Jérémi 31:28 - Kazambale lé Sebe Sauunu 1979

²⁸ Yé fɛan zo lé maa yara pa wo sile wo dɔna koo, wo gyɛle koo, wo sɛrɛle tata koo, wo guru zanale a gi valé we tɔntɔn bɔle wo ma koo, wo ta, a zo duo lé sin, maa dan yara pa lɛ wo nyanale valé wolé fla pale ta. Maa Gakelebale ɛ ke a fena.

Jérémi 31:28 ပူးပေါင်းရင်းမြစ်များ

JOB (Job) 29:2

Yiba! dé é vo kɔɔn kɛlɛna an lɛ bélé é vinin zé zo, Bléyian va lé Kazambale an tabin‐é,

Lɛrɛvɔ Sɛbɛ 102:16

Yé bɛnnu é dan kana lɛ Gakelebale tɔ ma, Yé tɛrɛ la minwiinzannu faa é dan kana lɛ alé fuasan lee.

Lɛrɛvɔ Sɛbɛ 147:2

Gakelebale éé Jérusalɛm dɛrɛ paan; Izraɛl munu lé wo wo fwila, éé wo zén‐é ékeva é ziin.

Lɛrɛvɔ Sɛbɛ 69:35

Lanu valé tɛrɛ, ’wo a tɔ nwa ma, Wɛyinu valé é vafɛnu faa lé woo kɔɔan, ’wo a tɔ nwa ma.

Jérémi 1:10

Sin, maa i pla migɔnɔnu valé bɛntɛrɛnu nwiin, léé, ’i wo si wo dɔna, yé ’i wo gyɛ; ’i wo guru zana a gi yé ’i wo sɛrɛ tata; ’i wo dɔ ’wo dɔna yé ’i wo nyana ’wo pa gi.

Jérémi 1:12

Gakelebale lé an lɛ léé: Bé ye é zima. An yuɛ paan an dére va a tawe kɛlɛle we ma.

Jérémi 24:6

Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.

Jérémi 32:41

Wezin kɛlɛle wo lɛ é dan an gi nana lɛ, yé maa dan wo nyana lɛ kli tɛrɛ ’ko ta, an bli faa valé an boen faa nya.

Jérémi 32:42

Naa, Gakelebale léma: Fɛan zo lé an kleblele blɛn dia munu ’ko ta, a zo duo lé, wezinnu lé maa wo ma blivolɛ dére fe wo lɛ, maa dan wo kɛlɛ lɛ wo lɛ.

Jérémi 42:10

Dé ka vo tɛrɛ ’ko la, maa dan ka nyana lɛ ana kli, maa ’ka dan ka kulu ga lɛ lo; maa dan ka suni wɔra lɛ, maa ’ka dan ka dia lɛ lo, naa, wenaané lé maa a kɛlɛ ka lɛ, an bli si ’bɛ lɛ.

Jérémi 44:27

Ka ye, maa dan an yara dɔ lɛ ka ta wenaané kɛlɛle ka lɛ we ma; wezin kɛlɛle kaan lo, yé Juda munu faa lé wo ke Éjipiti tɛrɛ la, wo kulu é dan ga lɛ gwɔun valé lɔrɔ nya fɔɔ yé wo bɛ do ’ka vo lo.

Jérémi 45:4

Bé fe Baruk lɛ léé: Gakelebale léma: Bé ye, fɛ lé maa a dɔ, maa dan a sɛrɛ lɛ, yé fɛ lé maa a suru, maa dan a soowɔla lɛ, ’bɛ gi léé, tɛrɛ ’ko faa lé.

Ézékiɛl 19:12

Naa, wa soowɔla nyana nya, yé wa vuli tɛrɛ va; Yirinwanazia fu a poronu sɛrɛ; Wa bɛ plɛplɛnu so a ma, yé wo ga; Kyɛ wo ble.

Ézékiɛl 36:10

Maa dan mi ’léé kiɛre nyana lɛ ka nwiin, Izraɛl munu faa lé; wo dan nyana lɛ flanu ta, yé wo dan fla pa lɛ é ’bin ta.

Daniɛl 9:14

Amalé Gakelebale we tɔntɔn ’ko bɔ ko ma sɔbɛlawe nya. Naa, Gakelebale kolé Bale a tegele é kɛlɛwenu faa gi, naa, ko ’ka ko tɔné dɔ lɛ a dére lɛ lo.

Daniɛl 9:25

Bɛwemalé, ’i we ’ko ’ma, yé bé gi ’ma ma. Dére lé é a fe léé, wo dan Jérusalɛm pa lɛ é ziin, a febléyi va fɔɔ yé é bɔ Nyɔnɔzénnwiinzan, Zigɔɔnzan bléyi ma, é a flɛyi sɔrafié nya. Flɛyi yɔ yaa wɔlɛ fié gi, wo dan vuunlanu kɛlɛ lɛ yé wo dan gurunu bo lɛ, naa bléyi tɔntɔnnu lé.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Zakari 8:14

Lai sunyanu lé Gakelebale léma: Fɛan zo lé é dɔ an gi léé, maa wenaané kɛlɛ ka lɛ, ka tranu lé an bliflile lé we ma, yé an bli ’ka nɔla lɛ a kɛlɛle ma lo;

Zakari 8:15

a zo duo lé sin, an bli nɔla, yé é a an gi léé, an wezin kɛlɛ ’kaa Jérusalɛm valé Juda munu lɛ sin. Té ka kana lo.

Kelewenu 15:16

’Bɛ zuo, maa dan da lɛ é ziin, yé David lé sɔkɔn lé é dia bɛ, maa dan a nwa lɛ, Maa dan a sɛrɛlenu ma’lɛrɛ lɛ, yé maa dan a dɔ lɛ loru é ziin,

Bélidɔwesɛbɛ Fiézan 30:9

Gakelebale, kalé Bale é dan kalé fɛ zinnu fan lɛ, kalé nyanama koo, kalé nénu koo, kalé trubɛnu koo, kalé féifɛnu koo, é dan a faa nyian wo lɛ; wezin kɛlɛlɛ ka lɛ é dan kɛlɛ lɛ Gakelebale lé ginanamawe nya é ziin, fɛan zo é a kɛlɛ ka tranu zé bléyi va, a zo,