Jérémi 32:20 - Kazambale lé Sebe Sauunu 1979

²⁰ I gyɛzorowenu valé we blɛnnu kɛlɛ Éjipiti tɛrɛ la fɔɔ kyɔ, yé bé kɛlɛ Izraɛl tɛrɛla valé munu méléna. I tɔ kɛlɛ blɛn bélé fɛan zo lé é ke kyɔ, a zo.

Jérémi 32:20 ပူးပေါင်းရင်းမြစ်များ

2 Samuɛl 7:23

Izraɛl lé, Bale da wo tabo lɛ, wo kɛlɛle élé munu nya we gi, wo zo bɛn do a tɛrɛ laa? I tɔ kɛlɛle blɛn lé we ma lé i gyɛzorowenu valé we blɛnblɛnnu kɛlɛ ilé tɛrɛ valé kolé we ma; munu lé i wo si Éjipiti tɛrɛ la wo kɛlɛle ilé munu nya we ma, i bɛnnu valé wolé balenu bin wo ’lɛ.

Minwiinzannu lé Wezuofe Sɛbɛ 17:21

Bɛn bɛ a tɛrɛ la bélé ilé munu Izraɛl zoo? I da wo tabo lɛ, wo kɛlɛle ilé munu nya we gi, yé i tɔ nɔ ibo lɛ yé i gyɛzorowe valé we blɛnblɛnnu kɛlɛ bɛnnu binle nya ilé munu lé i wo tabo Éjipiti munu lee, wo ’lɛ. Bɛn bɛ a ’bɛ zoo?

Néémi 9:10

I gyɛzorowenu valé we blɛnblɛnnu kɛlɛ Faraɔn koo, é wuozannu koo, élé tɛrɛlamunu faa koo, wo lɛ. Naa, nyanénu lé wa pa ko tranu ta, bé gi dɔɔ, yé ilé fuasan bɔra bélé fɛan zo lé bé bɔra kyɔ ko lɛ ’ko, a zo.

Néémi 9:11

I wɛyi fee gyɛ wo ’lɛ, yé wo gié fɛna galena wɛyi méléna; naa, munu lé ’bɛnu wo zuo bin, i ’bɛnu vuli a guru blɛn gi, bélé gɔlɛ lé éé goo ’yiwɔlɛ ma, a zo.

Lɛrɛvɔ Sɛbɛ 135:9

É tɔmasenu valé gyɛzorowenu kɛlɛ, bii, Éjipiti tɛrɛ la. É wo kɛlɛ Faraɔn valé é wuozannu faa lɛ.

Fwile 10:2

we lé maa kɛlɛ Éjipiti munu lɛ, é valé tɔmasenu lé maa a kɛlɛ wo méléna, yé ka wo zuo fe ka benu valé ka nénénu lɛ, ’bɛ lé we ma é ziin. Yé ka dan a gi dɔɔ lɛ léé, maa a Gakelebale nya.

Fwile 3:20

Maa dan an bɛ soi lɛ yé maa dan Éjipiti munu bla lɛ, we blɛnblɛnnu gɔnɔ faa lé maa dan a kɛlɛ lɛ wo méléna, wo nya. ’Bɛ zuo é dan daan lɛ ka ma yé ka go.

Fwile 7:3

Yé maa dan Faraɔn bli kɛlɛ lɛ plɛplɛ yé maa dan anlé tɔmasenu valé anlé gyɛzorowenu gi gyɛ lɛ Éjipiti tɛrɛ la. Faraɔn ’ka dan tɔné dɔ lɛ ka lɛ lo.

Fwile 9:16

Naa, é i vo ana, ilé ’élé plɛplɛ yele we gi yé wo ’é tɔ sɔɔla tɛrɛ faa la.

Ézai 63:12

té éé zi gɔɔn‐an Moizi bɛyi lɛ ébo bɛ plɛplɛ nya, é a kyɛɛn? Mi lé é ’yi fén gyɛ wo ’lɛ, tɔ lé a glɛ ’ka lo, a yele we ma,

Ézai 63:14

Gakelebale Léli go wo nya flinna bélé wi lé é zun gɔ worona, a zo. ’Bɛ zo lé i go ilé munu nya, i tɔ kɛlɛle blɛn we ma.

Jérémi 13:11

Naa, woo kyɛsidi dɔa mi gyɛn fɛan zo bɛ, a zo lé an Izraɛl lé munu faa yere an ma, é valé Juda lé munu faa nya, léé, ’wo kɛlɛ anlé munu koo, an tɔ koo, an tɔbɔle koo, anlé fua koo, wo nya; naa, wo ’ka ’wo tɔné dɔ lɛ an lɛ pelo. Maa Gakelebale ɛ ke a fena.

Daniɛl 6:28

Darius valé Pɛɛs mi Sirus plale mi nwiin bléyinu va, Daniɛl bɛ ma kɛlɛ néné.

Daniɛl 9:15

Yé sin, Mizan, kolé Bale, biian ilé munu si Éjipiti tɛrɛ la i bɛ plɛplɛ nya yé i tɔ kɛlɛ blɛn fɛan zo lé é ke kyɔ, a zo, ko wenyané valé weple kɛlɛ i ma.

Kelewenu 7:36

Yee ɛ wo si Éjipiti tɛrɛ la we blɛnblɛnnu valé gyɛzorowenu kɛlɛle nya, Éjipiti tɛrɛ la koo, Wɛyi Sɔɔn va koo, bwi gi koo, wona, lɛɛ yɔ fié gi.

Bélidɔwesɛbɛ Fiézan 11:3

wenu valé tɔmasenu lé é a kɛlɛ Éjipiti tɛrɛ la, Éjipiti mununwiinzan Faraɔn valé alé tɛrɛ faa ma koo, a sele ’é dɔ ka gi ma.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 6:22

Gakelebale gyɛzorowenu valé tadanmawe blɛnblɛnnu kɛlɛ ko yuɛ va, Éjipiti tɛrɛ koo, Faraɔn koo, alé kɔngimunu koo, wo lɛ;

Bélidɔwesɛbɛ Fiézan 7:19

Gidanwenu blɛn lé wo kɛlɛ ka yuɛ va koo, gyɛzorowenu valé weblɛnblɛnnu koo, Gakelebale bɛ plɛplɛ lé ke é soile koo, we ’konu faa lé ka wo ye ka sile Éjipiti tɛrɛ la bléyi va, wo sele ’é dɔ ka gi ma; ’bɛ zo lé Gakelebale kalé Bale é dan a kɛlɛ lɛ, munu faa lé ka a kanana wo lee, wo lɛ.