Jérémi 31:20 - Kazambale lé Sebe Sauunu 1979

²⁰ Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

Jérémi 31:20 ပူးပေါင်းရင်းမြစ်များ

Wepélisiananu 43:30

A zuané lɔrɔ a a gyɛna a bli gi kaii, yé é a a va léé, ’é wuvɔ. Yé é go kɔnné do gi fiéfié, yé é wuvɔ ’bɛna.

1 Minwiinzannu 3:26

Yé né yuɛmale bu gi kɛlɛ wéii a be lé we ma yé é lé minwiinzan lɛ léé: Aa, anzan, ’i né yuɛmale nɔ a lɛ, té bé gyɛ lo. Naa, a bɔluzan léé: É ’ka voo anzé nya lo, yé é ’ka voo izé nya lo; ’ka bɔi.

Lɛrɛvɔ Sɛbɛ 103:13

Fɛan zo lé né ti nyanai éé zén‐é élé nénu ta, A zo lé Gakelebale nyanai éé zén‐é munu lé woo kanaan a lee, wo ta.

Wegɔnévɔlenu 3:12

naa, mian sɔ Gakelebale lɛ éé we lɛdɔa a gi, bélé fɛan zo lé né ti a kɛla élé néwezan lɛ, a zo.

Wegɔné Ma Lɛrɛ 5:4

An sɔlɛzan é bɛ wɔra fɛnɛti la, Yé a lɔrɔ zén an ta.

Ézai 16:11

É ziin, an gi éé nyɔɔn‐an an ma bélé kɔnɔ bale nyɔɔnle zo Moab lé we ma, yé an dunnuan an gi Kii‐Arɛs lé we ma.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Ézai 63:15

Bii lé i ke lagi mi, ’té i nyanana ke sauun, ’té a tɔ ke é bɔle, bé nagini; i fuu dɔle i ta valé ilé plɛplɛ a kyɛɛn? I bli éé kɔɔan i gi fɛan zo, ’té i nyanai éé zén‐é an ta é vinin bɛ, é ’ka ’bɛ zo an vazia é dɛrɛ lo.

Jérémi 3:12

’I go, ’i siaa dére ’konu nya yirinwana bɛbolazia, yé bé fe léma: Gakelebale léma: Izraɛl, bii lé i ’ka plaan an wuo lo, ’i da i pa gi. Maa ’ka dan yara nwɛɛn?-?nwɛɛnné gyɛ lɛ ka ta lo. Naa, maa a nyanaizénzan nya, an bli ’ka dan vo lɛ flina yifaama lo. Maa Gakelebale ɛ ke a fena.

Jérémi 3:19

Maa léé: Maa kɛla kaa yé maa i pa anlé nénu va, Yé an tɛrɛ nyɔnɔzan nɔ i lɛ, Tɔnɔfɛ lé é ke é nɔnɔmi é mini bɛn tɛrɛnu faa ta, yé maa a nɔ i lɛɛ? Maa léé, ka dan an laa lɛ, ka ti, Yé ka ’ka dan diéra lɛ an zuo lilo.

Jérémi 31:9

Woo dan wuvɔle nya, naa, woo bazoroan bléyian va, ’té an goo wo nya; Maa goo wo nya ’yi yoronmu vazia, Zi do lé mi ’ka vɔa a ’léé danké danké lo, ana. Naa, maa a Izraɛl munu ti nya, Yé Éfraim a anlé né vininzan nya.

Jérémi 33:26

’té an dan sɔn vɔ lɛ Jakɔb valé an wuozan David kulunu ma, yé munu lé wo dan pla lɛ Abraam koo, Izak koo, Jakɔb koo, wo kulunu nwiin, maa ’ka dan wo si lɛ David kulunu va lo. Naa, maa dan da lɛ wolé luugimunu nya wo pa gi, yé an nyanai é dan zén lɛ wo ta, azama.

Jérémi 48:36

Ma a dunnuna an gi Moab lé we ma; maa a dunnuna an gi, Kii‐Érɛs lé munu lé we ma, alé fɛ zinnu faa lé wo wo zun dɔ, wo san wo lee, azama.

Jérémi Lé Wuvɔ Sɛbɛ 3:22

Gakelebale lé zin ’ka nyaan lo, A nyanai zénle glɛ ’ka lo.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

OZÉ (Osée) 14:4

Bale léé: Naa, an bli ’ka flina wo ma é dɛrɛ lo; Amalé maa dan wo yuɛgi blanle nyaa lɛ, Wo dan sɔ lɛ an lɛ boenwo.

Lévinu 26:44

Naa, duowo, dé wa wo nyanézannu lé tɛrɛ la, maa ’ka dan sɔn vɔ lɛ wo ma lo, yé maa ’ka dan serele bo lɛ wo ma fɔɔ yé maa wo nyaa lo, fɔɔ yé maa anlé gipawe sɛrɛ wo va lo; maa a Gakelebale, wolé Bale nya, azama.

WENÉNÉ LÉ LUK A GYE (Évangile selon Luc) 15:24

Naa, an be ’ko, é ga, yé é vuo; é san, yé é bɔra a gi. Yé wo kun zana gyɛle ma.

WENÉNÉ LÉ LUK A GYE (Évangile selon Luc) 15:32

Naa, i zuané ’ko, é ga yé é vuo, é san, yé é bɔra a gi; amalé é a lé ko gi é nana a we ma yé ko fɛti kɛlɛ webozen nya.

Bélidɔwesɛbɛ Fiézan 32:36

Gakelebale é dan élé munu lé we ble lɛ; Dé é a ye léé, wolé plɛplɛ nyaa wo lee, Yé luu valé miné ’ka ana lo, É dan é nyanai zén lɛ é wuozannu ta.

Filip munu 1:8

Naa, Kazambale a anlé wenayezan nya léé, an bli a é bɔle ka faa ma bélé Jézu Krist bli bɔle ka ma zo.

Weblezannu 10:16

Yé wo bale bɛnu si wo méléna yé wo Gakelebale bɔ, ’té ’bɛ bli kyɛ dɔ wolé nyanéblele ma.