Jérémi 32:31 - Kazambale lé Sebe Sauunu 1979

³¹ Naa, fla ’ko an bli fli yé an wɛwɛ dɔ, é sia a pabléyi va fɔɔ kyɔ, amalé é sɔ an lɛ léé, maa a si an yuɛ gi.

Jérémi 32:31 ပူးပေါင်းရင်းမြစ်များ

2 Minwiinzannu 21:16

É ziin, Manasé weanwiinlozannu nyɛ zana kiɛre fɔɔ yé Jérusalɛm fan a nya, é sia a péli ma fɔɔ yé é bɔ a ’wuo ma; wenyanénu lé é a kɛlɛ yé é Juda munu kɛlɛ wo kɛlɛzannu nya, we lé ke é naané Gakelebale yuɛ gi, a kɛlɛle nya, wo ’ka ’bɛ fena lo.

2 Minwiinzannu 23:15

Balebanna lé ke Bétɛl koo, gɔ nwiin yobanna lé Nébat be Jéroboam lé é Izraɛl kɛlɛ wenyanékɛlɛzannu nya, é a kɛlɛ koo, minwiinzan blɛn wo faa sɛrɛ; é gɔ nwiin yobanna kyɛ ble yé a yee bo, yé é miyili kyɛ ble.

2 Minwiinzannu 23:27

Yé Gakelebale léé: Maa Izraɛl si an yuɛ gi fɛan zo, a zo duo lé maa dan Judanu si lɛ an yuɛ gi é ziin, yé fla ’ko, Jérusalɛm lé maa si a va, é valé kɔn lé maa a mawe fe léé, ’bɛna lé an tɔ é dan kɛlɛ lɛ, maa dan sɔn vɔ lɛ wo ma.

Jérémi 23:39

bɛwemalé, ka ye, an gi é dan san lɛ ka ma; an dan son vɔ lɛ ka valé fla lé maa a nɔ ka valé ka tranu lɛ, a ma. An dan ka bin lɛ an yara ma baa;

Jérémi 27:10

Naa, woo balelawe fé ka lɛ vié nya, léé, ka si kalé tɛrɛ la baa yé maa ka bin yé ka zamaga wo.

Jérémi Lé Wuvɔ Sɛbɛ 1:8

Jérusalɛm lé wenyané fan, Bɛwemalé é kɛlɛ léabomafɛ nya; Munu faa lé wa tɔ bɔa turu, wa yé mi porole nya, amalé woo serele boo a ma; Yeebozen éé bamaflin woo, ’té éé ’wuo vɔa é wuo.

Daniɛl 9:16

Mizan, ilé bliflile valé i wɛwɛ dɔle ’é si ilé fla Jérusalɛm valé ilé gɔ plɛplɛ ma ma, i nyanai zénle blɛn yɛrama. Naa, kolé wenyanénu valé ko tranu lé weplenu kɛlɛle ma lé Jérusalɛm valé ilé munu kɛlɛ serelebomazannu nya munu faa lé ke wo zi, wo yuɛ gi.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.