Jérémi 32:32 - Kazambale lé Sebe Sauunu 1979

³² Izraɛl munu valé Juda munu koo, wo nwiinzan blɛn koo, wozannu koo, wolé Balebanmunu valé wolé balelayemunu koo, Juda munu valé Jérusalɛm munu koo, wenyanénu lé wa kɛlɛ an bliflile we gi, aléwemalé é sɔ an lɛ léé, maa a si an yuɛ gi.

Jérémi 32:32 ပူးပေါင်းရင်းမြစ်များ

Ezidras 9:7

É sia ko tranu bléyi va, ko a weanwiinzan blɛnnu nya, fɔɔ yé é bɔ kyɔ, yé kolé weplenu lé we ma lé i ko pa minwiinzan blɛn bɛnu lee, yé wo ko gyɛ gwɔun nya, yé wo kolé fɛnu sia gla nya, yé wo go ko nya luu gi yé yara a ko ’wuo ma fɔɔ kyɔ, ko nwiinzannu valé kolé Balebanzannu koo, ko faa lé.

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 22:1

Pɛnguru lé woo yuɛzi yé ana, balelawe lé Ézai a fe a ma, yee lo. Jérusalɛm munu, mɛ we ɛ bɔ yé ka faa é go kɔn nwiin?

Jérémi 2:26

Kyeenwozan lé wo bɔ a ma fiaa kyeenwona, yara a gya fɛan zo, a zo duo lé yara é dan Izraɛlmunu gyɛ lɛ, wo koo, wo nwiinzan blɛnnu koo, wo nwiinzannu koo, wolé Balebanzannu koo, wolé balelayezannu koo, woo lé.

Jérémi 44:17

Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Jérémi 44:21

Lasikɔrɔpo lé ka kyɛ ble Juda tɛrɛ la flanu valé Jérusalɛm zinu ta bɛ, ka koo, ka tranu koo, ka nwiinzan blɛnnu valé ka nwiinzannu koo, tɛrɛlamunu koo, a sele ’ka dɔ lɛ Gakelebale gi loo? É ’ka é bɔn‐in bɔrɔ lɛ ’bɛ ma loo?

Jérémi 7:17

Wenu lé wa kɛla Juda tɛrɛ la flanu ta, é valé Jérusalɛm zinu ta, i ’ka wo yé loo?

Ézékiɛl 22:6

Bé ye, bii fla ’ko méléna lé Izraɛl munu minisinu faa mi nyɛ zana wolé plɛplɛ nya.

Daniɛl 9:16

Mizan, ilé bliflile valé i wɛwɛ dɔle ’é si ilé fla Jérusalɛm valé ilé gɔ plɛplɛ ma ma, i nyanai zénle blɛn yɛrama. Naa, kolé wenyanénu valé ko tranu lé weplenu kɛlɛle ma lé Jérusalɛm valé ilé munu kɛlɛ serelebomazannu nya munu faa lé ke wo zi, wo yuɛ gi.

Daniɛl 9:6

Balelayezannu lé wo we fe i tɔ gi, ko nwiinzan blɛnnu koo, ko nwiinzannu koo, ko tranu koo, kolé tɛrɛlamunu faa koo, wo lɛ, ko ’ka ko tɔné dɔ lɛ woo, i wuozannu lɛ lo.

Daniɛl 9:7

Mizan, kɛlɛle tegele a bii ɛ zé nya; yé yaragyɛwe a kozé nya kyɔ, Juda munu koo, Jérusalɛm munu koo, Izraɛlnu faa koo, dé wa é puoo, dé wa baaoo, yaragyɛwe a wo faa zé nya. Wo yuɛ gi blanle lé we ma lé wo kɛlɛ weanwiinzannu nya, amalé i wo bin yé wo sɔɔla tɛrɛ faa la.

Daniɛl 9:8

Mizan, ko koo, ko nwiinzan blɛnnu koo, ko nwiinzannu koo, ko tranu koo, ko wenyané kɛlɛ i ma, amalé yara ko gyɛ.