Jérémi 31:16 - Kazambale lé Sebe Sauunu 1979

¹⁶ Gakelebale léma: ’Ilé wuvɔle sɔ, ’I yuɛyi si; Naa, Gakelebale léé, wo dan i kɛlɛwenu ma banwo lɛ; Munu é dan si lɛ wo nyanézannu lé tɛrɛ la yé ’wo da.

Jérémi 31:16 ပူးပေါင်းရင်းမြစ်များ

Wepélisiananu 43:31

A zuo é ’é yara foli, yé é bɔra, yé é ébo kun plɛplɛ yé é vo é tadɔle yé é léé: ’Ka da fɛ nya.

Wepélisiananu 45:1

Jozɛfu ’ka bɔa ébo kunle lɛ ’é zimunu yuɛ va é dɛrɛ lo. Yé é siaa léé: ’Ka munu faa bɔra béera. Mi do kpen ’ka vo lɛ Jozɛfu va lo aan wo, é ’ébo nagɔɔn ’é bwenu lɛ.

2 Minwiinmunu lé Wezuofe Sɛbɛ 15:7

Amalé, ’kaa, ’kabo dɔ gligli; té ka bɛ é kɛlɛ tɔɔtɔɔ lo, naa, ka dan ka kɛlɛwenu ma ban ye lɛ.

Lɛrɛvɔ Sɛbɛ 126:5

Munuan woo fɛ vɔa yuɛyi sole nya Wo dan fɛ gyɛ lɛ ginanalɛrɛ vɔle nya.

Lɛrɛvɔ Sɛbɛ 30:5

’Kaa‐an, Gakelebale sɔ ka lɛ, ’ka lɛrɛ vɔ a lɛ. É a sauun fɛan zo, dé ’bɛ sele dɔ ka gi, ’ka a tɔ bié a tɔ zin fele nya.

Bale Lé We Gifezan 9:7

’I go, ’ilé fɛ ble ginanale nya, ’ilé nwɛ mini ginanale nya; naa, Kazambale i kɛlɛwe nyi si é kyɛn.

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Ézai 30:19

Iin, ’kaa Siɔn munu lé ka ke é nyanale Jérusalɛm, ka ’ka dan wuvɔ lɛ é dɛrɛ lo. Dé ka siaa Bale lɛ, é dan zin kɛlɛ lɛ ka lɛ; dé é ka dére ’ma tɔɔn, ’té é we é kwakwa.

Ézai 40:10

Ka ye, Mizan Gakelebale a dana élé plɛplɛ nya; Éé plaan munu nwiin é bɛ plɛplɛ nya. Ka ye, ka banwofɛ a a lee, Éé ka gooli paan zia, yé yeeboen éé dan a zuo.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 30:18

Gakelebale léma: Ka ye, Jakɔb lé munu lé wo ke luu gi, maa dan da lɛ wo nya é ziin, An nyanai éé zén‐é wo nyanana ta; Wo dan wolé fla pa lɛ é ’bin la, Wo dan minwiinzan blɛn lé fuakɔn dɔ lɛ bélé é vinin zé zo.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Jérémi 33:7

Juda valé Izraɛl munu lé wo ke luu gi, maa dan da lɛ wo nya ’wo pa gi; maa dan wo nyana lɛ ’wo pa gi bélé é vinin zo.

Ézékiɛl 37:21

Bé fe wo lɛ léma: Mizan Gakelebale léma: Ka ye, Izraɛl munu lé wo ke bɛnnu méléna, maa dan wo si lɛ bɛ faa na, yé maa go wo nya wobo lé tɛrɛ la.

1 Tɛsalɔnik munu 4:14

Dé ko dɔ a ta léé, Jézu ga yé é nwa é ziin, é a lé ko dɔ a ta é ziin léé, munu lé wo ga Jézu gi, Kazambale é dan wo pa lɛ Jézu va yé é da wo nya.

Ébrunu 11:6

naa, dé mi bli ’ka Kazambale lɛ lo, ’bɛzan ’ka bɔa sɔle lɛ Kazambale lɛ lo. Naa, mian éé biéan Kazambale sɔnɔ é a lé é pa a ta léé, Bale a, yé munuan wa naginina é a wo goolipazan nya.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

RUT (Ruth) 2:12

Gakelebale ’é a lɛi kɛlɛ i lɛ ma; Gakelebale Izraɛl lé Bale lé, i da i ta yɔɔ lɛ a bɛ wuo, ’é i banwo tegele ma.