Jérémi 32:10 - Kazambale lé Sebe Sauunu 1979

¹⁰ Maa féilɔsɛbɛ gyɛ, yé an tɔmase dɔra a ta tanpɔn nya; maa wenayezannu dɔ, yé an gɔɔlifu dan kilo ta.

Jérémi 32:10 ပူးပေါင်းရင်းမြစ်များ

Wepélisiananu 23:16

Abraam Éfrɔn dére ’ma, yé gɔɔli fu’léé lé Éfrɔn a fe Et benu yuɛ va, Abraam a pézéwo Éfrɔn lɛ, gɔɔli fu sikla wuru fié lé, flɛdanmunu woo ’wozé pɛzéwoo fɛan zo, a zo.

Wepélisiananu 23:20

Féi valé gɔmaguru lé é ke ana, é vo Abraam zé mipana nya; é a lɔ Et benu lee.

JOB (Job) 14:17

I anlé bélidɔwe sɛrɛlenu ’léé béé bɔlɔ gi, I anlé weplenu po pa yé ilé tɔmase dɔra a ta.

Wegɔné Ma Lɛrɛ 8:6

An we ’é kɛlɛ i bli gi blɛn, ’I an gyɛ pɔɔ nya i bɛ la; Naa, sɔlɛle a plɛplɛ bélé gale zo, Maawole mi va a yuyu bélé migale nyanana zo; A fuu a a ta, bélé kyɛ lé, Bélé Gakelebale lé kyɛnɛnɛ zo.

Ézai 30:8

Sin, ’i go, ’i we ’konu gyɛ gɔlɛfee ta wo yuɛ va. ’Bé guru vɔ é zima, léé, ’wo vo tɛlɛ tɛlama zé nya, lɛɛfaama, té a glɛ é dɔ lo.

Ézai 44:5

Mi ’ko é dan a fe lɛ léé: Maa a Gakelebale zé nya, Yé a koɛ é dan é fe lɛ léé, Jakɔb‐tɔ a ’é ma; Yé a bɛ é dan sɛbɛ gyɛ lɛ ’é bɛ ta léé: Maa a Gakelebale zé nya, Yé é dan ébo ze vɔ lɛ Izraɛl tɔ gi.

Jérémi 32:12

Yé an yee féilɔsɛbɛ vininzan ’ko nɔ Maséja be Nérija be Baruk lɛ, an bu bwe be Anaméɛl koo, wenayemunu lé wo wo tɔ gyɛ féilɔsɛbɛ ta koo, Juifinu faa lé wo ke bokɔn gɔrɔ gi koo, wo faa yuɛ va.

Jérémi 32:25

Naa, Mizan Gakelebale, duowo, bé fe an lɛ léé, ’an féi do lɔ gɔɔli nya, an wenayezannu dɔ, ’té Kaldé munu fla si.

Jérémi 32:44

Wo dan féinu lɔ lɛ gɔɔli nya, wo dan woo féilɔsɛbɛnu gyɛ lɛ, wo dan tɔmasenu dɔra lɛ wo ta tanpɔn nya; wo dan anayemunu dɔ lɛ, Bɛnjamɛn tɛrɛ valé Jérusalɛm zi flanu koo, Juda tɛrɛ la flanu koo, gɔ ma flanu koo, fɛna pɛblɛɛ flanu koo, yirinwana bɛyilazia flanu koo, wona. Naa, maa dan da lɛ woo luugimunu nya wo pa gi. Maa Gakelebale ɛ ke a fena.

Daniɛl 8:26

Nyanadinu valé bladinu lé yuɛziwe lé bé ye bɛ, é a webozen nya. Naa bii, ’i yuɛziwe ’ko tadɔ i bli gi. Naa, é a bléyi baanu zé nya.

Matio 27:66

Wo go yé wo gɔlɛkoro lɛ tan wo sɔbɛla faa nya, wa ’léé zéé yé wo sunyanu dɔ a zi.

WENÉNÉ LE JAN A GYE (Évangile selon Jean) 3:33

Mi lé é ’wuo dɔ a dére wuo, ’bɛzan léé: Kazambale a webozen nya.

WENÉNÉ LE JAN A GYE (Évangile selon Jean) 6:27

Té ka nyanama pa fɛblele lé é dan gié lɛ bɛ, ’bɛ lé we ma lo. ’Ka a pa yee lé é vo vole é yuɛma lé a glɛ ’ka lo, azé nya, alé we ma; yee lé maa blami Be é dan a nɔ lɛ ka lɛ. Naa, Tibale ézé tɔmase pa maa ɛ ma.

2 Korɛnt Munu 1:22

yee ɛ fɛ dɔ ko ma é ziin, yee ɛ fɛ pla ko ta é Léli nya.

Éfez munu 1:13

Ka é ziin, webozen dére lé é ke ka siéwegi Wenéné nya, ka a ’ma aan wo, ka bli vo a lɛ yé ka wɔra Krist gi, yé é fɛ dɔ ka ma Léli Sauun lé, wa nɔle we fe, a nya;

Éfez munu 4:30

Té ka Kazambale Léli ’namawe kɛlɛ lo, a nya lé Kazambale fɛ dɔ ka ma taboyi zé nya.

Bélidɔwesɛbɛ Fiézan 32:34

An gi é saan ’bɛzowenu ma kaa? É a anlé fɛwezannu va, yé maa lɛ tan wo ta.

Jozué 18:9

Yé munu ’konu go yé wo gié ana tɛrɛ la yé wo tɛrɛ glɛnu dɔ flanu yɛrama tɛrɛ lɛ sɔrafié nya, yé wa nyɔɔ dɔ sɛbɛ la yé wo da é ziin Jozué va sɔkɔndɔna, Silo.

Wegɔɔnle 7:2

Yé maa lanje bɛ ye, ’té ’bɛ si yirinwanazia Bale yuɛmale lé tɔmase gyɛfɛ nya é lee; é siaa plɛplɛ lanje ziɛn lé wa se kɛlɛ wo lɛ léé, ’wo wenyané kɛlɛ tɛrɛ valé wɛyi ma, wo lɛ, yé é léé:

Wegɔɔnle 9:4

É lé wo lɛ léé: Té ka wenyané kɛlɛ tɛrɛ la lunu koo, blalaanu koo, yilinu koo, wo do ma lo, naa, munu lé Kazambale lé tɔmase ’ka wo yarapɛla lo, wo saa lɛ lé ’ka kɛlɛ.

RUT (Ruth) 4:1

Boaz go flagɔrɔ ’léé yé é nyana. Yé bé ye, mi lé mi tabose ke a lɛ, ’té Boaz alé we fe bɛ, é a giéna. Boaz lé a lɛ léé: ’I da, ’i nyana.