Jérémi 31:13 - Kazambale lé Sebe Sauunu 1979

¹³ Yé leboronénu é dan nɛnɛ bo lɛ gi nanale nya, Pɛniɛnu valé mi kwanu gi é dan nana lɛ é ziin; Maa dan wolé gyɛbole nɔla lɛ gi‐nandale baba nya, yé maa dan wo tɔrɔ paa lɛ; Yé maa dan ginanale nɔ lɛ wo lɛ wo bli kyɛdɔle pa gi.

Jérémi 31:13 ပူးပေါင်းရင်းမြစ်များ

Ezidras 6:22

Yi sɔrafié wuo, buru lé lévɛn ’ka a va lo, walé fɛti kɛlɛ yé wo gi nana. Naa, Gakelebale wo fan ginanale nya é baba; é Asirinu nwiinzan blɛn kɛlɛ wo ma é zima, yé é bɔ wo va Izraɛlnu lé Bale lé kɔn dɔ nyanama nya.

Néémi 12:27

Jérusalɛm zi gɔrɔ nɔle Bale lɛ bléyi va, wo Lévinu laa wolé fla faa la, léé, ’wo da Jérusalɛm gɔrɔ nɔle Bale lɛ we ma yé wo fɛti kɛlɛ lɛrɛvɔle koo, kɔa gyɛle koo, kpélé gyɛle koo, kɔnɔ gyɛle koo, wo nya.

Néémi 12:43

’Bɛ yi la, wo saraka kiɛre bo, yé wo wobo nɔ zanagyɛle lɛ; naa, Bale ginanawe blɛn kɛlɛ munu lɛ, azama. Lomu valé nénu é ziin, wo gi nana, yé Jérusalɛm munu lé ginanadére bɔ baa.

Esitɛɛ 9:22

Yi ’konu nya lé wo vo wobo ma wobozen sile nya ’wo nyanézannu lee. Yé yee moné lé wolé bli kyɛdɔle nɔla ginanale nya yé di kinile wo gi nɔla wolé fɛti kɛlɛle nya bɛ, a sele ’é dɔ wo gi, yé wo yee yi ’konu kɛlɛ fɛti valé ginanayinu nya, ’té woo blɛ kɛla ’wo ke lɛ, yé munu lé we do ’ka wo lee lo, ’té woo fɛ no ’bɛnu lɛ ’bɛ yi nya.

Lɛrɛvɔ Sɛbɛ 126:5

Munuan woo fɛ vɔa yuɛyi sole nya Wo dan fɛ gyɛ lɛ ginanalɛrɛ vɔle nya.

Lɛrɛvɔ Sɛbɛ 148:12

Pɛniɛnu valé blɛnnu koo, Gɔné segelenu valé nunukénénénu koo,

Lɛrɛvɔ Sɛbɛ 149:3

’Wo a tɔ zin fe nɛnɛbole nya ma, ’Wa kɛlɛ blɛn poo gyɛle valé kɔnɔ gyɛle nya ma.

Lɛrɛvɔ Sɛbɛ 30:11

Gakelebale, ’i tɔné dɔ an lɛ; ’i nyanai zén an ta. Gakelebale, ’i bɔ an va.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Ézai 51:11

Munu lé Gakelebale wo tabo, wo dan da lɛ wo pa gi, Wo dan go lɛ Siɔn guliwuovolɛ lɛrɛ vɔle nya, Ginanale lé é ’ka nyaan lo, é dan kɛlɛ lɛ wo ’wuo ma bélé tɔkoro zo; Ginanale valé vole drɔɔ é dan kɛlɛ lɛ ana, Nyanéblele valé dunnule é dan si lɛ ana.

Ézai 51:3

’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézai 60:20

Yiri ’ka dan vɔ lɛ i ta é dɛrɛ lo, Moné ’ka dan vɔ lɛ i ta é dɛrɛ lo; Naa, Gakelebale é dan kɛlɛ lɛ ilé san nya yifaama, Yé ilé gyɛboyinu é dan gié lɛ.

Ézai 61:2

É an pa zia Gakelebale lé zin‐yelɛɛ zana dɔɔle we ma, ’Bɛ valé kolé Bale lé welɛgipayi nya. É an pa zia nyanéblemunu faa tɔrɔpaale we ma,

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Jérémi 31:4

Izraɛl, blɛnzan, maa dan i dɔ lɛ gligli é ziin, yé i dan dɔ lɛ kil. Ilé flinnu é dan kɛlɛ lɛ i ’lɛrɛfɛ nya é ziin, yé munu lé wo ke nɛnɛ bona ginanale nya, i dan pa lɛ wo va.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

WENÉNÉ LE JAN A GYE (Évangile selon Jean) 16:22

Bɛwemalé ka é ziin, ka bli gi kyɛ a sin, naa, maa dan ka ye lɛ é ziin, yé ka gi é dan nana lɛ, yé mi do kpen ’ka dan ka gi nanale si lɛ ka lee lo.

Weblezannu 21:21

’Ka nagini, yé ’ka ye, dé Silo blɛnnu bɔra nɛnɛ bona, ’ka bɔra dɔrɔyilinu kwɛɛ gi, ka faa do do ’é Silo blɛn do do kun ka nanu nya, yé ’ka go wo nya Bɛnjamɛn tɛrɛ la.