Jérémi 32:4 - Kazambale lé Sebe Sauunu 1979

⁴ Juda nwiinzan blɛn Sédésias ’ka dan so lɛ Kaldé munu lee lo, naa, wo dan a pa lɛ Babilɔn nwiinzan blɛn lee; wo dan we fe lɛ a nya wo ke yara, yé wo fiénu é dan wo ke yuɛ wɔlɛ ye lɛ;

Jérémi 32:4 ပူးပေါင်းရင်းမြစ်များ

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 25:35

Munu pazannu vɔzifɛ ’ka é dɛrɛ lo. Zi gɔɔn trubɛ lɛzannu siéwegifɛ ’ka é dɛrɛ lo.

Jérémi 34:21

Maa dan Juda munu nwiinzan blɛn Sédésias valé élé minwiinzannu pa lɛ wo nyanézannu lé é sɔ ’bɛnu lɛ turu léé, ’wo wo gya, ’bɛnu lee. Maa dan wo pa lɛ Babilɔn nwiinzan blɛn lé sunyanu palu lé wo si ka ma sɛ bɛ, wo lee.

Jérémi 34:3

Yé bii, wo dan i kun lɛ, yé wo dan i pa lɛ Babilɔn nwiinzan blɛn lee, i ’ka dan so lɛ a lee lo; ka dan ka ke ye lɛ a nya yé ka dan we fe lɛ ka ke yara a nya, yé é dan go lɛ i nya Babilɔn.

Jérémi 37:17

Minwiinzan blɛn Sédésias mi pa zia Jérémi sina bokɔn gi, yé é we laa a lee kyeen gi élé kɔn gi léé: Gakelebale we do fee? Jérémi a zi pa léé: Iin. É léma: Wo dan i pa lɛ Babilɔn munu nwiinzan blɛn lee.

Jérémi 38:18

Naa, dé i ’ka go ibo nya Babilɔn nwiinzan blɛn lé zilɛzannu lɛ lo, maa dan fla ’ko pa lɛ Kaldé munu lee, yé wo dan a kyɛ ble lɛ, yé bii, i ’ka dan so lɛ wo lee lo.

Jérémi 38:23

Wo dan go lɛ ilé lomu valé ilé nénu faa nya Kaldémunu va; yé bii, i ’ka dan so lɛ wo lee lo. Babilɔn nwiinzan blɛn é dan i kun lɛ, yé wo dan fla ’ko kyɛ ble lɛ.