Jérémi 32:38 - Kazambale lé Sebe Sauunu 1979

³⁸ Wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Jérémi 32:38 ပူးပေါင်းရင်းမြစ်များ

Wepélisiananu 17:7

Maa dan an gi pa lɛ do i va, yé maa dan an gi pa lɛ do ilé nénu lé wo dan kɛlɛ lɛ i zuo, wo va, wo kulu é kulu nya; ko gipawe ’ka dan sɛrɛ lɛ monomono lo, amalé an dan kɛlɛ lɛ ilé Bale nya yé maa dan kɛlɛ lɛ ilé nénu lé Bale nya i zuo.

2 Samuɛl 7:24

Yé i ilé munu Izraɛl dɔ gligli wo kɛlɛle ilé munu nya lɛɛfaama we ma; yé bii, oo Gakelebale, bii kinin wolé Bale nya.

Lɛrɛvɔ Sɛbɛ 144:15

Munu lé wolé we ke ’bɛ zo, wozé a néné. Munu lé wozé Bale ke Gakelebale nya, wozé a néné.

Ézai 65:23

Wo ’ka dan nyanama pa lɛ yé ’bɛ é vo é pla lo, yé wo ’ka dan né yaa lɛ yé ’bɛnu é zamaga wo wo yuɛ va lo; wo dan kɛlɛ lɛ bɛn lé Gakelebale a drɔɔ vo, a nya, ’bɛzama, yé wo valé wolé nénu é dan vo lɛ ékeva.

Jérémi 24:7

Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 30:22

Ka dan kɛlɛ lɛ anlé munu nya, Yé maa dan kɛlɛ lɛ kalé Bale nya.

Jérémi 31:1

Gakelebale léma: ’Bɛ yi ’ko la, maa dan, kɛlɛ lɛ Izraɛl lele faa lé Bale nya, yé wo dan kɛlɛ lɛ anlé munu nya.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Ézékiɛl 16:60

Naa, gipawe lé maa a kɛlɛ i va i boronéla bléyi va, a sele é dan dɔ lɛ an gi, yé gipawe lé éé voo ana lɛɛfaama, maa dan a kɛlɛ lɛ i va.

Ézékiɛl 36:28

Tɛrɛ lé maa a nɔ ka tranu lɛ, ka dan nyana lɛ a ta; ka dan kɛlɛ lɛ anlé munu nya, yé maa dan kɛlɛ lɛ kalé Bale nya.

Ézékiɛl 37:27

An nyanana é dan kɛlɛ lɛ wo va. Maa dan kɛlɛ lɛ wolé Bale nya yé wo dan kɛlɛ lɛ anlé munu nya.

Ézékiɛl 39:22

É sia ’bɛ yi ma fɔɔ yé é bɔ bléyi voélanu ma, Izraɛl munu é dan a gi dɔɔ lɛ léé, maa lé ke Gakelebale wolé Bale nya.

Ézékiɛl 39:28

Yé wo dan a gi dɔɔ lɛ léé, Gakelebale wolé Bale lé é go wo nya luu gi bɛnnu va, yé é wo zén ékeva wo pa gi ’wolé tɛrɛ la, maa a a nya; maa ’ka dan wo vazan do kpen vo lɛ ’bɛnu va lo,

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Bélidɔwesɛbɛ Fiézan 14:23

Fɛna do lé Gakelebale, kalé Bale é dan a si lɛ a va yé ’é tɔ pa a ma, ka dan go lɛ kalé fɛvuzannu nya ’bɛna; kalé ’sa vuzan koo, kalé dɔrɔ’yi vinin vuzan koo, kalé nyɔnɔ vuzan koo, kalé diri valé kalé ’blanu valé kalé bolinu lé né vininnu koo, ka dan wo ble lɛ ’bɛna; ’bɛ zo lé ka dan kanale Gakelebale, kalé Bale lee draan lɛ lɛɛfaama.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 8:10

Naa, Mizambale léé: Gipawe lé maa dan a kɛlɛ lɛ Izraɛl munu va Yi ’konu zuo, yee lé é ke ’ko: Maa dan anlé bélidɔwenu pa lɛ wo ’wuo gi, Maa dan wo gyɛ lɛ wo bli gi Yé maa dan kɛlɛ lɛ wolé Bale nya, Yé wo dan kɛlɛ lɛ anlé munu nya.

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.