Jérémi 31:7 - Kazambale lé Sebe Sauunu 1979

⁷ Naa, Gakelebale léma: ’Ka siaa ginanale nya Jakɔb lé we ma, Ka lé ka ke bɛnnu ’lɛ, ’ka siaa ginanale blɛn nya; ’Ka dére nwa, ’ka Bale tɔmagyɛ‐lɛrɛ vɔ, yé ’ka fe léma: Gakelebale, ’ilé munu si we gi, Izraɛl munu lé wo vo, wo lé.

Jérémi 31:7 ပူးပေါင်းရင်းမြစ်များ

Lɛrɛvɔ Sɛbɛ 106:47

Gakelebale, kozé Bale, ’i ko si we gi. ’I ko si bɛnnu méléna, yé ’i ko zén ékeva, léé, Ko i tɔ ’lɛzan kɛlɛ blɛn Yé ko i tɔ zin fe ginanale nya.

Lɛrɛvɔ Sɛbɛ 126:2

’Té ko a é fanle ginanale nya, ’té ko siaan. ’Té ko nɛnɛ éé ginanalɛrɛ saa vɔa, ’Té wa fé bɛnnu méléna léé: Gakelebale we blɛn kɛlɛ wo lɛ.

Lɛrɛvɔ Sɛbɛ 14:7

Oo, de ɛ dan go lɛ Izraɛlmunu lé silewegi si lɛ Siɔn yé é da a nyaa? Gakelebale lé munu lé wo ke luu gi, dé é da wo nya é ziin, Jakɔb gi é dan nana lɛ, yé yéri é dan pa lɛ Izraɛlmunu lɔ ma, yé é gié é glɛ la.

Lɛrɛvɔ Sɛbɛ 28:9

’I ilé munu si we gi; munu lé wo ke ilé tɔnɔfɛ nya, ’i wo drɔɔ vo. ’I kɛlɛ wo tabinzan valé wo takuunzan nya yifaama ma.

Lɛrɛvɔ Sɛbɛ 67:1

David lɛrɛ ’ko vɔle gɔɔn lɛrɛvɔmunu zilɛzan lɛ. Kɔnɔnu lé a balenu ke, ’wa gyɛ a va. Pisɔmé lé. Bale tɔbɔlɛrɛ lé.

Lɛrɛvɔ Sɛbɛ 69:35

Lanu valé tɛrɛ, ’wo a tɔ nwa ma, Wɛyinu valé é vafɛnu faa lé woo kɔɔan, ’wo a tɔ nwa ma.

Ézai 1:9

Dé lai sunyanu lé Gakelebale ’ka kɔɔn ko tɔɔtɔɔ pɔné vo lɛ lo, ’té ko kɛlɛ bélé Sɔdɔm zo, ’té ko valé Gɔmɔɔ bɔ ékema.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 37:31

Juda lé munu sɛ lé é dan si lɛ we gi bɛ, wo lé wo vo, wo suni é dan wɔra lɛ; é wo dan fan lɛ di.

Ézai 37:4

Dérenu lé Rabasaké a fe, ’té azan, Asiri munu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézai 52:8

Kalé fla taginizannu dére zuogi é dan we lɛ; Wo dére é dan nwa lɛ, Yé wo dan siaa lɛ ékeva ginanale nya; Naa, wo dan a ye lɛ wobo yuɛ nya léé, Gakelebale a dana Siɔn munu nya wo pa gi, azama.

Ézai 61:9

Wo dan wo bɛn dɔɔ lɛ bɛnnu va, Munu é dan wo kulu dɔɔ lɛ; Munu faa lé woo wo yé, wo dan a gi dɔɔ lɛ léé, Bɛn lé Gakelebale a drɔɔ vo, wo lo.

Jérémi 20:13

’Ka lɛrɛ vɔ Gakelebale lɛ. ’Ka Gakelebale tɔ zin fe. Naa, éé nyanaizénlazannu sié mi nyanénu lee.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 3:23

Iin, vunwelenu lé woo sié gɔpanénu valé gɔnu nwiin, wa vié nya. Iin, Gakelebale kolé Bale ɛ ke Izraɛl munu siéwegizan nya.

Jérémi 31:12

Wo dan da lɛ, wo dan siaa lɛ ginanale nya Siɔn gɔ nwiin; Wo dan vlanburu lɛ Gakelebale lé fɛ zinnu zuo, ’Sa koo, dɔrɔ dɛrɛ koo, nyɔnɔ koo, ’Blanu koo, dirinu koo, wo zuo; Wo boennu é dan kɛlɛ lɛ bélé féi lé woo ’yi zén‐é a ta, a zo, Yé wo ’ka dan nyané ble lɛ é dɛrɛ lo.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Ézékiɛl 6:8

Dé maa ka nwɛɛn bɛnnu méléna bléyian va, maa dan ka va mi kenu vo lɛ, yé wo dan so lɛ gwɔun lee.

OZÉ (Osée) 1:7

Naa, maa dan nyanai zén lɛ Juda munu ta; maa Gakelebale ɛ dan wo si lɛ we gi anboan; maa ’ka dan wo si lɛ we gi sa valé gwɔun koo, gulidanle koo, wisoonu valé wotazannu koo, wo nya lo.

Joɛl 2:32

Yé ’bɛ bléyi va, dé miomian Gakelebale tɔ laa, é dan si lɛ we gi. Yé sile we gi é dan kɛlɛ lɛ Siɔn gɔ nwiin valé Jérusalɛm, Gakelebale a fe fɛan zo, a zo. Yé munu lé Gakelebale wo si a va, wo dan kɛlɛ lɛ siéwegimunu va.

Amɔs 5:15

’Ka wenyané za pa, yé wezin ’é sɔ ka lɛ ma, ’ka we ble é blena bléyi faa va ma. Dé Gakelebale, lai sunyanu lé Bale nyanai é dan zén lɛ Jozɛfu kulu pɔnénu taa?

Misé 2:12

Jakɔb‐oo, maa dan ilé munu faa zén lɛ ékeva. Maa dan Izraɛl munu pɔné faa zén lɛ ékeva. Maa dan wo zén lɛ ékeva bélé gɔrɔ do gi ’blanu zo, bélé trubɛ palu do zo wolé lu blena. Munu vun é dan we lɛ blɛn.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Sofoni 2:9

Lai sunyanu lé Gakelebale, Izraɛl lé Bale léma: Maa a é yuɛma. Moab é dan kɛlɛ lɛ bélé Sɔdɔm zo, yé Amɔn é dan kɛlɛ lɛ bélé Gɔmɔɔ zo. Lélinu é dan tuu lɛ wona, yé wo dan vo lɛ wɛtɛrɛ valé nyéné saa nya yifaama. Anlé munu pɔnénu é dan ’wii lɛ wo ta, yé anlé bɛngɔnɔ pɔnénu é dan wo si lɛ ’wozé nya.

Rom munu 11:5

A zo duo lé, kyɔ é ziin, munu ’léé sɛ lé Bale wo si a va élé zin yɛrama, wo ana tan.

Rom munu 9:27

Ézai é ziin, é siaa Izraɛl lé we ma, léé: Dé Izraɛl benu ’léé kɛlɛ wɛyi ma nyéné zo, A ’léé kiéné ɛ dan si lɛ we gi.

Bélidɔwesɛbɛ Fiézan 28:13

Gakelebale é dan ka kɛlɛ lɛ ’wuo nya, ka ’ka dan kɛlɛ lɛ péli nya lo; ka dan kɛlɛ lɛ yifaama loru, ka ’ka dan kɛlɛ lɛ tɛrɛ zia lo, ’té dé ka Gakelebale, kalé Bale lé bélidɔwenu lɛdɔma, ’té maa wo fe ka lɛ kyɔ bɛ; dé ka vo wo ta, dé ka wo ta tawo,

Bélidɔwesɛbɛ Fiézan 32:43

Bɛnnu, ’ka alé munu tɔ zin fe lɛrɛ vɔle nya. Naa, Gakelebale é wuozannu nyɛ lɛgi paan, Yé é we lɛgi paan ’é mazannu ma, Yé alé tɛrɛ koo, alé munu koo, Éé wolé wenyané ’yiboo.