Jérémi 31:3 - Kazambale lé Sebe Sauunu 1979

³ Gakelebale a é sile an ma baa, naa, ébo nagɔɔn an lɛ; i sɔ an lɛ sɔlɛle lé a glɛ ’ka lo, a nya, bɛwemalé anlé zin ana tan kazé nya.

Jérémi 31:3 ပူးပေါင်းရင်းမြစ်များ

1 Minwiinzannu 10:9

Gakelebale ilé Bale lé é we zin kɛlɛ i lɛ i nyanale Izraɛl lé webleblin ta nya, a drɔɔ ’é vo ma! Izraɛl sɔ Gakelebale lɛ lɛɛfaama, bɛwemalé é i dɔ minwiinzan nya we drɔle valé we tegele kɛlɛle we gi.

Lɛrɛvɔ Sɛbɛ 103:17

Naa, munu lé woo kanaan Gakelebale lee, alé zin éé voo wo ta lɛɛfaama, Yé a nyanai éé zén‐é wo é nénu é nénu ta,

Lɛrɛvɔ Sɛbɛ 25:6

Gakelebale, i nyanai zénle valé ilé zin sele ’é dɔ i gi ma, Naa, wo ’ka nyaan lo.

Wegɔné Ma Lɛrɛ 1:4

’I an sia ana yé ’an go i zuo; ’ko vlanburu. Minwiinzan blɛn go an nya ’é yiana. Ko gi vo drɔɔ ékeva; yé ko gi nana é baba ilé we ma; Ko sɔle i lɛ tɔ éé bɔa é mini dɔrɔ ta. I sɔle ko lɛ yara lé.

Ézai 43:4

I wea an lee, I tɔ a é bɔle yé i sɔ an lɛ, Amalé maa munu nɔ i pa gi, Yé maa migɔnɔnu nɔ i vole é yuɛma we gi.

Ézai 45:17

Gakelebale ma lé Izraɛlnu si we gi, Sile we gi lé a glɛ ’ka lo, yee lé. Yaragyɛwe ’ka dan bɔ lɛ ka ma lo, yé yara ’ka dan ka gyɛ lɛ lo, Fɔɔ, lɛɛfaama, a glɛ ’ka dɔa lo.

Ézai 49:14

Siɔn munu léé, Gakelebale sɔn vɔ ’wo ma, ’Wo sele saan Mizan gi.

OZÉ (Osée) 11:1

Dé Izraɛl a kiéné bléyian va, ’té é sɔ an lɛ, Yé maa an be laa léé, ’é si Éjipiti.

OZÉ (Osée) 11:4

An wo sia ana zin valé sɔlɛle nya, Maa a lɔrɔ pa an blin ma Yé maa fɛblele nɔ a lɛ.

Malasi 1:2

Gakelebale léé: Ka sɔ an lɛ. Yé ka léé: Ko sɔ i lɛ kaa? Gakelebale léé: Ézau ’ka Jakɔb bwe nya loo? Duowo, Jakɔb sɔ an lɛ,

Rom munu 8:30

Yé munu lé é wo dɔ é kyɛn, é wo laa é ziin; yé munu lé é wo laa bɛ, é wo kɛlɛ tegele é ziin; yé munu lé é wo kɛlɛ tegele bɛ, é wo tɔ kɛlɛ blɛn é ziin.

Rom munu 9:13

É a é gyɛle Bale lé sɛbɛ gi a zo, léé: Jakɔb sɔ an lɛ Yé Ézau za a an gi. We ’ko kɛlɛ, we lé Kazambale a kɛlɛ é kyɛn, a dɔle gligli we gi; yee lé ke léé, dé Bale a munu vabona, é ’ka munu sié a va wo kɛlɛwenu ma lo, Bale lé éé mi laan, éé munu sié a va ébozen lé blibɔmale nya.

Bélidɔwesɛbɛ Fiézan 10:15

Naa, duowo, ka tranu saa ɛ sɔ a lɛ yé é buvɔ wo ma; yé wo é zuo, ka lé ka ke wo kulu nya, é ka é si munu faa va, ka yé kyɔ fɛan zo ’ko, a zo.

Bélidɔwesɛbɛ Fiézan 33:26

Izraɛl lé Bale bɔmazan ’ka lo, É da la gi yé é bɔ ka va, É da lati ta élé fuasan blɛn tagɔɔnle nya.

Bélidɔwesɛbɛ Fiézan 33:3

Iin, munu sɔ a lɛ; Alé mi sauunnu a a lee. Wo dɔ a gane sɔnɔ Wo a dére ’ma.

Bélidɔwesɛbɛ Fiézan 4:37

Ka tranu sɔ a lɛ, yé wo kulunu lé wo vo wo zuo, é wo si a va; yeebozen ɛ ka fwi Éjipiti tɛrɛ la élé plɛplɛ blɛn nya.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

SEBE LÉ JAK A GYE (Épitre de Jacques) 1:18

É kaa yaa élé blibɔmawe yɛrama webozen dére nya, kaa kɛlɛle a kɛlɛfɛ vininzannu nya we gi.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Jan 4:19

Kaa sɔ Kazambale lɛ é vinin, amalé sɔlɛle a kaa gi.