Jérémi 31:18 - Kazambale lé Sebe Sauunu 1979

¹⁸ Maa Éfraim dére ’ma, ’té éé dunnuan; I we lɛdɔ an gi, yé a lɛ a é dɔle an gi weboen nya, Bélé diriné lé wo ’ka pla lɛ a nwiin lo, a zo; Bii ɛ da an nya an pa gi, amalé an da, Naa, i a Gakelebale, anlé Bale nya.

Jérémi 31:18 ပူးပေါင်းရင်းမြစ်များ

JOB (Job) 5:17

Mi lé Kazambale we lɛdɔ a gi, azé a néné. Dé Plɛplɛfaazan a i drɔna, té bé ye boawe nya lo.

Lɛrɛvɔ Sɛbɛ 118:18

Gakelebale we lɛdɔ an gi, Naa, é ’ka an vo lɛ gale lee lo.

Lɛrɛvɔ Sɛbɛ 119:67

Bléyian va lé i ’ka tan an tua lɛ lo, maa ilé zi vo an yuɛ zuo, Naa, sin, maa i dére ta tawoo.

Lɛrɛvɔ Sɛbɛ 119:75

Oo Gakelebale, maa a gi dɔɔ léé, ilé weblelenu a tegele. I yara pale we ta ma lé i an tua.

Lɛrɛvɔ Sɛbɛ 31:15

Gakelebaleoo Bale, maa anbo bɛ paan bii ɛ lee. Maa léé, bii a anlé Bale nya.

Lɛrɛvɔ Sɛbɛ 32:9

Té ka kɛlɛ bélé wisoo valé sokofale lé, wo ’ka we dɔɔa lo, wo zo lo; Woo wo dɔa yé woo wo kunwo foliɛwɔlɛ lé é ke é vɔle wo ’léé, a nya, Té wo bié mi ma lo we gi.

Lɛrɛvɔ Sɛbɛ 80:19

Yé ko ’ka dan si lɛ i ma baa é dɛrɛ lo, ’I ko vo é yuɛma é ziin, yé ko dan i tɔ laa lɛ.

Lɛrɛvɔ Sɛbɛ 80:3

’I nwa, Éfraim koo, Bɛnjamɛn koo, Manasé koo, wo yuɛ va, ’Ilé plɛplɛ nagɔɔn yé ’i da bɔ ko va.

Lɛrɛvɔ Sɛbɛ 80:7

I ko nɔ ko bɔluzannu lɛ léé, ’wo ko sɔnɔ, ’Té ko nyanézannu éé yéri sié ko ma.

Lɛrɛvɔ Sɛbɛ 85:4

I daan i wɛwɛ dɔle faa ma, Ilé bliflile lé é ke tɔntɔn, i daan a ma.

Lɛrɛvɔ Sɛbɛ 94:12

Oo Gakelebale, mian i we lɛdɔa a gi, Yé ilé bélidɔwe paa a gi, Léé, é vo drɔɔ we tɔntɔn bɔyi la, Fɔɔ yé wo guru blɛn bo mi nyanénu lee, azé a néné.

Wegɔnévɔlenu 26:3

Plén a, wisoo lé we ma; ’léé foliɛwɔlɛ a, sokofale lé we ma, yé vlewɔlɛ a, ’tugyɛzan lala lé we ma.

Wegɔnévɔlenu 29:1

Mi lé a yara a lé, wo we pla a lɛ, yé é ’ka é ’wuo dɔa a wuo lo, wo dan a ’wii lɛ za ma, té a lia ’ka lo.

Wegɔnévɔlenu 3:11

An be, té i Gakelebale lé i drɔle ye boawe nya lo; té kana é vɔ i gi alé we lɛdɔle i gi ma lo;

Ézai 1:5

Dé kalé nwale an ma gi gya, mɛ nya lé maa we lɛdɔa ka gi é dɛrɛɛ? Gyɛ a ka ’wuo ma fɛfaana, yé ka bli faa a yaana.

Ézai 51:20

I benu kɛlɛ tɔɔtɔɔ, ’té woo yiaan zinu ta yé wo ’ka bɔa nwale lɛ lo, Bélé zoro lé éé séli sian a gi, a zo, Gakelebale bli fli wo ma, Ilé Bale bon‐ɛn wo nya fɔɔ yé a bɛn mini wo lɛ.

Ézai 53:7

Wo nyané pa a ta yé wo yaa a ta, Yé é ’ka é ’léé fuo lɛ lo, É a bélé ’blané lé wa gona a gyɛna, a zo, É a bélé ’bla lé é ’ka wé ’é kyɛɛ bɔi?-?zan lɛ lo, a zo. É ’ka é ’léé fuo lɛ lo.

Ézai 63:16

Duowo, bii ɛ ke ko ti nya. Naa, Abraam ’ka ko dɔɔa lo, yé Izraɛl ’ka a gi dɔɔa léé, ko ana lo; bii Gakelebale ɛ ke ko ti nya; a péli sia bléyi va ibo laan ko siéwegizan.

Ézai 9:13

Gakelebale é dan Izraɛl woli valé a ’wuo bɔi lɛ yé é dan yɔ valé gyan soowɔla lɛ yi do kpen nya.

Jérémi 17:14

Gakelebale, ’i an béli, yé an dan béli lɛ. ’I an si we gi, yé an dan si lɛ we gi, naa, an bii ɛ tɔ bɔa.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 31:6

Naa, a yi é dan bɔ lɛ yé mi tagini‐zannu é dan siaa lɛ Éfraim gɔ nwiin léé: ’Ka nwa, kaa go Siɔn, Gakelebale kolé Bale vazia.

Jérémi 31:9

Woo dan wuvɔle nya, naa, woo bazoroan bléyian va, ’té an goo wo nya; Maa goo wo nya ’yi yoronmu vazia, Zi do lé mi ’ka vɔa a ’léé danké danké lo, ana. Naa, maa a Izraɛl munu ti nya, Yé Éfraim a anlé né vininzan nya.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Jérémi Lé Wuvɔ Sɛbɛ 5:21

Oo Gakelebale, ’bé kɛlɛ léé, ko da i va é ziin, yé ko dan da lɛ i va. ’I yinu nɔ ko lɛ bélé é vinin zé zo.

Ézékiɛl 20:43

Ka giébɛnu valé ka kɛlɛwenu lé ka kabo tiri dɔ wo nya bɛ, wo sele é dan dɔ lɛ ka gi ’bɛna, yé ka lɔrɔ é dan nyaa lɛ kabo ma, we vɔnlenu lé ka wo kɛlɛ, wolé we ma.

Daniɛl 9:13

We tɔntɔn ’konu faa bɔ ko ma, we lé Moizi a gyɛ bélidɔwe nya, a yɛrama. Naa, ko ’ka zanté vɔ lɛ Gakelebale kozé Bale lɛ lo; ko ’ka sɔn vɔ lɛ kolé weplenu kɛlɛle ma lo; ko ’ka webozen ban lɛ ko tɔné nya lo.

OZÉ (Osée) 10:11

Éfraim a bélé diridané lé wo pla a nwiin, a zo, ’té ’sa sunwole sɔ a lɛ, a zo. Sin, maa dan bɔrɔmayili vɔ lɛ a bɔrɔ nɔnɔmi ma. Maa dan nyanamapafɛ vɔ lɛ Éfraim bɔrɔ ma, Juda é dan nyanama pa lɛ, Jakɔb é dan tɛrɛ ta bɔ lɛ ékema.

OZÉ (Osée) 4:16

Izraɛlnu yuɛ ma kɛlɛ plɛplɛ an va, bélé diridané lé a yuɛma ke plɛplɛ yé é ’ka a nyi sié léé, wo nyanama pa ’é nya lo, a zo. Sin Gakelebale é dan go lɛ wo nya fɛblena bélé ’blané lé ke fɛna dégélé blɛn na, a zo.

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

Jonas 3:10

Bale a ye léé, wa we ’ko kɛlɛna yé wo daan wolé weple kɛlɛle ma, yé we tɔntɔn lé é a a va léé, ’é a kɛla wo lɛ bɛ, é bli si a lɛ, yé é ’ka a kɛlɛ lɛ lo.

Sofoni 3:2

É ’ka é tɔné dɔa dére do kpen lɛ lo; é ’ka a nyi sié léé, wo ’é drɔ lo; é ’ka paan Gakelebale ta lo; é ’ka biéan élé Bale sɔnɔ lo.

Malasi 3:16

Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

Malasi 4:6

Yé é dan né tinu bli nɔla lɛ ’wolé nénu vazia, yé é dan nénu bli nɔla lɛ ’wo tinu vazia, dé an da da yé an bale pa wolé tɛrɛ ma.

Mi Nɔnɔle 2:18

Éfraim mamunu ’é nyana yirivɔnazia wolé drapo sɔnɔ, yee valé wolé sunyanu palu nya. Ana lé wo nwiinzan Amiud be Élisama ’é nyana, ’é valé

WENÉNÉ LÉ LUK A GYE (Évangile selon Luc) 1:17

É dan tawo lɛ Kazambale ’lɛ é gi bli nya bélé Éli zé zo, yé alé plɛplɛ é dan kɛlɛ lɛ bélé Éli zé zo, né tinu bli nɔlale ’wolé nénu va koo, tɔnégiplɛplɛ munu nɔlale mi tegelenu lé we dɔɔle vazia koo, munu ma’lɛrɛle wo kɛlɛle Mizambale zé nya koo, wo we ma.

WENÉNÉ LÉ LUK A GYE (Évangile selon Luc) 15:20

Yé é nwa yé é ti va zi sia. Bléyian va lé é ke baa mi, a ti a ye, yé ’bɛ nyanai zén a ta, yé ’bɛ vlan si yé ’bɛ vɔ a bɔrɔ ma yé ’bɛ a tuu gyɛ.

Kelewenu 3:26

Kazambale é wuozan Jézu nwa aan wo yé é a pa ka lɛ zia é vinin, ka drɔɔ vole we gi, yé ka faa do do ’é si kalé weple kɛlɛle zuo.

Filip munu 2:13

Naa, Kazambale a nyanama pana ka gi, é bɔn‐in danwe lɛsɔɔle we ma; éé ka gya a lɔrɔ nya yé éé a lɛsɔɔ plɛplɛ no ka lɛ.

Ébrunu 12:5

We lé Bale a pla ka lɛ, ka gi san ’bɛ maa? É we pla ka lɛ bélé é benu zo, yé é léé: An be, dé Mizambale we lɛdɔ i gi, té bé ye boawe nya lo, Yé dé é we pla i lɛ, té i fuu é si i ta lo ma.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.