Jérémi 32:29 - Kazambale lé Sebe Sauunu 1979

²⁹ Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.

Jérémi 32:29 ပူးပေါင်းရင်းမြစ်များ

2 Minwiinzannu 25:9

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

2 Minwiinmunu lé Wezuofe Sɛbɛ 36:19

Wo Bale lé kɔn kyɛ ble; wo Jérusalɛm gɔrɔ guru zana a gi, wo fuakɔnnu faa kyɛ ble, yé wo fɛwezannu faa sɛrɛ.

Néémi 8:16

Yé munu go yilibɛnu kini lɛ yé wo nyanawuofaanu kɛlɛ wo nya, wolé kɔnnu ta loru koo, wolé kɔn ’léénu koo, Bale lé kɔn gɔrɔ gi koo, flagɔrɔ ’léé lé wa laama ’yinu koo, flagɔrɔ ’léé lé wa laama Éfraim, ’bɛna koo, wona.

Ézai 22:1

Pɛnguru lé woo yuɛzi yé ana, balelawe lé Ézai a fe a ma, yee lo. Jérusalɛm munu, mɛ we ɛ bɔ yé ka faa é go kɔn nwiin?

Jérémi 11:17

Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.

Jérémi 17:27

Naa, dé maa ka béli dɔ léé, ’ka flinyi kɛlɛ yi nyané nya, té ka kɔné do kpen si a yi nya lo, té ka kɔné do kpen wɔra Jérusalɛm flinyi nya lo, naa, dé ka ’ka ka tɔné dɔ lɛ an lɛ lo, ’té maa dan kalé flagɔrɔ ’léé duolinu kyɛ vɔ lɛ, yé é dan Jérusalɛm lé fuakɔnnu kyɛ ble lɛ yé é ’ka dan diri lɛ pelo.

Jérémi 19:13

Jérusalɛm kɔnnu valé Juda nwiinzannu lé kɔnnu, wo dan kɛlɛ lɛ fɛ lé wana sɔnné sɛrɛ, a nya, bélé Tofɛt zo; kɔnnu faa lé wo lasikɔrɔ kyɛ ble wo nwiin lagifɛnu faa ’lɛ, ’té woo baleban’yi zanaan bale bɛnu lɛ wo nwiin bɛ, woo lé.

Jérémi 21:10

Naa, Gakelebale léé: Maa an yuɛ vɔa fla ’ko ta wenaané kɛlɛle a lɛ we ma; wezin kaan lo. Maa dan a nɔ lɛ Babilɔn nwiinzan blɛn lɛ, yé é dan a kyɛ ble lɛ.

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi 32:3

Juda nwiinzan blɛn Sédésias Jérémi vɔ bokɔn gi a fele nya léé: Mɛmalé i balelawe fe léé: Gakelebale léma: Bé ye, maa fla ’ko pa Babilɔn nwiinzan blɛn lee, yé é dan a si lɛ;

Jérémi 34:2

Gakelebale Izraɛlnu lé Bale léma: ’I go, bé fe Juda nwiinzan blɛn Sédésias lɛ léma: Gakelebale léma: Bé ye, maa fla ’ko pa Babilɔn nwiinzan blɛn lee. É dan a kyɛ ble lɛ.

Jérémi 39:8

Kaldé munu minwiinzan blɛn lé kɔn kyɛ ble, yee valé munu lé kɔnnu nya, yé wo Jérusalɛm zi gɔrɔnu faa zana a gi.

Jérémi 44:25

Lai sunyanu lé Gakelebale, Izraɛl lé Bale léma: Ka valé ka nanu, we lé é bɔra ka ’léé, ka kɛlɛ. Ka léé, balekundére lé ’wa fe, ’wo dan a lɛ sɔɔ lɛ; ’wo dan lasikɔrɔpo kyɛ ble lɛ lagi fuale lɛ yé ’wo dan ’yi zana lɛ a lɛ. Yé sin, ka kalé balekundére lɛ sɔɔ, yé we lé ka fe, ka kɛlɛ.

Jérémi 52:12

Moné soruzan lé yi vuzan nya, yee lé ke Babilɔn nwiinzan blɛn Nébukanɛsaa plale munu nwiin lɛɛ vu ta sɔraziɛnzan nya, Babilɔn nwiinzan blɛn wuozan Nébuzaradan lé ke sunyanu ’lɛzan nya, é da Jérusalɛm.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi 7:17

Wenu lé wa kɛla Juda tɛrɛ la flanu ta, é valé Jérusalɛm zinu ta, i ’ka wo yé loo?

Jérémi 7:18

Nénu éé kyɛ yélié yé wo tinu éé kyɛ sɔn‐o, yé lomu éé buruyɔɔ zɔn‐o yé wo gatonu kɛlɛ a nya lagi fuale zé nya, é valé ’yi zanale nya bale bɛnu lɛ, an bli flile we gi.

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 23:47

Yé mi gu ’ko, é dan wo gyɛ lɛ gɔlɛ nya, yé ’bɛnu é dan wo gyɛ lɛ gwɔun nya; wo dan wo benu valé wo lunu gyɛ lɛ, wo dan wolé kɔnnu kyɛ ble lɛ.

Matio 22:7

Minwiinzan bli fli yé é sunyanu nwunvɔ yé wo migyɛmunu ’konu gyɛ yé wo wolé fla kyɛ ble.

Kelewenu 10:9

’Bɛ é tu kini dé munu ’ko a zia yé wo bɔ aan wo Jopé sɔnɔ, ’té Piɛri go kɔn nwiin é yiéyi bazorole we ma.

Ébrunu 3:16

Wo lé wo nwa mi ma we ’male zuo, dé é ’ka munu faa lé wo si Éjipiti tɛrɛ la, ’té Moizi a wo ’lɛ, wo nya lo, ’té denu léé?