Jérémi 32:24 - Kazambale lé Sebe Sauunu 1979

²⁴ Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 32:24 ပူးပေါင်းရင်းမြစ်များ

2 Samuɛl 20:15

Yé wo da Sééba mabɛn lɛ Abɛl‐Bɛt‐Maaka, yé wo tɛrɛ zun dɔ fɔɔ yé é bɔ flamunu lé savulina yɛrama. ’Té Joab vamunu faa é fla gɔrɔ gane wuo blé, flagɔrɔ zanale we gi.

Ézai 37:33

Bɛwemalé Gakelebale we fe ’ko zo Asiri munu nwiinzan mawe nya, léé: É ’ka dan wɔra lɛ fla ’ko ta lo, É ’ka dan sawɔlɛ vuli lɛ ana lo, É ’ka dan mibotakuunfɛ gɔɔn lɛ ana lo, Yé é ’ka dan tɛrɛ zun dɔ lɛ ana lo.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 20:5

Fla ’ko lé fuafɛnu faa koo, ana munu lé nyanama tɔnɔ faa koo, alé fɛwezannu faa koo, Juda nwiinzan blɛn lé fɛwezannu faa koo, maa dan wo nɔ lɛ wo nyanémunu lɛ. Wo dan wo si lɛ gla nya, yé wo go wo nya Babilɔn.

Jérémi 24:10

Gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia, fɔɔ yé wo ta é saan tɛrɛ lé maa a nɔ wo valé wo tranu lɛ, a ta.

Jérémi 29:17

Ka ye, gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia yé munu ’ko é dan kɛlɛ lɛ é naané bélé bɔrɔyiliporonu lé wa naané é baba yé mi ’ka bɔa wo blele lɛ lo, wo zo.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 32:25

Naa, Mizan Gakelebale, duowo, bé fe an lɛ léé, ’an féi do lɔ gɔɔli nya, an wenayezannu dɔ, ’té Kaldé munu fla si.

Jérémi 32:28

Bɛwemalé Gakelebale léma: Bé ye, maa fla ’ko paan Kaldé munu lee, maa a paan Babilɔn nwiinzan blɛn Nébukanɛsaa lee, yé é dan a si lɛ.

Jérémi 32:3

Juda nwiinzan blɛn Sédésias Jérémi vɔ bokɔn gi a fele nya léé: Mɛmalé i balelawe fe léé: Gakelebale léma: Bé ye, maa fla ’ko pa Babilɔn nwiinzan blɛn lee, yé é dan a si lɛ;

Jérémi 32:36

Yé sin, Gakelebale, Izraɛl munu lé Bale léma: Fla lé bé mawe fe kɔɔn léé, wo dan a pa lɛ Babilɔn nwiinzan blɛn lee, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ,

Jérémi 32:5

Babilɔn nwiinzan blɛn é dan go lɛ Sédésias nya Babilɔn, yé é dan vo lɛ ’bɛna fɔɔ yé a sele é dɔ an gi. Maa Gakelebale ɛ ke a fena. Dé ka guli dan Kaldé munu va, é ’ka dan nana lɛ ka lee lo. Mɛmalé i balelawe fe ’bɛ zoo?

Jérémi 33:4

Fla ’ko ta kɔnnu valé Izraɛl munu nwiinzan blɛnnu lé kɔnnu lé wo dan wo ’wii lɛ yé wo ’bin gyɛ wo nya guli lé we ma, Gakelebale Izraɛl lé Bale wo ma we fe léma:

Jérémi 34:17

Amalé Gakelebale léma: Ka ’ka an lɛ dɔ lɛ a ma lo, ka ’ka zi nɔ lɛ ka bwenu valé ka bɔluzannu lɛ léé, wo vo wobo ma lo. Amalé maa dan zi nɔ lɛ gwɔun koo, migyɛgyɛ koo, lɔrɔ koo, wo lɛ yé di é dan kini lɛ tɛrɛ blɛnnu faa gi kalé we ma.

Jérémi 52:4

Sédésias plale munu nwiin lɛɛ sɔraziɛnzan lé moné vuzan lé yi vuzan nya, Babilɔn nwiinzan Nébukanɛsaa da Jérusalɛm ma, élé sunyanu faa nya é va; é sɔkɔnnu dɔ a ’lɛ, yé é tɛrɛ zun dɔ a zi.

Jérémi 52:6

A moné ziɛnzan lé yi sɔraziɛnzan nya, lɔrɔ dɔ fla plɛplɛ, yé ana munu ’ka fɛblele ye lɛ lo.

Jérémi 6:6

Naa, lai sunyanu lé Gakelebale léé: ’Ka yilinu vɔ, ’ka wo dɔ Jérusalɛm gɔrɔ giéamafɛnu nya; é a lé wo we lɛdɔ fla ’ko lamunu gi; vakɛlɛle saa ɛ ke ana.

Ézékiɛl 14:21

Amalé we lé Mizan Gakelebale a fe, yee lo: Dé maa anlé welɛdɔ migifɛ ziɛn pa Jérusalɛm lɛ zia, gwɔun koo, lɔrɔ koo, migyɛwinu koo, migyɛgyɛ koo, woo lé, dé maa wo pa zia blaminu valé winu kulu gale we ma,

Ézékiɛl 21:22

Yé maa é ziin, maa dan an bɛ gyɛ lɛ, yé an wɛwɛ dɔle lɛ é dan sɔɔ lɛ. Maa Gakelebale, maa ɛ fe.

Ézékiɛl 21:27

’Munnuwɔlɛ lé ke a bɛyi lee, ’bɛ Jérusalɛm nagɔɔn; ’bɛna lé é a lé wo guruzanagifɛnu dɔ, yé é kɛlɛ migyɛna nya yé wo guli ma siaa wo ana; wo dan gulidan guru zanagifɛnu dɔ lɛ gɔrɔ ’léénu ma; wo dan tɛrɛ zun dɔ lɛ wo ’lɛ, wo dan tɛrɛ zun blɛn dɔ lɛ ilé gɔrɔ ma.

Ézékiɛl 26:8

É dan ilé fla sɛsɛnénu gyɛ lɛ gwɔun nya; é dan tɛrɛzun blɛn dɔ lɛ ilé gɔrɔ ma; é dan tɛrɛzun dɔ lɛ, yé é dan botakuunfɛ dɔ lɛ i ma.

Ézékiɛl 4:2

’I sunyanu foto dɔ a zi. ’I tɛrɛ zunnu dɔ a zi; ’i tɛrɛ ’binnu gyɛ a ma; ’i sɔkɔnnu dɔ a zi, ’i guruzanafɛnu diri a zi.

Abaku 1:10

Woo we nanaan minwiinzan blɛnnu ma, yé minwiinzannu ɛ ke wolé yérisiémazannu nya. Woo yéri sié kɔn plɛplɛnu faa ma; woo tɛrɛ zun dɔa wo ma yé woo wo sié ’wozé nya.

Zakari 1:6

Duowo, an dérenu lé maa wo pa an wuozannu balelayezannu ’léé ka tranu zé nya, wo lɛ ’ka é sɔɔle loo? Yé wo nɔla yé wo léé: We lé é dɔ lai sunyanu lé Gakelebale gi léé, é a kɛla ko lɛ kolé tawobɛ valé ko kɛlɛwenu yɛrama, é a kɛlɛ.

Matio 24:35

La valé tɛrɛ é dan gié lɛ, naa, an dérenu ’ka dan gié lɛ monomono lo.

Bélidɔwesɛbɛ Fiézan 4:26

ka dan zamaga wo lɛ tɛrɛ lé ka go a si lɛ kazé nya Juudɛn yuu zi bɛ, a ta, ’té ka sele ’ka dɔa mi gi é dɛrɛ lo; kalé tɛrɛla é dan bɔi lɛ a ta, yé ka kulu é dan ga lɛ tata; maa la valé tɛrɛ kɛlɛ anlé wenayezannu nya kyɔ yé wo ka ma we fe.