Jérémi 32:35 - Kazambale lé Sebe Sauunu 1979

³⁵ Wo gɔ nwiin yobannanu dɔ Baal zé nya, Bɛn‐Inom gɔ worona, léé, wo ’wo benu valé wo lunu kɛlɛ Mɔlɔk banfɛ nya. Maa ’ka a fe lɛ wo lɛ léé, wo ’bɛ zoɛ we kɛlɛ lo; yé é ’ka boenwo dɔ lɛ an ’wuo gi léé, woo ’bɛ zo dunuzénmitawe kɛla yé wo Juda munu kɛla wenyanékɛlɛzannu nya lo.

Jérémi 32:35 ပူးပေါင်းရင်းမြစ်များ

1 Minwiinzannu 11:33

Wo si an va yé wo yia ’wo bli la Sidɔn munu lé baleda Asataté koo, Moab lé bale Kémɔs koo, Amɔn munu lé bale Milkɔm koo, wo ’lɛ, yé wo ’ka tawo lɛ anlé zinu ta, we lé ke é drɔle an yuɛ gi, a kɛlɛle we gi lo, yé wo ’ka anlé bélidɔwenu valé an déretawenu kɛlɛ lɛ, Salomɔn ti David a kɛlɛ fɛan zo, a zo lo, amalé maa dan we ’ko kɛlɛ lɛ.

1 Minwiinzannu 11:7

Moab lé bozobale Kémos valé Amɔnnu lé bozobale Mɔlɔk, Salomɔn wo banna kɛlɛ loru, gɔ lé ke Jérusalɛm yara, a nwiin.

1 Minwiinzannu 14:16

Wenyanénu lé Jéroboam a kɛlɛ, é valé wenyané lé é a vɔ Izraɛlnu lee, alé we ma lé Bale é dan daan lɛ Izraɛl ma.

1 Minwiinzannu 15:26

We lé ke é naané Gakelebale yuɛ gi, yee lé é a kɛlɛ; é tawo é ti lé tawobɛ gi yé wenyané faa lé a ti Izraɛl kɛlɛ a kɛlɛzannu nya, ébo nɔ a kɛlɛle lɛ.

1 Minwiinzannu 15:30

Wenyanénu lé Jéroboam a kɛlɛ, é valé wenyané lé é Izraɛl kɛlɛ a kɛlɛzannu nya, yé ’bɛ zo lé é Gakelebale élé Bale bli fli, wolé we ma lé Bale a kɛlɛ.

1 Minwiinzannu 16:19

’Bɛ zo lé é ga, wenyané lé é a kɛlɛ, a we ma. We lé ke é naané Gakelebale yuɛ gi, yee lé é a kɛlɛ, yé é tawo Jéroboam lé tawobɛ zo, yé ébo nɔ wenyanénu lé Jéroboam a kɛlɛ, ’té é Izraɛl kɛlɛ a kɛlɛzannu nya, wo kɛlɛle lɛ.

1 Minwiinzannu 21:22

yé maa dan i gɔnɔlamunu zé kɛlɛ lɛ bélé Nébat be Jéroboam valé Akija be Baésa gɔnɔlamunu zé zo, i an bli fli yé i Izraɛl kɛlɛ wenyanékɛlɛzannu nya, azama.

2 Minwiinzannu 21:11

Juda nwiinzan blɛn Manasé naanaawe ’konu kɛlɛ, yé wenyané lé Amorénu a kɛlɛ azé bléyi ’lɛ, azé mini wo lɛ, yé é ziin, miyilinu nya lé é Juda kɛlɛ wenyanékɛlɛzannu nya,

2 Minwiinzannu 21:4

É yobannanu dɔ Gakelebale lé kɔn gi, dɔlé ’té Gakelebale a fe léé, Jérusalɛm ta lé é dan ’é tɔ vo lɛ.

2 Minwiinzannu 23:10

Tofɛt lé ke Inom kulunu lé gɔ méléna, minwiinzan blɛn a sɛrɛ, léé, dé mi be léé, ɛɛ, dé a lu léé, té ’wo wo kyɛ ble Mɔlɔk lɛ é dɛrɛ lo.

2 Minwiinzannu 23:15

Balebanna lé ke Bétɛl koo, gɔ nwiin yobanna lé Nébat be Jéroboam lé é Izraɛl kɛlɛ wenyanékɛlɛzannu nya, é a kɛlɛ koo, minwiinzan blɛn wo faa sɛrɛ; é gɔ nwiin yobanna kyɛ ble yé a yee bo, yé é miyili kyɛ ble.

2 Minwiinzannu 3:3

naa, ébo nɔ Nébat be Jéroboam lé é Izraɛl kɛlɛ wenyanékɛlɛzannu nya, alé wenyané kɛlɛle lɛ, yé é ’ka daan lɛ a ma lo.

2 Minwiinmunu lé Wezuofe Sɛbɛ 33:6

É é benu kyɛ ble Inom benu lé pɛngurunu gi; éé ’moné dɔa latinu valé ménénu nya wena yele we ma, é ébo nɔ yokɛlɛle lɛ, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

2 Minwiinmunu lé Wezuofe Sɛbɛ 33:9

Naa, Manasé lé we ma lé Juda valé Jérusalɛm munu zi san yé wo we naané kɛlɛ kiɛre é mini bɛnnu lé Gakelebale wo kulu ga Izraɛlnu ’lɛ, wo ta.

2 Minwiinmunu lé Wezuofe Sɛbɛ 36:14

Balebanzannu nwiinzannu faa valé munu ’wolé bélidɔwe sɛrɛle gi gyɛ bɛngɔnɔnu faa lé bozowenu yɛrama, yé Gakelebale lé kɔn lé wa pa é yɛrama Jérusalɛm, wa sɔnnénu sɛrɛ.

Fwile 32:21

Moizi lé Arɔn lɛ léé: Mɛ lé munu ’ko a kɛlɛ i lɛ, yé i zi nɔ wo lɛ léé, ’wo ’bɛ zo wenyané blɛn kɛlɛɛ?

Ézai 57:5

Ka kyɛ paan ka ke ma térébɛnt yilinu sɔnɔ, yili drɔɔdrɔɔ faa wuo, ’té ka nénu bɔrɔ boo pɛnguru gi, gɔlɛ fɛn gyɛnanu na. Yee kaan loo?

Jérémi 19:2

’I go Bɛn‐Inom gɔ worona, ’té é ke bɔdɔkɔn ’léé bɛ, ana. ’Bɛna lé dére lé maa dan a fe lɛ i lɛ bɛ, bé zana dɔɔ.

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi 44:4

Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

Jérémi 7:30

Naa, Gakelebale léma: We lé é ke an yuɛ gi é naané, Juda munu a kɛlɛ. Wo ’wolé bozofɛnu pla kɔn lé an tɔ ke a ma, a gi, a tiridɔle we ma.

Jérémi 7:31

Wo ’wolé yobannanu dɔ Tofɛt, gɔworona lé wa laama Bɛn‐Inom, ana, wo benu valé wo lunu kyɛblele ’bɛna we ma. We lé maa ’ka a vinin fe lɛ wo lɛ pelo, we lé a vinin ’ka dɔ lɛ an gi pelo, yee lé wa kɛlɛ.

Ézékiɛl 23:37

Wo ’wobo nɔ le bɛ zana ginile lɛ, yé mi nyɛ a wo bɛ ma. Wo go wolé miyilinu zuo bɔrɔdɛ le gole zo gɔné zuo. Yé nénu lé wa yaa an lɛ, wo wo vɔ kyɛ va, wo kɛlɛle miyilinu blefɛ nya we ma.

Lévinu 18:21

Té i Mɔlɔk banfɛ kɛlɛ ilé né do kpen nya lo; té ilé Bale tɔ sɛrɛ lo. Maa a Gakelebale nya.

Kelewenu 7:43

Ka Mɔlɔk lé sɔkɔn valé Réfan bale lé monéné si; Miyilinu ’ko lé ka wo kɛlɛ, wo bɔle we gi. Maa dan go lɛ ka nya é ziin Babilɔn zi.

Bélidɔwesɛbɛ Fiézan 12:31

Té ka kɛlɛ ’bɛ zo Gakelebale, kalé Bale vazia lo; naa, wo ’wozé balenu bɔa, bozowe lé a gin éé dɔa Gakelebale nyé gi, a kɛlɛle nya; dé é a wo benu valé wo lunu kyɛblele nya wolé balenu bɔle we gioo, wa kɛla.

Bélidɔwesɛbɛ Fiézan 18:10

Té ka va mi do kpen é be valé é lu gié kyɛ va lo; ’monédɔzan koo, monéné va ’monédɔzan koo, wi va ’monédɔzan koo, gyɛzorowe kɛlɛzan koo,

Bélidɔwesɛbɛ Fiézan 24:4

té a zana vininzan a si é na nya é ziin lo; é ’ka vo lɛ le tegele nya é dɛrɛ lo; we ’ko a bélé bo zo Gakelebale yuɛ gi; tɛrɛ lé Gakelebale, kalé Bale a nɔ ka lɛ tɔnɔfɛ nya, té ka wenyané kɛlɛ a ta lo.