Jérémi 30:6 - Kazambale lé Sebe Sauunu 1979

⁶ ’Ka a nagini. Dé gɔné do a né yaanaa? Mɛmalé an gɔnénu faa yé wo bɛ nya é dɔle wo sowɔlɛ ma Bélé lezan lé ke né yaana, a zoo? Mɛmalé munu faa yara fuolaa?

Jérémi 30:6 ပူးပေါင်းရင်းမြစ်များ

Lɛrɛvɔ Sɛbɛ 48:6

Wa nagini yé wo gi faa vuru ’wo ma, Wo kana yé wo fwila.

Ézai 21:3

Bɛwemalé maa a kle blena an sowolɛ lee. Nyanéblele an kun bélé né yaa le lé nyanéblele zo. An plinle lé we ma lé an ’ka we maan lo; an ma nyɔɔnle lé we ma lé an ’ka fɛ yé lo.

Ézai 29:22

Bɛwemalé Gakelebale lé é Abraam tabo, é lé Jakɔb kululazannu lɛ léé: Sin, Jakɔb yuɛ ’ka dan tana lɛ é dɛrɛ lo. Sin, a yara nyɔnɔ é dan kɛlɛ lɛ ana yifaama.

Jérémi 13:21

É we lɛdɔ i gi, i lé ’bɛ gi nɔɔ? Biibozen we paa wo gi léé, ’wo kɛlɛ izan nya; i ’ka dan kle ble lɛ bélé né yaa le lé né a kun, a zo loo?

Jérémi 22:23

Bii lé i nyanaan Liban gɔ nwiin, ’Té ilé kɔn dɔa sɛdrɛyili nwiin, Dé nyanéblele bɔ i ma bléyian va, i dan dunnu lɛ; Ilé nyanéblelenu é dan kɛlɛ lɛ bélé lezan lé é ke né yaana, alé nyanéblele zo.

Jérémi 4:31

Naa, siaalenu lé maa wo ’ma, wa bélé néyaalomu lé siaalenu zo, Maa nyanéble siaalenu ’ma bélé blɛnzan lé né yaale lé nyanéblele zo. Siɔn munu lé ke bakinima flinna, ’té woo bɛnu soian, wo dére lé. Wo léé: Maa a we tɔntɔn bɔmazan nya. Maa a gana migyɛzannu lee.

Jérémi 48:41

Wo Kérijɔt si, wa yɔɔna plɛplɛnu si, yé ’bɛ yi nya Moab nyanazannu bli é dan kɛlɛ lɛ bélé né yaa le bli zo.

Jérémi 49:22

Bé ye, é dan go lɛ bélé gola lé éé sié, a zo. É dan é bɛanu soi lɛ Bozra ta, yé ’bɛ yi nya Édom nyanazannu bli é dan kɛlɛ lɛ bélé né yaa le bli zo.

Jérémi 49:24

Damas fuu si é ta, é nɔla fwile we ma, di kini a gi. Nyanéblele valé kleblele bɔ a ma bélé né yaa le zo.

Jérémi 50:43

Babilɔn nwiinzan blɛn we ’ko ’ma tɔɔn, A bɛwɔlɛ gi nyaa a ma; Nyané blɛn blele a kun Bélé né yaa le lé nyanéblele zo.

Jérémi 6:24

Wo vun gi wele éé ko bɛnu gaan ko ma; nyanéblele blɛn ko kun bélé né yaa le lé nyanéblele zo.

Daniɛl 5:6

Minwiinzan blɛn kɔlɛ fuola yé é gibɔrɔ pa a ma. A sowɔlɛ so é ke ’léé, yé a powuonu vo tɔɔtɔɔ.

OZÉ (Osée) 13:13

Nyanéblele é dan bɔ lɛ a ma, bélé né yaa le lé nyanéblele zo. É a né lé é ’ka we dɔɔa lo, a nya; a yaabléyi bɔ, yé é ’ka a nyi sié léé, ’é bu ’é yaa lo.

Joɛl 2:6

Bɛngɔnɔnu ma éé nyɔɔn‐an wo ’lɛ, Munu faa yara éé fuolaan.

Naum 2:10

’Ka ’wii gɔɔlifu ta. ’Ka ’wii kyan ta. Fɛwezannu lé wo ’ka nyaan lo, wo ana. Fuafɛnu lé wo ke fɛwezannu gɔnɔ faa nya, wo ana.

1 Tɛsalɔnik munu 5:3

Dé munu a fena léé, ’wa drɔɔ, we do ’ka ’wo ma lo, kele tɔɔn yé mi?-?gyɛwe é bɔra wo ma fiaa, bélé fɛan zo lé nyanéblele tɔntɔn éé bɔraan bɔnzan ma fiaa a zo, yé wo ’ka bɔa sole lɛ a gi lo.