Jérémi 31:21 - Kazambale lé Sebe Sauunu 1979

²¹ Zi lé i dan tawo lɛ a ta, ’i yuɛ vɔ ana é zima, ’I tɔmasenu kɛlɛ ana, ’i yilinu suru; Blɛnzan Izraɛl, ’i da i pa gi, Flanu lé wo ke izé nya, ’i da wo ta.

Jérémi 31:21 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:3

’Bɛ ta loru, anlé Bale lé kɔn lé we a an gi blɛn fɔɔ, yé maa anbo lé kyan valé gɔɔlifu nɔ anlé Bale lé kɔn lé we ma é ziin, yee lé maa a ma’lɛrɛ kɔn sauun lé we ma, ’bɛ a é bɛ;

2 Minwiinmunu lé Wezuofe Sɛbɛ 11:16

Izraɛl bɛn faa gi munu lé wo bli bɔ Gakelebale, Izraɛl lé Bale naginile ma, wo go Lévinu zuo Jérusalɛm Gakelebale wo tranu lé Bale banle we ma.

2 Minwiinmunu lé Wezuofe Sɛbɛ 20:3

Jozafat kana, yé é ’é ma’lɛrɛ Gakelebale naginile we ma, yé é zana dɔɔ léé, Juda munu faa ’é lɔrɔ sɔn.

Lɛrɛvɔ Sɛbɛ 62:10

Iin, blaminu a é pla. Blaminu a vié nya, Dé wo wo faa vɔ kilo ta ékeva, fu fɛle do bɛn mini wo la.

Lɛrɛvɔ Sɛbɛ 84:5

Munu lé woo nyanaan ilé kɔn gi, wozé a néné. Wo bɔa i tɔ nwale lɛ é ziin. Ka ye do.

Wegɔnévɔlenu 24:32

Yé maa nagini téiin yé we lé maa a ye, é we paa an gi.

Ézai 48:20

’Ka si Babilɔn, ’ka fwi Kaldé munu méléna; ’Ka fe léé: Gakelebale é wuozan Jakɔb tabo. ’Ka fe ginanale nya, ’ka a zana dɔɔ, ’Ka munu bɔn‐in kini a nya fɔɔ tɛrɛ glɛ sina.

Ézai 57:14

Wo dan a fe lɛ léé: ’Ka zi ma’lɛrɛoo, ’ka zi ma’lɛrɛ yɔrɔyɔrɔ! ’Ka fɛ polunu si anlé munu ’lɛ zia.

Ézai 62:10

’Ka giéoo, ’ka gié flagɔrɔ ’léé! ’Ka zi ma’lɛrɛ munu lɛ. Ka zi ta kɛlɛoo kɛlɛ! ’Ka gɔlɛnu si zi ta. ’Ka drapo nwa munu vazia.

Jérémi 3:12

’I go, ’i siaa dére ’konu nya yirinwana bɛbolazia, yé bé fe léma: Gakelebale léma: Izraɛl, bii lé i ’ka plaan an wuo lo, ’i da i pa gi. Maa ’ka dan yara nwɛɛn?-?nwɛɛnné gyɛ lɛ ka ta lo. Naa, maa a nyanaizénzan nya, an bli ’ka dan vo lɛ flina yifaama lo. Maa Gakelebale ɛ ke a fena.

Jérémi 3:14

Gakelebale léma: ’Kaa nwamimazannu, ’ka da ka pa gi. Naa, maa a kazan nya. Maa dan mi do do si lɛ fla do do ta, yé an dan mi fié fié si lɛ ka nyanale gi do do yé maa da ka nya é ziin Siɔn.

Jérémi 31:4

Izraɛl, blɛnzan, maa dan i dɔ lɛ gligli é ziin, yé i dan dɔ lɛ kil. Ilé flinnu é dan kɛlɛ lɛ i ’lɛrɛfɛ nya é ziin, yé munu lé wo ke nɛnɛ bona ginanale nya, i dan pa lɛ wo va.

Jérémi 46:11

Éjipiti lu, blɛnzan, ’I go bomélia nagini Galaad tɛrɛ la; Ilé lia kiɛre ginile a we pla nya, ’Bɛ ’ka dan i béli lɛ lo.

Jérémi 50:5

Wo dan Siɔn lé zi ma laa lɛ, wo dan ’wo yara nɔla lɛ a vazia. ’Ka da, ’ka gi pa do Gakelebale va, gipawe lé a glɛ ’ka lo, ’té ka gi ’ka saan a ma monomono lo, a nya.

Jérémi 51:50

’Kaa lé ka so gwɔun lee, ’ka go, té ka dɔ lo. Yé tɛrɛ baa lé ka bɔ ana, ’ka bɔn‐in bɔrɔ Gakelebale ma ’bɛna, yé Jérusalɛm sele ’é dɔ ka gi.

Jérémi 51:6

’Ka fwi Babilɔn, yé ka faa é vo é yuɛma, dé ka da zamaga wo a sɛrɛbléyi va. Naa, é a Gakelebale lé we lɛgi pabléyi nya; é dan alé we lɛgi pa lɛ a kɛlɛwenu yɛrama.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Ézékiɛl 40:4

Mi ’ko lé an lɛ léma: Blami be, ’i yɛrɛ gini i yuɛ nya, yé ’i we ’ma i tɔné nya. Yé we faa lé maa dan wo nagɔɔn lɛ i lɛ, ’é vo i ’wuo gi. Naa, wo da i nya ’ko, léé, maa we ’konu gɔɔn i lɛ. Fɛnu faa lé i dan wo ye lɛ, bé nagɔɔn Izraɛl munu lɛ.

Agajé 1:5

Sin, lai sunyanu lé Gakelebale léma: ’Ka gi dan ka kɛlɛwe ma do.

Zakari 10:9

Maa dan wo sɔɔla lɛ munu méléna, Yé dé wa baa, an sele é dan dɔ lɛ wo gi; Wo valé wolé nénu é dan vo lɛ é yuɛma, yé wo dan da lɛ wo pa gi é ziin.

Bélidɔwesɛbɛ Fiézan 32:46

’ka wo pa ka bli gi; ’ka wo paa kalé nénu gi, léé, ’wo bélidɔwe dére ’ko faa lɛdɔma yé ’wo a ta tawo.