Jérémi 31:30 - Kazambale lé Sebe Sauunu 1979

³⁰ Naa, mi faa do do é dan ga lɛ ébo‐zin lé weplenu ma; munu faa lé wo dan dɔrɔporo tukurunu ble lɛ, wo ɛ suiɛ ’lɛ é dn bo lɛ.

Jérémi 31:30 ပူးပေါင်းရင်းမြစ်များ

2 Minwiinzannu 14:6

Naa, é ’ka wo benu gyɛ lɛ lo. We lé é ke é gyɛle Bale lé bélidɔwe gi, Moizi lé sɛbɛ gi, a yɛrama lé é we kɛlɛ. Sɛbɛ ’ko gi lé Gakelebale bélidɔwe nɔ, léé: Té wo né tinu gyɛ ’wolé nénu lé we ma lo, yé té wo nénu gyɛ ’wo tinu lé we ma lo. Naa, ’wo mi faa do do gyɛ ébo lé wenyané ma.

JOB (Job) 21:20

É a lé yee ɛ ébo guru zanale a gi na ye, É a lé yee ɛ Plɛplɛfaazan lé bliflile mini bélé nwɛ zo.

Ézai 3:11

Mi nyanénu gale nyɔ; wolé we ’ka dan vɔ lɛ a ma lo, naa, wo dan ’wo panyanama ma ban ye lɛ.

Ézékiɛl 18:20

Mi lé éé wenyané kɛla, yeebozen ɛ gaan. Wo ’ka dan mi lé weple kɔné dɔ lɛ é be nwiin lo, yé wo ’ka dan a be zé dɔ lɛ a nwiin lo. Wo dan mi tegele lé we tegele dɔ lɛ ’é nwiin, yé wo dan mi nyané lé wenyané dɔ lɛ é nwiin.

Ézékiɛl 18:4

Ka ye, mi boennu faa a anzé nya. Dé é a né nyaoo, dé é a né ti nyaoo, wo fiénu a anzé nya. Mi lé éé wenyané kɛla, yeebozen ɛ gaan.

Ézékiɛl 3:24

Léli an kun yé é an dɔ an gane ta. Yé Gakelebale lé an lɛ léma: ’I go; ’i wɔra ilé kɔn gi, bé lɛ tan.

Ézékiɛl 33:13

Dé maa fe mi tegele lɛ léé: I dan béli lɛ, dé é dɔ ébo kɛlɛwe tegele ta yé é weple kɛlɛ, an gi é dan san lɛ a kɛlɛwe tegele faa ma, yé é dan ga le weple lé é a kɛlɛ, a we ma.

Ézékiɛl 33:18

Dé mi tegele nɔla élé we tegele kɛlɛle zuo yé é weple kɛlɛ, é dan ga lɛ ’bɛ lé we ma.

Ézékiɛl 33:8

Dé maa fe mi nyané lɛ léé: Mi nyané, i dan ga lɛ, dé i ’ka we fe lɛ mi nyané lɛ léé, ’é si é kɛlɛwe naané zuo lo, mi nyané ’ko, é dan ga lɛ élé weple nya é lee, naa, maa dan a we dɔ lɛ i nwiin.

Galasi munu 6:5

Naa, é a lé mi faa do do ébozen lé kɔné si.

Bélidɔwesɛbɛ Fiézan 24:16

Té ’wo né tinu gyɛ ’wolé nénu lé we ma lo; té ’wo nénu gyɛ ’wo tinu lé we ma lo; mi faa do do é dan ga lɛ ébo lé wenyané ma.

SEBE LÉ JAK A GYE (Épitre de Jacques) 1:15

Yé yee we lɔrɔ bɛ, éé bɔn sié yé éé né yaan wenyané nya, yé wenyané lɛ éé sɔɔan gale nya.