Jérémi 31:10 - Kazambale lé Sebe Sauunu 1979

¹⁰ ’Kaa bɛnnu, ’ka tɔné dɔ Gakelebale dére lɛ, Yé ’ka a zana dɔɔ wɛyi worona tɛrɛ baanu ta, ’Ka fe léé: Mian é Izraɛl munu kini ékema, é dan wo zén lɛ ékema é ziin, Yé é dan wo tabin lɛ bélé ’blata‐binzan élé ’blanu tabin‐é fɛan zo, a zo.

Jérémi 31:10 ပူးပေါင်းရင်းမြစ်များ

Wepélisiananu 10:5

Wo ma lé migɔnɔ fan di, yé wo nyana wɛyi worona tɛrɛnu la. Yé wo nyana ’wo bɛntɛrɛ ta do do. Wo dére koo, wo lele koo, wolé bɛn koo, wa do do.

Lɛrɛvɔ Sɛbɛ 147:2

Gakelebale éé Jérusalɛm dɛrɛ paan; Izraɛl munu lé wo wo fwila, éé wo zén‐é ékeva é ziin.

Lɛrɛvɔ Sɛbɛ 23:1

Lɛrɛ lé David a vɔ. Maa a bélé bla zo; Gakelebale a an tabinzan nya; fɛ do kpen ’ka dan vuru lɛ an ma lo.

Lɛrɛvɔ Sɛbɛ 72:10

Taasis munu nwiinzan blɛnnu valé ’yiworonatɛrɛ nwiinzannu, wo dan vagɔɔli banwo lɛ a lɛ, Séba valé Saba munu nwiinzan blɛnnu wo dan blɛ kɛlɛ lɛ a lɛ.

Wegɔnévɔlenu 27:23

’Ilé ’blanu faa dɔɔ do do ma, ’ilé trubɛnu pa é zima ma;

Ézai 24:14

Munu wo dére nwa, wo siaa ginanale nya; wo Gakelebale kɛlɛle blɛn ze vɔ wɛyi gɔnu la.

Ézai 27:12

’Bɛ bléyi va Gakelebale é dan yilinu nyɔɔn lɛ yé wo poro é dan dia lɛ; é sia yuu yorole ma fɔɔ Éjipiti lé yuu blɛn va, ’kaa Izraɛlnu, é dan ka sia lɛ do do.

Ézai 40:1

Kalé Bale léma: ’Ka anlé munu tɔrɔ paaoo, ’ka anlé munu tɔrɔ paa.

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 41:1

’Kaa ’yiworona tɛrɛ lamunu, ’ka tadɔ yé ’ka tɔné dɔ an lɛ. Munu bli ta ’é dɔ plɛplɛ ma; ’Wo bié, ’wo we fe ma. Kaa zén ékeva, kaa we ble.

Ézai 42:10

’Ka lɛrɛ dɛrɛ vɔ Gakelebale lɛ; Ka lé ka tawoo wɛyi ta, ka lé ka nyanaan wɛyi sɔnɔ, Wɛyi worona tɛrɛnu valé wo tamunu, ’Ka a tɔbɔlɛrɛnu vɔ tɛrɛ glɛ faa sina.

Ézai 42:4

A fuu ’ka dan si lɛ a ta lo yé é ’ka dan nyana lɛ lo, Fɔɔ yé é wetegele dɔ tɛrɛ la gligli, Yé wɛyi worona tɛrɛ tamunu bli é vo alé bélidɔwe lɛ.

Ézai 48:20

’Ka si Babilɔn, ’ka fwi Kaldé munu méléna; ’Ka fe léé: Gakelebale é wuozan Jakɔb tabo. ’Ka fe ginanale nya, ’ka a zana dɔɔ, ’Ka munu bɔn‐in kini a nya fɔɔ tɛrɛ glɛ sina.

Ézai 54:7

Maa i vo bléyi sɛ nya, Naa, maa dan i si lɛ é ziin sɔlɛle blɛn nya;

Ézai 60:9

Naa, wɛyiworona tɛrɛ la munu lé wo bli ke an lɛ, wonu lé; Taasis lé ’yitagoronu a zi ’lɛ, ’Té wo si ilé nénu nya baa, Wo valé wolé gɔɔlifu valé wolé kyan nya, Gakelebale, ilé Bale tɔ lé we ma, Izraɛl lé Mi Sauun lé é i tɔ kɛla blɛn, alé we ma.

Ézai 66:19

Maa dan tɔmase do pa lɛ wo ma. Wonu lé wo so we lee, maa dan wo pa lɛ zia bɛnnu va; Taasis koo, Pul valé Lud munu lé woo sa vulian, wo koo, Tubal valé Javan munu koo, wɛyiworona tɛrɛ baanu koo, maa dan wo pa lɛ zia bɛnnu va. Bɛnnu ’ko, wo ’ka an tawe ’ma lɛ monomono lo, yé wo ’ka an tɔbɔle ye lɛ lo; maa dan anlé munu pa lɛ zia wo va, yé wo dan an tɔ ma gyɛ lɛ yee bɛnnu méléna.

Jérémi 23:4

Yé mi pazannu lé wo dan fɛ nɔ lɛ wo lɛ, maa dan wo dɔ lɛ. Wo ’ka dan kana lɛ é ziin lo; di ’ka dan kini lɛ wo gi é dɛrɛ lo, yé fɛ ’ka dan kele lɛ wo va mi do kpen ma lo.

Jérémi 25:22

Tii nwiinzan blɛnnu faa, Sidɔn nwiinzan blɛnnu faa, wɛyiworona tɛrɛ nwiinzan blɛnnu;

Jérémi 3:15

Maa dan ka tabinzannu nɔ lɛ ka lɛ an bligiwe yɛrama, yé wo dan ka pa lɛ gikinile valé wedɔɔle nya.

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi 50:19

Maa dan Izraɛl munu nyana lɛ wo pa gi é ziin; wolé fɛblena é dan kɛlɛ lɛ Kaamɛl valé Bazan tɛrɛ la, yé wobozen é dan kan lɛ Éfraim gɔ nwiin valé Galaad tɛrɛ la.

Ézékiɛl 11:16

Amalé bé fe léma: Mizan Gakelebale léma: Dé maa wo vo é sile ka ma baa bɛnnu méléna, dé maa wo kini ékema wo nwɛɛnle nya tɛrɛ bɛnu ta, maa dan kɛlɛ lɛ bléyi sɛ nya wo yɔɔna nya, tɛrɛnu lé wo go ana, ana.

Ézékiɛl 20:34

Maa dan ka si lɛ munu méléna, maa dan ka si lɛ tɛrɛnu lé ka go ana, wo ta, yé maa ka zén ékeva an bɛ plɛplɛ valé an bɛ soile nya, é valé an wɛwɛ dɔle nya ka ma.

Ézékiɛl 34:12

’Blapazan a élé ’bla fwilalenu méléna fɛan zo, ’té éé wo ginian bɛ, a zo lé maa dan anlé ’blanu gini lɛ, yé fɛana lé wo kini ékema yé wo go, yian nya lé fɛna gunu dɔra yé té yiri ’ka bié lo bɛ, maa dan wo si lɛ ’bɛna yé maa da wo nya an va.

Ézékiɛl 37:24

An leezan David é dan kɛlɛ lɛ wo nwiinzan blɛn nya, yé wo faa pazan é dan kɛlɛ lɛ do. Wo dan tawo lɛ an dérenu ta, wo dan anlé bélidɔwenu lɛdɔ lɛ a ma, yé wo dan a ta tawo lɛ.

Ézékiɛl 5:10

Iin, né tinu é dan ’wolé nénu wi ble lɛ i méléna, yé nénu é dan ’wo tinu wi ble lɛ. Maa dan kalé we ble lɛ. Yé ka lé ka vo ana, maa dan ka kini lɛ ékema fɛfaana.

Ézékiɛl 5:2

Yé bé lɛ do kyɛ ble fla méléna, yian nya lé fla mabɛnle lɛ sɔɔ, a yi nya. Yé i nwin lɛ fiézan sia, yé i gié a bɔile nya fla zi lamɔn nya. Yé i nwin lɛ yaazan nwɛɛn yé fu a si, yé an dan gwɔun sia lɛ wo ma wo zuo.

Daniɛl 11:18

É dan é yara dɔ lɛ wɛyi worona tɛrɛnu ta, yé é dan a kiɛre si lɛ ézé nya, naa, serelebomawe lé é sɔ a lɛ léé, é a kɛlɛ minwiinzan do lɛ, ’bɛzan a nɔlaan azé nya.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Misé 2:12

Jakɔb‐oo, maa dan ilé munu faa zén lɛ ékeva. Maa dan Izraɛl munu pɔné faa zén lɛ ékeva. Maa dan wo zén lɛ ékeva bélé gɔrɔ do gi ’blanu zo, bélé trubɛ palu do zo wolé lu blena. Munu vun é dan we lɛ blɛn.

Misé 4:6

’Bɛ yi la, maa dan gane tɔntɔn munu nyana lɛ an va. Munu lé wo wo bin, maa dan wo zén lɛ ékeva, munu lé maa nyané pa wo ta, wo koo, a zo lé Gakelebale a fe.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Sofoni 3:19

Ka ye, ’bɛ bléyi va, munu lé woo yaan ka ta, maa dan we kɛlɛ lɛ wo faa lɛ; Maa dan gane suruzannu béli lɛ, yé munu lé wo so wo va, maa dan wo zén lɛ ékeva; Tɛrɛnu faa lé wo serele bo wo ma wo ta bɛ, Maa dan wo kɛlɛ lɛ ’bɛnu ginanamafɛ valé tɔbɔfɛ nya ’bɛna.

Zakari 10:8

Maa wo tabo, amalé maa dan ’furu fɛn lɛ wo lɛ yé maa wo zén ékeva, Yé wo dan fan lɛ bélé é vinin zo.

Zakari 2:6

Gakelebale léé: ’Ka fwi, ’ka fwi yirinwanazia tɛrɛ la. Naa, maa ka fwila fu sina ziɛn na. A zo lé Gakelebale a fe.

Zakari 9:16

’Bɛ yi la Gakelebale wolé Bale é dan wo si lɛ we gi Bélé alé munu lé trubɛ zo; Naa, wa fuaneé lé tɔkoro ma gɔlɛwezannu lé wo dan bi lɛ alé tɛrɛ la, wo nya.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

WENÉNÉ LE JAN A GYE (Évangile selon Jean) 10:27

Anlé ’blanu an dére maan, yé maa wo dɔɔ yé woo dan an zuo.

WENÉNÉ LE JAN A GYE (Évangile selon Jean) 11:52

Yé a bɛn saa lé we ma kaan lo; naa, Kazambale lé nénu lé wo ke é nwɛɛnle fɛfaana, wo zénle ékeva yé ’wo kɛlɛ kɔlɛ do nya lé we ma lé é ziin.

Bélidɔwesɛbɛ Fiézan 30:4

Dé Gakelebale, kalé Bale ka bin fɔɔ la glɛ sinaoo, é dan go lɛ ka nagini lɛ ’bɛna, yé é dan ka zén lɛ ékeva.

Bélidɔwesɛbɛ Fiézan 32:26

Maa nɔ dan a fe lɛ léé, an wo sié ana, fu fɛɛle do kpen nya, Maa dan wo sele saan lɛ munu gi;