

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

Zakari 9:17

Yiba! we nyian é wo mi lɛ ’bɛ zoo? Fɛ nɔnɔmi a ’bɛ zoo? ’Sa é dan pɛniɛnu tin lɛ Yé dɔrɔ dɛrɛ é dan blɛnnu tin lɛ.

WENÉNÉ LE JAN A GYE (Évangile selon Jean) 3:29

Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

Ébrunu 13:15

Jézu lé we ma lé kaa Kazambale tɔ zin fele boo saraka nya Kazambale lɛ yifaama. Kaa lɔlunu lé wa tɔ bɔraan gɔrɔ la, wolé saraka lé.

Wegɔɔnle 18:23

kyɛbɔ ’ka dan bi lɛ i ta é dɛrɛ lo, yé wo ’ka dan lesizan valé bosizan dére ’ma lɛ i ta é dɛrɛ lo; ilé yaawomunu kɛlɛ tɛrɛlami blɛnnu nya, yé i bɛnnu faa saan ilé yo kɛlɛlenu nya,