Jérémi 31:19 - Kazambale lé Sebe Sauunu 1979

¹⁹ An yara si i ta, naa, ’bɛ zuo an bli nɔla; Dé maa an saanna ye, an vo an bin gyɛna; Yara an gyɛ yé an ’yibo, Naa, wenu lé maa wo kɛlɛ an boro‐né la bléyi va, wo tɔ a an ma.

Jérémi 31:19 ပူးပေါင်းရင်းမြစ်များ

Ezidras 9:6

yé maa léé: Anlé Bale, an gi blin an ma, yé oo, anlé Bale, yara an gya an yara nwale i vazia we ma; naa, kolé weplenu fan ko nwiin, yé ko nwiinwenu nwa fɔɔ la gi.

JOB (Job) 13:26

Mɛmalé i nyané blɛn pa an ta Yé i we lɛdɔ an gi an pɛniɛ la sanlenu lé we maa?

JOB (Job) 20:11

A kɔlɛvafɛnu lé ke plɛplɛ bélé mi boroné lé plɛplɛ zo, Wo dan yia lɛ wo nya ékeva vun va.

Lɛrɛvɔ Sɛbɛ 119:67

Bléyian va lé i ’ka tan an tua lɛ lo, maa ilé zi vo an yuɛ zuo, Naa, sin, maa i dére ta tawoo.

Lɛrɛvɔ Sɛbɛ 25:7

An boroné la saanlenu valé ilé bélidɔwe lé maa sɛrɛ, té wo sele é dɔ i gi lo ma. An sele ’é dɔ i gi ilé nyanaizénle yɛrama, Oo Gakelebale, ilé zin lé we ma.

Ézai 54:4

Té i kana lo, naa, i gi ’ka dan blin lɛ i ma lo, Té i yuɛ é tana lo, naa, i yuɛ bɛ ’ka dan tana lɛ é dɛrɛ lo; Yara lé é i gyɛ i boronéla bléyi va, i gi é dan san lɛ ’bɛ ma, Yara lé ke i ’wuo ma, i kɛlɛle gyɛzarale nya we ma, a sele ’ka dan dɔ lɛ i gi é dɛrɛ lo.

Jérémi 22:21

Maa we fe i lɛ ilé tɔnɔfɛ yebléyi va, Yé bii léé, ’é ’ka ’é tɔné dɔa an lɛ lo. I kiéné la bléyi va fɔɔ kyɔ, i we kɛlɛ ’bɛ zo, I ’ka i tɔné dɔ lɛ an dére lɛ lo.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 32:30

Naa, é sia wo kiéné la bléyi va fɔɔ kyɔ, Izraɛl munu valé Juda munu an ’namawe saa ɛ kɛlɛ. Izraɛl munu an bli fli wo bɛ panyanama nya. Maa Gakelebale ɛ ke a fena.

Ézékiɛl 21:12

Yé dé wa laa i lee léé: Mɛmalé i dunnuaan? Bé zi pa wo lɛ léé, naa, we do é dan bɔ lɛ yé wo dan a zuo fe lɛ, azama. Kana é dan zén lɛ munu faa gi, Munu faa bɛnu é dan kɛlɛ lɛ tɔɔtɔɔ, Munu faa boen fuu é dan si lɛ ’wo ta, Munu faa powuo é dan gié lɛ é ke gi. Ka ye, é a dana. É da. A zo lé Mizan Gakelebale a fe.

Ézékiɛl 21:17

Blami be, ’i siaa, ’i dunnu ma. Naa, wa so é kɔlɛ gi anlé munu ma, Izraɛl munu nwiinzannu faa ma. Maa wo valé anlé munu bɔra gwɔun lɛ, amalé ’i boro gyɛ.

Ézékiɛl 23:3

Wo gɔné gini Éjipiti tɛrɛ la; wo gɔné gini ’wo boroné la bléyi va. ’Bɛna lé wo wo nyɔ yéli, ’bɛna lé wo bɛ mane wo nyɔ toroné ma.

Ézékiɛl 36:26

Maa dan bli dɛrɛ vɔ lɛ ka gi, yé maa dan léli dɛrɛ pa lɛ ka gi. Maa dan gɔlɛbli si lɛ ka gi, yé maa dan nɛbli nɔ lɛ ka lɛ.

Ézékiɛl 36:31

Yé kalé tawobɛ nyané sele é dan dɔ lɛ ka gi, yee valé ka kɛlɛwenu lé wo ’ka zima lo, wo nya. Ka dan kabo ye lɛ mi naanénu nya kalé weplenu valé kalé bozowenu kɛlɛle we ma.

Ézékiɛl 6:9

Wo lé wo so gwɔun lee, an sele é dan dɔ lɛ wo gi, bɛnnu lé wo kɛlɛ luu nya wo va bɛ, wo méléna. Bale é dan leginibli valé bli fié si lɛ ka lee, yé ka yuɛnu lé woo bɔa miyilinu ma bɛ, maa dan wo si lɛ wo zuo, amalé an sele é dan dɔ lɛ wo gi. Wo dan wobozennu ye lɛ serele bomazannu nya, we vɔnlenu lé wa kɛlɛ bɛ, wolé we ma, wolé bozowenu faa lé wa kɛlɛ bɛ, wolé we ma.

Zakari 12:10

Yé maa dan bli zin valé zantévɔ?-?bli vɔ lɛ David lé munu valé Jérusalɛm munu gi, yé maa lé wo an fɔn, wo dan ’wo yara nɔla lɛ an vazia. Yé wo dan an wuvɔ lɛ bélé néwɔlɛ do kpen wuvɔle zo, yé wo dan an wuvɔ lɛ kaii bélé né vininzan wuvɔle zo.

WENÉNÉ LÉ LUK A GYE (Évangile selon Luc) 15:30

Paka! Yé i be lé ke bɛ, é i zarafɛnu sia yé é wo sɛrɛ gɔnéginilomu ma, yé dé é da tɔɔn, yé i diriné bualeo gyɛ a lɛ.

WENÉNÉ LÉ LUK A GYE (Évangile selon Luc) 18:13

Mi lé ’bɛ ke vagɔɔlisizan nya, ’bɛ dɔ baa, yé é ’ka dɔ lɛ ’bɛ gi boenwo lé é yara nwa la gi zia lo; naa, é kun é ’wuo ma ’té éé a fé léé: Oo, Kazambale, ’i nyanai zén maa wenyanékɛlɛzan ta.

Rom munu 6:21

’Bɛ bléyi va mɛ tɔnɔ ɛ ke ka maa? Tɔnɔ lé é ka gya yara nya sin, yee lé. Naa, we ’konu ’wuo éé plaan ga nya.

Bélidɔwesɛbɛ Fiézan 30:2

dé ka da Gakelebale va é ziin, dé ka a dére lɛdɔma ka bli faa valé ka boen faa nya, ka valé kalé nénu nya, we faa lé maa a fe ka lɛ kyɔ, a yɛrama,

2 Timoté 2:25

Munu lé woo za vɔa a lɔ ma, é a lé é we pla wo lɛ bli drɔɔ nya, ’té a bli a a lɛ léé, Kazambale é dan wo bli nɔla lɛ yé wo webozen dɔɔ,