Jérémi 30:8 - Kazambale lé Sebe Sauunu 1979

⁸ Lai sunyanu lé Gakelebale léé: ’Bɛ yi ’ko la an dan alé luubale kini lɛ i bɔrɔ ma, yé maa dan i yerebalenu kini lɛ, yé i ’ka dan pla lɛ bɛnnu wuo é dɛrɛ lo.

Jérémi 30:8 ပူးပေါင်းရင်းမြစ်များ

Lɛrɛvɔ Sɛbɛ 107:14

É wo si gunutinu valé gale furɔ wuo, Yé é wo ma balenu bɔi.

Ézai 10:27

’Bɛ yi la alé kɔné lé é a dɔ ka nwiin, an dan a si lɛ, yé an dan luubale kini lɛ ka bɔrɔ ma. Dé ka bua blɛn, ka dan ka bɔrɔmabale kini lɛ.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 14:25

Maa dan Asirinu ’wii lɛ anlé tɛrɛ la; maa dan wo zɔn lɛ an gane nya anlé gɔnu nwiin; maa dan wolé luubale kini lɛ anlé munu bɔrɔ ma, yé maa dan wolé kɔné si lɛ wo nwiin.

Ézai 14:3

Dé Gakelebale flinle nɔ ka lɛ ka wɔlɛi nyaale ka ma valé kalé kleblele zuo, kalé luu gi nyanéblele zuo,

Ézai 9:4

Naa, guli ma sawala faa koo, Guli ma varɔ faa lé wa burula nyɛ va koo, Wo dan wo vɔ lɛ kyɛ va, Yé kyɛ é wo ble.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 25:14

Naa, Kaldé munu é ziin, wo dan kɛlɛ lɛ bɛn plɛplɛnu valé minwiinzan blɛnnu lé luunu nya, yé maa dan wozé lɛgi pa lɛ wo kɛlɛwe valé wo bɛ kɛlɛfɛnu yɛrama.

Jérémi 27:2

Gakelebale lé an lɛ léma: ’I luubalenu kɛlɛ, yé ’i wo vɔ i bɔrɔ ma.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Jérémi 28:10

Yé balelayezan Aanania luubale kini balelayezan Jérémi bɔrɔ ma.

Jérémi 28:13

’I go, bé fe Aanania lɛ léma: Gakelebale léma: I luubale kini bɛ, wo dan foliɛwɔlɛ bale vɔ lɛ a pa gi.

Jérémi 28:4

Yé maa dan da lɛ Juda nwiinzan blɛn Jojakim be Jékonia nya fɛkona, yee valé Juda munu faa lé wo go wo nya luu gi Babilɔn, wo nya, naa, luubale lé Babilɔn nwiinzan a vɔ wo bɔrɔ ma, maa dan a kini lɛ. A zo lé Gakelebale a fe.

Ézékiɛl 30:18

Munu lé wo ke luu gi Éjipitinu lee, dé maa wo ma bale kini yé maa alé boblɛn ta zana, ’bɛ bléyi va gunu é dan dɔra lɛ Tapanɛs ta é yiéyi; lati é dan bua lɛ Tapanɛs ta yé ana blɛnnu é dan go lɛ luu gi.

Ézékiɛl 34:27

Féiyilinu poro é dan baa lɛ, yé tɛrɛ é dan fɛ dɔ lɛ. Wo dan nyana lɛ wobo ma duaa ’wolé tɛrɛ la, yé dé ma wo bɔrɔ ma luubalenu kini, yé maa wo si munu lé ’bɛnu ke é plale wo nwiin, ’bɛnu lee, ’té wo dan a gi dɔɔ lɛ léé, maa ɛ ke Gakelebale nya.

Naum 1:13

Anlé bɛn, sin, an dan alé luubale si lɛ i bɔrɔ ma, yé maa dan i yerebalenu kini lɛ.