Jérémi 31:5 - Kazambale lé Sebe Sauunu 1979

⁵ I dan dɔrɔféinu pa lɛ Samari tɛrɛ la gɔnu nwiin é ziin; féipazannu é dan wo suru lɛ yé wo dan wo poro so lɛ.

Jérémi 31:5 ပူးပေါင်းရင်းမြစ်များ

Lɛrɛvɔ Sɛbɛ 107:37

Woo fɛwɔlɛnu vɔa féinu ta, yé woo dɔrɔyilinu suruan, Yé woo féifɛnu soo ana.

Jérémi 32:15

Naa, lai sunyanu lé Gakelebale, Izraɛl lé Bale léma: Kɔnnu koo, féinu koo, dɔrɔféinu koo, wo dan wo lɔ lɛ tɛrɛ ’ko la é ziin.

Ézékiɛl 28:26

Wo dan nyana lɛ ana woboma duaa; wo dan kɔnnu dɔ lɛ, yé wo dan dɔrɔféinu pa lɛ. Munu faa lé wo wo zi lɛ sɔɔ, ’té wo serele bo wo ma bɛ, dé maa dɔra ’bɛnu ta bléyian va, wo dan nyana lɛ woboma duaa, yé wo dan a gi dɔɔ lɛ léé, maa ɛ ke Gakelebale wolé Bale nya.

Ézékiɛl 36:8

Yé ’kaa Izraɛl gɔnu, yilinu é dan tin lɛ ka nwiin, yé wo poro é dan baa lɛ anlé munu Izraɛl zé nya; naa, é vo sɛ yé we ’konu é bɔ.

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Abudias 1:19

Ézau lé gɔ é dan kɛlɛ lɛ yirinwana bɛyilazia munu zé nya, Yé Filisitinu lé tɛrɛ é dan kɛlɛ lɛ fɛna pɛblɛɛna munu zé nya. Éfraim munu lé tɛrɛ valé Samari munu lé tɛrɛ é dan kɛlɛ lɛ wozé nya, Yé Galaad tɛrɛ é dan kɛlɛ lɛ Bɛnjamɛn zé nya.

Misé 1:6

Maa dan Samari kɛlɛ lɛ gɔlɛ zun nya bwi gi; é dan kɛlɛ lɛ dɔrɔféi pana nya. Maa dan alé kɔndɔgɔlɛnu vuli lɛ gɔ worona; maa dan alé kɔn ganenu ma bɔra lɛ.

Misé 4:4

Wo faa do do é dan nyana lɛ ’wolé dɔrɔyilinu valé ’wolé bɔrɔyilinu wuo, Yé mi do kpen ’ka dan wo gi kyɛ dɔ lɛ lo; Lai sunyanu lé Gakelebale ɛ fe, azama.

Zakari 3:10

Lai sunyanu lé Gakelebale léma: ’Bɛ yi la, ka faa do do ka dan ka bɔlunu laa lɛ, ’té ka a é nyanale kalé dɔrɔyili valé bɔrɔyilinu wuo.

Bélidɔwesɛbɛ Fiézan 20:6

Mi kyɛn ɛ dɔrɔféi pa, yé é ’ka tan a poro vinin so lɛ loo? ’É diéra yé ’é go ’élé kɔn ’léé, dé guli é da a gyɛ yé mi bɛ alé dɔrɔporo vinin so.

Bélidɔwesɛbɛ Fiézan 28:30

I dan le pu dɔ lɛ yé mi bɛ é dan yi gyɛ lɛ a va; i dan kɔn dɔ lɛ yé i ’ka dan nyana lɛ a gi lo; i dan dɔrɔféi pa lɛ yé i gi ’ka dan nana lɛ a poro ma lo.

1 Samuɛl 21:5

David a zi pa Balebanzan lɛ léé: É sia anlé zi sia bléyi va a yi yaa lo, ko ’ka tan go lɛ lomu va lo, yé anlé munu faa a tegele. Yé dé kolé tawogiwe a we pla nya, é ’ka kɛla tegele kyɔ a lɛsɔɔzan lé we ma loo?