Jérémi 30:3 - Kazambale lé Sebe Sauunu 1979

³ Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 30:3 ပူးပေါင်းရင်းမြစ်များ

Ezidras 3:1

A moné sɔrafié bɔ ’té Izraɛlnu a wolé flanu la. Yé munu faa zén ékeva do Jérusalɛm.

Ezidras 3:12

Naa, Balebanmunu kiɛre koo, Lévinu koo, kɔnnwiinzannu kwanu koo, ’té ’bɛnu kɔn vininzan ye bɛ, bléyian va lé wa kɔn dɛrɛ ’ko gane vɔna wo yuɛ va, wo wuvɔ é baba. A lɛ do é ginanale gɔɔn siaale nya,

Ezidras 3:8

Wo bɔ Bale lé kɔn dɔna na Jérusalɛm, ’bɛ zuo lɛɛ fiézan lé moné fiézan nya, Séaltiɛl be Zorobabɛl koo, Josadak be Jozué koo, wo valé ’wo bwenu pɔnénu lé wo vo, ’té wa Balebanmunu valé Lévinu nya, wo koo, munu faa lé wo si luu gi yé wo da wo pa gi Jérusalɛm koo, wo nyanamapale péli sia. Yé Lévinu lé wo lɛɛ ke yɔ do yé wo lé wozé gié ’bɛ ta, wo wo dɔ Bale lé kɔn dɔ nyanama zilɛzannu nya, léé, ’wo nyanama tagini.

Lɛrɛvɔ Sɛbɛ 126:4

Gakelebale, kolé munu lé ke luu gi, ’i da wo nya é ziin, Bélé doonénu lé woo soo lɛɛdabléyi va yirinwana bɛyilazia, wo zo.

Lɛrɛvɔ Sɛbɛ 53:6

Yé di blɛn é dan kini lɛ wo gi, Dɔlé ’té we do ’ka kɛlɛ lɛ lo; Munu lé woo nwaan i ma, Bale é dan wo wɔlɛnu kini lɛ ékema; Wo gi é dan blin lɛ wo ma, naa, Bale sɔn vɔ wo ma.

Jérémi 16:15

Naa, wo dan a fe lɛ léé: Gakelebale lé é Izraɛl munu si yirinwana bɛbolazia tɛrɛ la, yee valé tɛrɛnu faa lé é wo sɔɔla ana, ’bɛ a é yuɛma. Yé maa dan go lɛ wo nya wolé tɛrɛ la é ziin, tɛrɛ lé maa a nɔ wo tranu lɛ, a ta.

Jérémi 23:5

Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.

Jérémi 27:11

Naa, bɛn lé é kɛlɛ Babilɔn nwiinzan blɛn lé luu nya yé é a plale é nwiin nyi si, maa dan ’bɛzan vo lɛ alé tɛrɛ la, féi pale valé nyanale ana we ma. Maa Gakelebale ɛ ke a fena.

Jérémi 27:22

Wo dan go lɛ wo nya Babilɔn, yé wo dan vo lɛ ’bɛna fɔɔ yé yian nya lé an dan go lɛ wo si lɛ yé maa da wo nya é ziin fɛkona, yé ’bɛ yi é bɔ. Maa Gakelebale ɛ ke a fena.

Jérémi 29:10

Naa, we lé Gakelebale a fe, yee lé ke ’kɔ: Dé Babilɔn plale ka nwiin lɛɛ yɔ yaa wɔlɛ vu lɛ sɔɔ tɔɔn, ka sele é dan dɔ lɛ an gi, yé dére zima lé maa a fe kazé nya bɛ, maa dan a lɛ sɔɔ lɛ yé an da ka nya é ziin fɛkona.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 30:18

Gakelebale léma: Ka ye, Jakɔb lé munu lé wo ke luu gi, maa dan da lɛ wo nya é ziin, An nyanai éé zén‐é wo nyanana ta; Wo dan wolé fla pa lɛ é ’bin la, Wo dan minwiinzan blɛn lé fuakɔn dɔ lɛ bélé é vinin zé zo.

Jérémi 30:4

Dérenu lé Gakelebale a fe Izraɛl valé Juda munu ma, yee lé ke ’ko:

Jérémi 31:16

Gakelebale léma: ’Ilé wuvɔle sɔ, ’I yuɛyi si; Naa, Gakelebale léé, wo dan i kɛlɛwenu ma banwo lɛ; Munu é dan si lɛ wo nyanézannu lé tɛrɛ la yé ’wo da.

Jérémi 31:23

Lai sunyanu lé Gakelebale, Izraɛl lé Bale léma: Dé an da luugi‐munu nya wo pa gi, we lé munu é dan a fe lɛ Juda tɛrɛ valé é ta flanu ta, yee lé ke ’ko: Wetegele nyanana, gɔ sauun, Gakelebale i drɔɔ vo ma.

Jérémi 31:27

Gakelebale léma: Ka ye, a yi é dan bɔ lɛ, yé maa dan Izraɛl munu valé Juda munu fan lɛ; maa dan munu valé winu fan lɛ.

Jérémi 31:31

Gakelebale léma: Ka ye, a yi é dan bɔ lɛ, yé maa dan gipawe dɛrɛ do kɛlɛ lɛ Izraɛl valé Juda munu va.

Jérémi 31:38

Gakelebale léé: Ka ye, a yinu é dan bɔ lɛ yé wo dan fla ’ko pa lɛ é ziin Gakelebale tɔ bɔle we ma, é sia Ananéɛl lé dɔtafɛ ma fɔɔ yé é bɔ flagɔrɔ sun ’léé ma.

Jérémi 32:37

yee flamunu lé maa wo mawe fe i lɛ léé, maa wo bin yé wo go tɛrɛ faa‐an ta bɛ, an bli flile koo, an wɛwɛ koo, an bli nwale koo, wolé we ma bɛ, maa dan wo si lɛ ana yé maa wo zén ékeva yé an da wo nya wolé tɛrɛ la é ziin yé wo dan nyana lɛ ana duaa.

Jérémi 32:44

Wo dan féinu lɔ lɛ gɔɔli nya, wo dan woo féilɔsɛbɛnu gyɛ lɛ, wo dan tɔmasenu dɔra lɛ wo ta tanpɔn nya; wo dan anayemunu dɔ lɛ, Bɛnjamɛn tɛrɛ valé Jérusalɛm zi flanu koo, Juda tɛrɛ la flanu koo, gɔ ma flanu koo, fɛna pɛblɛɛ flanu koo, yirinwana bɛyilazia flanu koo, wona. Naa, maa dan da lɛ woo luugimunu nya wo pa gi. Maa Gakelebale ɛ ke a fena.

Jérémi 33:26

’té an dan sɔn vɔ lɛ Jakɔb valé an wuozan David kulunu ma, yé munu lé wo dan pla lɛ Abraam koo, Izak koo, Jakɔb koo, wo kulunu nwiin, maa ’ka dan wo si lɛ David kulunu va lo. Naa, maa dan da lɛ wolé luugimunu nya wo pa gi, yé an nyanai é dan zén lɛ wo ta, azama.

Jérémi 51:60

We tɔntɔnnu faa lé wo dan bɔ lɛ Babilɔn ma, é valé Babilɔn ma dérenu faa lé ke é gyɛle, Jérémi wo gyɛ sɛbɛ do ta.

Ézékiɛl 20:42

Tɛrɛ lé maa anbo ’nyɔɔn léé, maa dan a nɔ lɛ ka tranu lɛ, Izraɛl tɛrɛ, dé maa go ka nya yee tɛrɛ ’ko ta, ka dan a gi dɔɔ lɛ léé, maa ɛ ke Gakelebale nya.

Ézékiɛl 34:13

Maa dan wo si lɛ bɛnnu méléna, maa dan wo si lɛ tɛrɛ do do ta yé maa dan go lɛ wo nya wobo lé tɛrɛ la; maa dan wo pa lɛ Izraɛl tɛrɛla gɔnu nwiin, ’bɛ valé ’yiyoronu sɔnɔ, fɛ faa lé munu ke é nyanale ana, wona.

Ézékiɛl 36:24

Maa dan ka si lɛ bɛnnu va é ziin. Maa dan ka si lɛ tɛrɛ faanu ta, yé maa dan go lɛ ka nya kalé tɛrɛ la.

Ézékiɛl 47:14

Ka faa do do zé é dan kɛlɛ lɛ, naa, maa anbo ’nyɔɔn an bɛ nwale nya léé, maa dan a nɔ lɛ ka tranu lɛ. Amalé wo dan yee tɛrɛ ’ko guli lɛ ka ma.

Joɛl 3:1

Naa, ka ye, ’bɛ yinu la, ’bɛ bléyi va, Juda munu valé Jérusalɛm munu lé wo go wo nya luu gi, dé an da wo nya wo pa gi,

Sofoni 2:7

Wɛyi gɔ ’konu é dan kɛlɛ lɛ Juda munu pɔnénu zé nya; ana lé wo dan wolé trubɛnu pa lɛ. Wo dan flin lɛ nyanadi Azkalɔn munu lé kɔnnu gi. Naa, Gakelebale, wolé Bale gi ’ka dan san lɛ wo ma lo. É dan wo si lɛ luu gi yé é da wo nya é ziin.

Sofoni 3:20

’Bɛ bléyi va, maa dan da lɛ ka nya ka pa gi; ’Bɛ bléyi va, maa dan ka zén lɛ ékeva; Naa, kalé munu lé wo ke luu gi, dé an da wo nya wo pa gi ka yuɛ va, Maa dan ka kɛlɛ lɛ tɔbɔfɛ valé ginanamafɛ nya, Tɛrɛla migɔnɔnu faa méléna. A zo lé Mizan Gakelebale a fe.

WENÉNÉ LÉ LUK A GYE (Évangile selon Luc) 17:22

É lé é zuomunu lɛ léé: A bléyi é dan bɔ lɛ, yé é dan sɔ lɛ ka lɛ léé, ka maa blami Be lé yinu va yi do ye, yé ka ’ka dan a ye lɛ lo.

WENÉNÉ LÉ LUK A GYE (Évangile selon Luc) 19:43

A yi é dan bɔ lɛ, yé i nyanézannu é dan guru bo lɛ i zi, yé wo dan i zi lɛ sɔɔ lɛ yé wo dan i tunu lɛ bɛ faa ma.

WENÉNÉ LÉ LUK A GYE (Évangile selon Luc) 21:6

A yi é dan bɔ lɛ yé kɔnnu lé ka wo yé, wolé gɔlɛ lé é dan vo lɛ é ke ta, ’té wo ’ka dan ’bɛ zana lɛ lo, ’bɛ gɔlɛ ’ka lo.

Bélidɔwesɛbɛ Fiézan 30:3

Gakelebale, kalé Bale nyanai é dan zén lɛ ka ta, yé é dan ka si lɛ luu gi é ziin, yé é dan ka si lɛ munu faa lé é ka sɔɔla wo worona, wo va, yé é ka zén ékeva é ziin.

Bélidɔwesɛbɛ Fiézan 30:5

Gakelebale, kalé Bale é dan da lɛ ka nya tɛrɛ lé é ke ka tranu zé nya, a ta, yé é dan kɛlɛ lɛ kazé nya; é dan wezin kɛlɛ lɛ ka lɛ, yé é dan ka fan lɛ é mini ka tranu ta.

Ébrunu 8:8

Naa, Mizambale léé: Izraɛl munu lé we ’ka tegele lo, yé é léé: Mizambale léma: Ka ye, yi do é dan bɔ lɛ, Yé maa dan gipawe dɛrɛ kɛlɛ lɛ Izraɛl valé Juda munu va,