Jérémi 32:19 - Kazambale lé Sebe Sauunu 1979

¹⁹ I we plaan mi lɛ i zua, yé i a plɛplɛ we kɛlɛle gi; i yuɛ a é fuole blami kɛlɛwe yele we ma, léé, i wo faa do do banwo wolé tawobɛ yɛrama, wolé we kɛlɛbɛ yɛrama.

Jérémi 32:19 ပူးပေါင်းရင်းမြစ်များ

1 Minwiinzannu 8:32

’i tɔné dɔ lanu gi, ’i we kɛlɛ; ’i i leezannu lé we ble; ’i wegyɛzan gyɛ we nya, yé ’i ’bɛzan kɛlɛwe dɔ ébo nwiin; ’i weanwiinlozan zé kɛlɛ néné, yé ’i we kɛlɛ a lɛ alé we néné yɛrama.

2 Minwiinmunu lé Wezuofe Sɛbɛ 16:9

Naa, Gakelebale éé tɛrɛlamunu faa naginian, munu lé wo bli ke a lɛ é ta lé kɔn‐an, wo dɔle gligli we ma. I we ’ko kɛlɛ ’tu nya. Naa, guli é dan nwa lɛ i ma lao bɛ.

JOB (Job) 34:11

Éé we kɛla blami lɛ a kɛlɛwenu yɛrama, Éé mi faa do do banwo é giégane yɛrama.

JOB (Job) 34:21

Naa, Kazambale éé mi faa lé tawobɛ yé, A yuɛ a mi faa do do giégane va.

Lɛrɛvɔ Sɛbɛ 111:2

Gakelebale panyanama a blɛn, Munu faa lé yee nyanamanu sɔ wo lɛ, wa ze vɔa.

Lɛrɛvɔ Sɛbɛ 34:15

’I si wenyané ma baa, yé ’i wezin kɛlɛ. ’I vole drɔɔ nagini yé ’i go a zuo ma.

Lɛrɛvɔ Sɛbɛ 62:12

Bale we fe gɔnɔ do, Maa we ’ko ’ma gɔnɔ fié, Léé, plɛplɛ a Bale ɛ lee.

Lɛrɛvɔ Sɛbɛ 92:6

Oo Gakelebale, i panyanamanu a blɛɛn; Mi ’ka i gibɔrɔle gi maan lo.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Wegɔnévɔlenu 5:21

Naa, mi lé tawobɛnu a Gakelebale lé éé mi lé zinu naginian, a yuɛ va.

Wegɔnévɔlenu 8:14

Weplale valé wevagyɛle a anzé nya; Gikinile lé ke an nya, plɛplɛ a anzé nya.

Bale Lé We Gifezan 12:14

An be, we lé é vo, we konu ’wo we paa i gi ma; sɛbɛpanu kɛlɛle ’ka nyaan lo, yé wedraanle a mi wɔlɛginyaawe nya.

Ézai 28:29

’Bɛ é ziin, ’bɛ si lai sunyanu lé Gakelebale va; alé weplale mi lɛ a zevɔwe nya; alé wedɔɔle a blɛn.

Ézai 40:13

De ɛ Gakelebale léli gi dan, Yé de ɛ a bɔn‐in kini élé weplale a lɛ nyaa?

Ézai 59:18

É dan mi faa do do banwo lɛ wo kɛlɛwe yɛrama; é dan é mazannu banwo lɛ é wɛwɛ nya; é dan é nyanézannu banwo lɛ yee duo zo; é dan wɛyiworona tɛrɛ la munu banwo lɛ yee duo zo.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 16:17

Naa, an yuɛnu a wolé tawozinu faa ta, wo yɔɔna do kpen ’ka an lee lo, yé wolé weplenu ’ka é yɔɔle an lee lo.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Jérémi 21:14

Maa dan we lɛdɔ lɛ ka gi ka kɛlɛwe yɛrama. Maa dan kalé pɔrɔ kyɛ vɔ lɛ yé é dan a zi fɛnu faa ble lɛ. Maa Gakelebale ɛ ke a fena.

Jérémi 23:24

Gakelebale léma: Mi éé bɔalɛ yé ébo yɔɔ fɛdona, ’té maa ’ka a yé loo? Gakelebale léma: Maa ’ka la valé tɛrɛ faan loo?

Jérémi 25:14

Naa, Kaldé munu é ziin, wo dan kɛlɛ lɛ bɛn plɛplɛnu valé minwiinzan blɛnnu lé luunu nya, yé maa dan wozé lɛgi pa lɛ wo kɛlɛwe valé wo bɛ kɛlɛfɛnu yɛrama.

Daniɛl 2:45

Gɔlɛ lé bé ye sona gɔ ma bɛ, ’té mi bɛ ’ka a ma lo, yé foliɛwɔlɛ koo, zéné koo, bɔtɛrɛ koo, gɔɔlifu koo, kyan koo, yé é wo wii bɛ, ’bɛ gi lé ke bɛ. We lé é dan bɔ lɛ ’bɛ zuo, Bale blɛn a gɔɔn minwiinzan blɛn lɛ. A nyɛ a webozen nya, yé a gifedére a tegele.

Daniɛl 4:35

Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.

Zakari 9:1

Dére lé Gakelebale a fe Adrak tɛrɛ ma, yee lé ke ’ko. A dére bɔ Damas, naa, Gakelebale yuɛ a mi faa ta bélé Izraɛl bɛn faa zé zo.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

WENÉNÉ LE JAN A GYE (Évangile selon Jean) 5:29

munu lé wo wezin kɛlɛ, wo dan nwa lɛ yé wo vo é yuɛma lɛɛfaama ’bɛ glɛ ’ka dɔa lo; naa, munu lé wo wenyané kɛlɛ, wo dan nwa lɛ wolé we blele we ma.

2 Korɛnt Munu 5:10

Naa, é a lé kaa faa é dɔ Krist lé webleblin ’lɛ, mi faa do do lé é ban yele we ma, dé a kɛlɛwe zin léé? dé a nyané léé? ’té é wo kɛlɛ bléyian va lé é a é kɔlɛ gi bɛ, a yɛrama.

Éfez munu 1:11

Kaa a Krist gi, amalé kaa a tɔnɔblezannu nya, naa, mi lé éé we faa kɛla ébozen lé blibɔmawe yɛrama bɛ, é kaa dɔ a nya é kyɛn ’é bɔn‐in danle nya, léé,

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

Wegɔɔnle 22:12

Bé ye, an dale bɔ é pu, yé mi banwofɛnu a an lee, munu banwole we gi do do wo kɛlɛwenu yɛrama.