Jérémi 31:33 - Kazambale lé Sebe Sauunu 1979

³³ Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 31:33 ပူးပေါင်းရင်းမြစ်များ

2 Samuɛl 7:24

Yé i ilé munu Izraɛl dɔ gligli wo kɛlɛle ilé munu nya lɛɛfaama we ma; yé bii, oo Gakelebale, bii kinin wolé Bale nya.

1 Minwiinzannu 8:58

naa, ’é ko bli faa nɔla ’é vazia, kolé tawole alé zinu faa ta we gi, yé ko a sɔnnénu pa yé ko tawo alé bélidɔwe ta yé ko a déretawenu kɛlɛ, ’té é wo nɔ ko tranu lɛ bɛ.

Lɛrɛvɔ Sɛbɛ 37:31

Alé Bale lé bélidɔwe a a bli gi; A gane ’ka dan zi saan lɛ pelo.

Lɛrɛvɔ Sɛbɛ 40:8

Yé maa léé, bé ye, an da, Sɛbɛ plinle lé wa gyɛ anzé nya, ’bɛ nya an lee.

Lɛrɛvɔ Sɛbɛ 40:9

Anzé Bale, é sɔ an lɛ léé, maa ilé blibɔmawe kɛlɛ. Ilé bélidɔwenu a an bli wɔlɛ ma.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Wegɔnévɔlenu 7:3

’I wo yere i bɛnwɔlɛnu ma. ’I wo gyɛ i bli gi bélé sɛbɛ zo.

Ézai 51:7

Ka lé ka wetegele dɔɔ, ’ka tɔné dɔ an lɛ; ’Kaa munu lé anlé bélidɔwe ke ka bli gi, ’ka tɔné dɔ an lɛ. Dé munu serele bo ka ma, té ’bɛ é kana zén ka gi lo, Dé wo ka sɔnɔ, té ’bɛ é gligli zén ka gi lo.

Ézai 59:21

Gakelebale léé: An dan gi pa lɛ wo va ’ko zo: An Léli lé ke ka ta, ’bɛ valé an dére lé maa pa ka ’léé, wo ’ka dan si lɛ ka ’léé lo, wo ’ka dan si lɛ kalé nénu ’léé lo, wo ’ka dan si lɛ ka nénénu ’léé lo; é sia bléyi ’ko va, fɔɔ a glɛ ’ka lo. Gakelebale ɛ fe.

Jérémi 17:1

Juda munu lé wenyané a é gyɛle foliɛwɔlɛ biki nya, diaman lé wa lɛ ma bo, a nya. É a é gyɛle wo bli ta, yee valé wolé balebannanu lé bélinu ma.

Jérémi 24:7

Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 30:22

Ka dan kɛlɛ lɛ anlé munu nya, Yé maa dan kɛlɛ lɛ kalé Bale nya.

Jérémi 31:1

Gakelebale léma: ’Bɛ yi ’ko la, maa dan, kɛlɛ lɛ Izraɛl lele faa lé Bale nya, yé wo dan kɛlɛ lɛ anlé munu nya.

Jérémi 32:38

Wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Jérémi 32:39

Maa dan bli do vɔ lɛ wo gi, yé maa dan zi do gɔɔn lɛ wo lɛ, léé, ’wo kana an lee yifaama, wo valé wolé nénu lé we zin yele we ma.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Ézékiɛl 37:27

An nyanana é dan kɛlɛ lɛ wo va. Maa dan kɛlɛ lɛ wolé Bale nya yé wo dan kɛlɛ lɛ anlé munu nya.

OZÉ (Osée) 2:20

’Bɛ yi ’ko la, an dan gipawe do kɛlɛ lɛ ka valé bwigiwinu koo, lagi mianénu valé tawoplɛlawinu koo, ka méléna; sa koo, gwɔun valé gulidanle koo, maa dan wo yi ga lɛ kalé tɛrɛ la, yé maa dan ka nyana lɛ kaboma.

Sofoni 3:13

Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

WENÉNÉ LE JAN A GYE (Évangile selon Jean) 20:17

Jézu lé a lɛ léé: Té i buvɔ an ma lo. Maa ’ka tan go lɛ an Ti va lo. Naa, ’i go an zuanénu va; bé fe wo lɛ léé, maa a gona kaa Ti lé é ke kaalé Bale nya, a va.

Rom munu 11:27

Yé ’bɛ é dan kɛlɛ lɛ anlé gipawe nya wo va, ’Té dé an wolé wenyanénu si wo lee.

Rom munu 7:22

Kazambale lé bélidɔwe sɔ an gi bli lɛ;

2 Korɛnt Munu 3:3

’Kaanu ɛ ke Krist lé sɛbɛ wéiin lé, ko panyanama a gyɛ, a nya; wo ’ka a gyɛ lɛ nankréyi nya lo; naa, wa gyɛ Bale yuɛmale Léli nya. Wo ’ka a gyɛ lɛ gɔlɛfén ta lo; naa, wa gyɛ mi nɛfén ɛ ta, ka blinu gi.

Bélidɔwesɛbɛ Fiézan 30:6

Gakelebale, kalé Bale é dan ka valé kalé nénu bli si lɛ wenyané lɛ, yé ka dan Gakelebale, kalé Bale lɔrɔ pa lɛ ka bli faa valé ka boen faa nya, ka vole é yuɛma we ma.

1 Tɛsalɔnik munu 4:9

Dé é a ka sɔle ka ke lɛ lé we nya, Kazambale ɛ ke ’bɛ paana ka gi, amalé é ’ka lé maa we ’ko gyɛ ka lɛ lo.

Ébrunu 10:16

Mizambale léé: Gipawe lé maa dan a kɛlɛ lɛ wo va, yee lé é ke ’ko: Yi ’konu zuo Maa dan anlé bélidɔwenu pa lɛ wo bli gi, Yé maa dan wo pa lɛ wo ’wuo gi. ’Bɛ zuo é lé é ziin léé:

Ébrunu 8:10

Naa, Mizambale léé: Gipawe lé maa dan a kɛlɛ lɛ Izraɛl munu va Yi ’konu zuo, yee lé é ke ’ko: Maa dan anlé bélidɔwenu pa lɛ wo ’wuo gi, Maa dan wo gyɛ lɛ wo bli gi Yé maa dan kɛlɛ lɛ wolé Bale nya, Yé wo dan kɛlɛ lɛ anlé munu nya.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.