Jérémi 32:41 - Kazambale lé Sebe Sauunu 1979

⁴¹ Wezin kɛlɛle wo lɛ é dan an gi nana lɛ, yé maa dan wo nyana lɛ kli tɛrɛ ’ko ta, an bli faa valé an boen faa nya.

Jérémi 32:41 ပူးပေါင်းရင်းမြစ်များ

Lɛrɛvɔ Sɛbɛ 80:8

Lai sunyanu lé Bale, ’i ko nwa, ’I yara soi ko lɛ, yé ko dan si lɛ we gi.

Ézai 60:21

Mi tegele saa ɛ dan kɛlɛ lɛ i va; Ana tɛrɛ é dan vo lɛ wozé nya yifaama; Munu ’ko lé maa wo suru, wo dan fɔn lɛ a la, An wo kɛlɛ an tɔbɔzannu nya.

Ézai 62:4

Wo ’ka dan i laa lɛ, lebɔrale, é dɛrɛ lo; Wo ’ka dan ilé tɛrɛ laa lɛ, boatɛrɛ, é dɛrɛ lo; Wo dan i laa lɛ Esiba, ’bɛ gi léé, é sɔ an lɛ, Yé wo dan ilé tɛrɛ laa lɛ, Bula, ’bɛ gi léé, bofla le; I sɔ Gakelebale lɛ, ’bɛzama, Yé ilé tɛrɛ zana é dan kɛlɛ lɛ.

Ézai 62:5

Pɛniɛ éé blɛnzan sié fɛan zo, A zo duo lé i benu é dan i si lɛ. Fɛan zo lé bodɛrɛsizan é zana gi nana, A zo lé i dan ilé Bale gi nana lɛ.

Ézai 65:19

Maa dan Jérusalɛm kɛlɛ lɛ an ginanafla nya; maa dan anlé munu kɛlɛ lɛ an ginanamazannu nya. Wo ’ka dan wuvɔle valé siaale vun ’ma lɛ ana é dɛrɛ lo.

Jérémi 18:9

Yé yi ke nya an we fé, dé migɔnɔ do léé, dé bɛn do léé, wolé we ma, léé, ’wo nyana ’wo fla pa,

Jérémi 24:6

Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.

Jérémi 31:28

Yé fɛan zo lé maa yara pa wo sile wo dɔna koo, wo gyɛle koo, wo sɛrɛle tata koo, wo guru zanale a gi valé we tɔntɔn bɔle wo ma koo, wo ta, a zo duo lé sin, maa dan yara pa lɛ wo nyanale valé wolé fla pale ta. Maa Gakelebale ɛ ke a fena.

Ézékiɛl 36:36

Yé bɛnnu lé wo ke é nyanale ka zi, wo dan a gi dɔɔ lɛ léé, maa Gakelebale, maa fla sɛrɛle ’ko pa é ziin é pa gi, yé tɛrɛ lé ke é sɛrɛle, maa fɛ vɔ ana. Maa Gakelebale, maa ɛ fe, yé maa dan a kɛlɛ lɛ.

OZÉ (Osée) 14:5

Maa dan kɛlɛ lɛ bélé fli zo Izraɛl ma, É dan tin lɛ bélé bolu lé goo zo, Yé a suni é dan wɔra lɛ bélé Liban yili zo,

Amɔs 9:15

Maa dan wo nyana lɛ kli wolé tɛrɛ la, Yé tɛrɛ lé maa a nɔ wo lɛ, wo ’ka dan wo si lɛ ana lo. A zo lé Gakelebale, ilé Bale a fe.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Bélidɔwesɛbɛ Fiézan 28:63

Zin kɛlɛle ka lɛ valé ka fanle kiɛre, ’bɛ Gakelebale gi nana é vinin fɛan zo, a zo duo lé Gakelebale lé ka gyɛle zamaga nya valé ka kulu gale é dan a gi nana lɛ. Yé tɛrɛ lé ka dan bɔ lɛ a ta yé é kɛlɛ kazé nya, Bale é dan ka si lɛ a ta gla nya.

Bélidɔwesɛbɛ Fiézan 30:9

Gakelebale, kalé Bale é dan kalé fɛ zinnu fan lɛ, kalé nyanama koo, kalé nénu koo, kalé trubɛnu koo, kalé féifɛnu koo, é dan a faa nyian wo lɛ; wezin kɛlɛlɛ ka lɛ é dan kɛlɛ lɛ Gakelebale lé ginanamawe nya é ziin, fɛan zo é a kɛlɛ ka tranu zé bléyi va, a zo,