Jérémi 32:39 - Kazambale lé Sebe Sauunu 1979

³⁹ Maa dan bli do vɔ lɛ wo gi, yé maa dan zi do gɔɔn lɛ wo lɛ, léé, ’wo kana an lee yifaama, wo valé wolé nénu lé we zin yele we ma.

Jérémi 32:39 ပူးပေါင်းရင်းမြစ်များ

Wepélisiananu 17:7

Maa dan an gi pa lɛ do i va, yé maa dan an gi pa lɛ do ilé nénu lé wo dan kɛlɛ lɛ i zuo, wo va, wo kulu é kulu nya; ko gipawe ’ka dan sɛrɛ lɛ monomono lo, amalé an dan kɛlɛ lɛ ilé Bale nya yé maa dan kɛlɛ lɛ ilé nénu lé Bale nya i zuo.

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

Wepélisiananu 22:12

Lanje léé: Té i bɛ mane né ma lo; té i we do kpen kɛlɛ a lɛ lo; naa, sin maa a gi dɔɔ léé, i kanaan Kazambale lee yé i ’ka i be wɔlɛ do kpen Izak nyané kɛlɛ lɛ an lɛ lo.

2 Minwiinmunu lé Wezuofe Sɛbɛ 30:12

Bale nyanama pa é ziin Juda munu bli gi yé wo bli kɛlɛ do yé dére lé minwiinzan blɛn valé mi segelenu a fe Gakelebale dére yɛrama, yé wo dɔ a ta.

Lɛrɛvɔ Sɛbɛ 112:1

’Ka Gakelebale tɔ zin fe. Mian éé kanaan Gakelebale lee, ’Té alé bélidɔwenu sɔ a lɛ é baba, azé a néné.

Lɛrɛvɔ Sɛbɛ 128:6

I dan i nénénu ye lɛ. Vole drɔɔ ’é vo Izraɛl ta ma.

Lɛrɛvɔ Sɛbɛ 86:11

Oo Gakelebale, ’ilé zinu tawe paa an gi; Maa dan tawo lɛ ilé yarapale we la yɛrama; ’I an kɛlɛ yuɛidozan nya yé an kana i tɔ ma.

Wegɔnévɔlenu 23:17

Té i wenyanékɛlɛzannu ma maawo lo, naa, ’i kana Gakelebale lee yifaama;

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Ézai 52:8

Kalé fla taginizannu dére zuogi é dan we lɛ; Wo dére é dan nwa lɛ, Yé wo dan siaa lɛ ékeva ginanale nya; Naa, wo dan a ye lɛ wobo yuɛ nya léé, Gakelebale a dana Siɔn munu nya wo pa gi, azama.

Ézai 65:23

Wo ’ka dan nyanama pa lɛ yé ’bɛ é vo é pla lo, yé wo ’ka dan né yaa lɛ yé ’bɛnu é zamaga wo wo yuɛ va lo; wo dan kɛlɛ lɛ bɛn lé Gakelebale a drɔɔ vo, a nya, ’bɛzama, yé wo valé wolé nénu é dan vo lɛ ékeva.

Jérémi 24:7

Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Ézékiɛl 36:26

Maa dan bli dɛrɛ vɔ lɛ ka gi, yé maa dan léli dɛrɛ pa lɛ ka gi. Maa dan gɔlɛbli si lɛ ka gi, yé maa dan nɛbli nɔ lɛ ka lɛ.

Ézékiɛl 37:22

Maa dan wo kɛlɛ lɛ bɛn do kpen nya tɛrɛ ’ko la, Izraɛl gɔnu ma. Wo faa nwiinzan blɛn é dan kɛlɛ lɛ do. Wo ’ka dan kɛlɛ lɛ bɛn fié nya é dɛrɛ lo. Wo ’ka dan kini lɛ ékema yé wo kɛlɛ bɛntɛrɛ fié nya é dɛrɛ lo.

Ézékiɛl 37:24

An leezan David é dan kɛlɛ lɛ wo nwiinzan blɛn nya, yé wo faa pazan é dan kɛlɛ lɛ do. Wo dan tawo lɛ an dérenu ta, wo dan anlé bélidɔwenu lɛdɔ lɛ a ma, yé wo dan a ta tawo lɛ.

Ézékiɛl 37:25

Tɛrɛ lé maa a nɔ an leezan Jakɔb lɛ, yé wo tranu nyana a ta bɛ, wo dan nyana lɛ a ta; wo koo, wolé nénu koo, wo nénénu koo, wo dan nyana lɛ a ta lɛɛfaama. Yé an leezan David é dan kɛlɛ lɛ wo nwiinzan nya yifaama.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 17:21

wo kɛlɛle mi do nya we ma, bélé Bii an Ti, i a an gi yé maa a i gi fɛan zo, wo é ziin yé wo ’é kɛlɛ mi do nya a zo ko gi, yé tɛrɛlamunu a gi dɔɔ léé, bii ɛ an pa zia.

Kelewenu 13:33

Kazambale a lɛ sɔɔ, kaa lé kaa ke wolé nénu nya, kaa lɛ, Jézu nwale gamunu va nya, we lé ke é gyɛle Lɛrɛvɔ sɛbɛ a kuru fiézan gi, a yɛrama; wo léé: Bii ɛ ke an be nya. Maa i yaa kyɔ.

Kelewenu 2:39

Blivolɛdére a ’kaa valé kalé nénu koo, munu lé wo ke baa koo, kazé nya. Munu ’lééan Mizan kozé Bale é dan wo laa lɛ, wo ’léé duo lé.

Kelewenu 3:26

Kazambale é wuozan Jézu nwa aan wo yé é a pa ka lɛ zia é vinin, ka drɔɔ vole we gi, yé ka faa do do ’é si kalé weple kɛlɛle zuo.

Kelewenu 4:32

Mi gu lé wo bli ke Jézu lɛ, wo bli valé wo gibɔrɔle a do. Wo va mi do ’ka a fé léé, ézé fɛ ɛ ke ’ko lo, naa, wolé fɛnu faa vo ékeva.

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

Rom munu 11:16

Dé féifɛ vininzannu a Bale zé nya, ’té a pɔnénu a azé nya é ziin. Yé dé yili suni a Bale zé nya, ’té a bɛnu a azé nya é ziin.

1 Korent munu 7:14

Naa, le zana lé é ’ka Krétiɛn nya lo, Bale éé yuɛ paan a va a na lé we ma, yé gɔnézan na lé é ’ka Krétiɛn nya lo, Bale éé yuɛ paan a va a zana lé we ma. Dé ’bɛ kaan lo, ’té kalé nénu a bélé yolémunu lé nénu zo; naa, sin Bale éé yuɛ paan kalé nénu va.

2 Korɛnt Munu 13:11

An bwenu, we voéla lé é ke ’ko: ka gi ’é nana ma; ’ka gun faa si ka ma ma; ’ka ka ke tɔrɔ paa; ka gibɔrɔle ’é kɛlɛ do ma; ’ka vo drɔɔ ma yé sɔlɛle valé mi vo drɔɔ Bale é dan kɛlɛ lɛ ka va.

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Bélidɔwesɛbɛ Fiézan 6:2

Dé ka kana Gakelebale, kalé Bale lee, bélidɔwenu faa valé gɔnɔlawenu faa lé maa a gɔɔn ka lɛ, dé ka wo lɛdɔma, ka koo, ka benu koo, ka benu é benu koo, dé ka wo lɛdɔma kalé tɛrɛla faa gi, ka dan mɔn lɛ tɛrɛ la.

Bélidɔwesɛbɛ Fiézan 6:24

Gakelebale lé ko lɛ léé, ’ko bélidɔwe ’konu lɛdɔma yé ’ko kana yee Gakelebale, kolé Bale lee, ko gi nanale yifaama we gi, yé é ko vo é yuɛma, fɛan zo lé é a kɛlɛ kyɔ, a zo.

Ébrunu 10:20

Jézu ɛ zi ’ko pla kaa lɛ; zi dɛrɛ lé, mibélizi lé, yé éé goo Bale lé kɔn gi sɔ lé wa kɛlɛ kɔnmi nya, a zi. Sɔ ’ko ɛ ke a kɔlɛ nya.