Jérémi 32:18 - Kazambale lé Sebe Sauunu 1979

¹⁸ I nyanai éé zén‐é fɔɔ mi kulu wuru é wuru ta, yé weplenu lé né tinu a kɛlɛ, bé ma we lɛdɔa wolé nénu gi. Bii ɛ ke Bale blɛn lé é ke plɛplɛ, a nya, ’té a tɔ ke lai sunyanu lé Gakelebale bɛ, a nya.

Jérémi 32:18 ပူးပေါင်းရင်းမြစ်များ

Wepélisiananu 49:24

Naa, alé sa vo plɛplɛ, Naa, Jakɔb lé Bale plɛplɛ, Mitabinzan Bale, Izraɛl lé Gɔlɛ, A bɛ ɛ Jozɛfu bɛ dɔ plɛplɛ.

2 Minwiinzannu 9:26

Yese, maa Nabɔt valé é benu nyɛ ye, yé Gakelebale léé: Maa dan yee duo kɛlɛ lɛ bii é lɛ, yee féi duo ta. Amalé bé si, bé vuli féi, Gakelebale dére yɛrama.

Néémi 1:5

yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

Lɛrɛvɔ Sɛbɛ 50:1

Lɛrɛ lé Azafa a vɔ. Bale, Bale, Gakelebale, i we fe yé i tɛrɛlamunu laa, Bé pélisia yirinwanazia fɔɔ yé é bɔ yirivɔna.

Lɛrɛvɔ Sɛbɛ 89:9

Gakelebale, lai sunyanu lé Bale, oo Gakelebale, de ɛ lé plɛplɛ ke bélé bii zé zoo? I yarapale we ta i zi lɛ sɔɔan.

Fwile 34:6

Yé Gakelebale gié a ’lɛ yé Gakelebale siaa léé: Gakelebale, Gakelebale, é a mimawe vo Bale valé nyanaizénmila Bale nya; éé we lɛbɛn‐é faa yé a bli é fli, yé zin valé yarapalale a a lee kiɛre.

Fwile 34:7

Mi sɔ an lɛ fɔɔ a kulu wuru soruzan ma; weple koo, nwale mi ma koo, wenyané koo, dé mi a kɛlɛ, Gakelebale a ma we voo, naa, é ’ka wegyɛzan yé weanwiinlozan nya lo. Éé we lɛdɔa nénu gi wo tinu lé weple ma, yé éé we lɛdɔa wolé nénu é nénu gi, fɔɔ yé é bɔ wo kulu yaazan valé wo kulu ziɛnzan ma.

Ézai 10:21

Wo lé wo vo, Jakɔb lé munu lé wo vo, wo dan da lɛ Plɛplɛzan Bale va.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 10:16

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl ɛ ke alé tɔnɔ nya; A tɔ lé lai sunyanu lé Gakelebale.

Jérémi 10:6

Bii Gakelebale, i danmafɛ do kpen ’ka lo; I a blɛn yé i tɔ a é bɔle ilé plɛplɛ ma.

Jérémi 20:11

Naa, Gakelebale a an va bélé nyanazan plɛplɛ zo, Amalé nyanépaantazannu é dan dia lɛ; wo ’ka dan an kun lɛ lo. Wolé we ’ka dan vɔ lɛ a ma lo, amalé yara é dan wo gyɛ lɛ. É dan kɛlɛ lɛ yaragyɛwe lé a glɛ ’ka lo, ’té munu gi ’ka dan san lɛ a ma lo, a nya.

Jérémi 31:35

Gakelebale lé, é yiri kɛlɛ yiéyi va‐kinifɛ nya, Yé é moné valé monénénu kɛlɛ léé, ’wo béli va kini bɛ, ’Té éé wɛyi nwaan yé ’té éé wɛyi nwalenu vun wé bɛ, Yee lé a tɔ ke lai sunyanu lé Gakelebale, é we fe.

Jérémi 33:2

Gakelebale lé é we ’konu kɛla, é léma: Gakelebale lé éé wenu bɔrɔan é ’wuo gi, ’té éé wo kɛla, yee lé a tɔ ke Gakelebale bɛ, é léma:

Jérémi 50:34

Naa, wo lɛgipazan a plɛplɛ; yee lé wa tɔ laama lai sunyanu lé Gakelebale. Naa, é dan dɔ lɛ wo zuo, léé, é flinle nɔ wo lɛ wolé tɛrɛ la, yé Babilɔn munu ma ’é nyɔɔn.

Daniɛl 2:45

Gɔlɛ lé bé ye sona gɔ ma bɛ, ’té mi bɛ ’ka a ma lo, yé foliɛwɔlɛ koo, zéné koo, bɔtɛrɛ koo, gɔɔlifu koo, kyan koo, yé é wo wii bɛ, ’bɛ gi lé ke bɛ. We lé é dan bɔ lɛ ’bɛ zuo, Bale blɛn a gɔɔn minwiinzan blɛn lɛ. A nyɛ a webozen nya, yé a gifedére a tegele.

Abaku 1:12

Gakelebale, anlé Bale sauun, bian i lɛɛ ’ka lɛɛnu va lo loo? Ko ’ka dan ga lɛ lo. Gakelebaleoo, Gakelebale, i bɛn ’ko dɔ i déretawe kɛlɛzannu nya ilé munu ma. Anlé Gɔlɛgɔ, i bɛn ’ko nwa wo kɛlɛle ilé we lɛdɔ migizannu nya we ma.

Mi Nɔnɔle 14:18

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

Matio 27:25

Munu faa léé: Iin. A nyɛwe ’é dɔ ko valé kolé nénu nwiin ma.

WENÉNÉ LÉ LUK A GYE (Évangile selon Luc) 6:38

’Ka fɛ nɔ, yé wo dan fɛ nɔ lɛ ka lɛ: wo dan a zén lɛ kalé sɔ gi, fɛdangifɛ zin nya, yé wa ta blin, yé wa zuun, yé é zana a ma, naa, ka fɛ no mi lɛ fɛan zo, a zo duo lé wo dan kazé nɔ lɛ.

Bélidɔwesɛbɛ Fiézan 10:17

Naa, Gakelebale, kalé Bale a balenu lé Bale nya, é a mizannu Zan nya, é a Bale blɛn nya, é a Bale plɛplɛ valé mitadanmawe kɛlɛ Bale nya, yé é ’ka glɛ dɔa mi gi lo, yé é ’ka dɔa mi zuo mi leefɛ ma lo;

Bélidɔwesɛbɛ Fiézan 7:21

Té di é kini ka gi wolé we ma lo; naa, Gakelebale, kalé Bale a ka méléna. É a Bale blɛn valé mitadanmawe kɛlɛ Bale nya.