Jérémi 31:4 - Kazambale lé Sebe Sauunu 1979

⁴ Izraɛl, blɛnzan, maa dan i dɔ lɛ gligli é ziin, yé i dan dɔ lɛ kil. Ilé flinnu é dan kɛlɛ lɛ i ’lɛrɛfɛ nya é ziin, yé munu lé wo ke nɛnɛ bona ginanale nya, i dan pa lɛ wo va.

Jérémi 31:4 ပူးပေါင်းရင်းမြစ်များ

2 Minwiinzannu 19:21

Dére lé Gakelebale a fe a mawe nya, yee lé ke ’ko: Blɛn lé é ’ka tan gɔné dɔɔ lɛ lo, Siɔn lu, Éé serele boo i ma, éé we nanaan i ma, Jérusalɛm lu Éé ’wuo nyɔɔn‐an i zuo.

Lɛrɛvɔ Sɛbɛ 149:3

’Wo a tɔ zin fe nɛnɛbole nya ma, ’Wa kɛlɛ blɛn poo gyɛle valé kɔnɔ gyɛle nya ma.

Lɛrɛvɔ Sɛbɛ 30:11

Gakelebale, ’i tɔné dɔ an lɛ; ’i nyanai zén an ta. Gakelebale, ’i bɔ an va.

Lɛrɛvɔ Sɛbɛ 51:18

Dé é a kɔɔn léé, i a sarakanu va, ’té maa a bo i lɛ; Naa, balebanwi lé wa kyɛ blé, é ’ka i gi nanaan lo.

Lɛrɛvɔ Sɛbɛ 69:35

Lanu valé tɛrɛ, ’wo a tɔ nwa ma, Wɛyinu valé é vafɛnu faa lé woo kɔɔan, ’wo a tɔ nwa ma.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 30:32

Dé Gakelebale vlewɔlɛ duun do a blale yɛrama, wo dan flin valé kɔnɔ vun ’ma lɛ a gi; Gakelebale é dan guli dan lɛ a va é bɛ nwale nya.

Ézai 37:22

Dére lé Gakelebale a fe a mawe nya, yee lé ke ’ko: Blɛn lé é ka tan gɔné dɔɔ lɛ lo, Siɔn lu, Éé serele boo i ma, éé we nanaan i ma, Jérusalɛm le Éé ’wuo nyɔɔn‐an i zuo.

Jérémi 1:10

Sin, maa i pla migɔnɔnu valé bɛntɛrɛnu nwiin, léé, ’i wo si wo dɔna, yé ’i wo gyɛ; ’i wo guru zana a gi yé ’i wo sɛrɛ tata; ’i wo dɔ ’wo dɔna yé ’i wo nyana ’wo pa gi.

Jérémi 14:17

Bé fe wo lɛ léma: É yiéyi valé é béli an yuɛyi a yorona, Yé é ’ka kinié lo; Naa, wenaané blɛn bɔ anlé munu ma, Manɔn yaale baba bɔra wo ma.

Jérémi 18:13

Amalé Gakelebale léma: ’Ka we laa bɛnnu lee. Mi kyɛn ɛ ’bɛ zoɛ we ’ma é kyɛɛn? Izraɛl munu lé ke bélé blɛnzan zo, tadanmawe lé é gié é glɛ la, wa kɛlɛ.

Jérémi 24:6

Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.

Jérémi 31:13

Yé leboronénu é dan nɛnɛ bo lɛ gi nanale nya, Pɛniɛnu valé mi kwanu gi é dan nana lɛ é ziin; Maa dan wolé gyɛbole nɔla lɛ gi‐nandale baba nya, yé maa dan wo tɔrɔ paa lɛ; Yé maa dan ginanale nɔ lɛ wo lɛ wo bli kyɛdɔle pa gi.

Jérémi 31:21

Zi lé i dan tawo lɛ a ta, ’i yuɛ vɔ ana é zima, ’I tɔmasenu kɛlɛ ana, ’i yilinu suru; Blɛnzan Izraɛl, ’i da i pa gi, Flanu lé wo ke izé nya, ’i da wo ta.

Jérémi 31:38

Gakelebale léé: Ka ye, a yinu é dan bɔ lɛ yé wo dan fla ’ko pa lɛ é ziin Gakelebale tɔ bɔle we ma, é sia Ananéɛl lé dɔtafɛ ma fɔɔ yé é bɔ flagɔrɔ sun ’léé ma.

Jérémi 33:7

Juda valé Izraɛl munu lé wo ke luu gi, maa dan da lɛ wo nya ’wo pa gi; maa dan wo nyana lɛ ’wo pa gi bélé é vinin zo.

Jérémi 46:11

Éjipiti lu, blɛnzan, ’I go bomélia nagini Galaad tɛrɛ la; Ilé lia kiɛre ginile a we pla nya, ’Bɛ ’ka dan i béli lɛ lo.

Jérémi Lé Wuvɔ Sɛbɛ 1:15

Mizan anlé gulidanzannu faa dia, É sunyanu gu blɛn zén ékeva an ma, Léé, ’wo anlé pɛniɛnu gyɛ; Mizan Juda munu zɔn é gane nya bélé dɔrɔporo zo.

Jérémi Lé Wuvɔ Sɛbɛ 2:13

An dan fe lɛ i lɛ nɔɔ? Jérusalɛm munu, maa ka daan mɛ fɛ maa? Jérusalɛm munu, Maa ka daan mɛ fɛ ma ka tɔrɔ paale we maa? Naa, ka manɔn a blɛn bélé wɛyi zo; de ɛ bɔa a nyaale lɛɛ?

Amɔs 5:2

Izraɛl blɛnzan dia Yé é ’ka dan nwa lɛ é dɛrɛ lo; É a é yiale tɛrɛ va, Mi do ’ka a nwana lo.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

WENÉNÉ LÉ LUK A GYE (Évangile selon Luc) 15:23

Diriné bualeo, ’ka da a nya, ’ka a gyɛ. Kaa fɛ ble, kaa gi é nana.

Kelewenu 15:16

’Bɛ zuo, maa dan da lɛ é ziin, yé David lé sɔkɔn lé é dia bɛ, maa dan a nwa lɛ, Maa dan a sɛrɛlenu ma’lɛrɛ lɛ, yé maa dan a dɔ lɛ loru é ziin,

Weblezannu 11:34

Jɛfeté nɔla élé kɔn ’léé Misipa. Yé bé ye, a lu da a si lɛ zia poo nya é lee, ’té éé néné boo. Alé né wɔlɛ do kpen lé; a be ’ka lo yé a lu bɛ ’ka lo.