Jérémi 30:19 - Kazambale lé Sebe Sauunu 1979

¹⁹ Bale bɔvɔle é dan kɛlɛ lɛ wo méléna, ’Té woo siaan ginanale nya; Maa dan wo fan lɛ, yé wo ke ’ka dan so lɛ a ’léé lo; Maa dan wo tɔ bɔ lɛ; wo ’ka dan serele bo lɛ wo ma lo.

Jérémi 30:19 ပူးပေါင်းရင်းမြစ်များ

Ezidras 6:22

Yi sɔrafié wuo, buru lé lévɛn ’ka a va lo, walé fɛti kɛlɛ yé wo gi nana. Naa, Gakelebale wo fan ginanale nya é baba; é Asirinu nwiinzan blɛn kɛlɛ wo ma é zima, yé é bɔ wo va Izraɛlnu lé Bale lé kɔn dɔ nyanama nya.

Néémi 8:12

Yé munu faa go fɛblele valé fɛminile we ma, ’té woo fɛ paan zia é baba, yé wo gi nana. Naa, dérenu lé wo wo gi fe wo lɛ, wo wo ’ma, azama.

Néémi 8:17

Munu faa lé wo si luu gi yé wo zén ékeva, wo ’wolé faanu dɔ yé wo yii a wuo. É sia Nɛn be Jozué bléyi va fɔɔ yee yi ’ko nya lé Izraɛlnu ’bɛ zoɛ bɛ kɛlɛ. Yé wo gi nana é baba.

Lɛrɛvɔ Sɛbɛ 53:6

Yé di blɛn é dan kini lɛ wo gi, Dɔlé ’té we do ’ka kɛlɛ lɛ lo; Munu lé woo nwaan i ma, Bale é dan wo wɔlɛnu kini lɛ ékema; Wo gi é dan blin lɛ wo ma, naa, Bale sɔn vɔ wo ma.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 26:15

Gakelebaleoo Gakelebale, ’i munu kɛlɛ kiɛre; ’I munu kɛlɛ kiɛre, ’i tɔbɔle nagɔɔn, ’I tɛrɛ glɛ faa buru so é zuo.

Ézai 27:6

Bléyi do é dan bɔ lɛ yé Jakɔb suni é dan wɔra lɛ, Izraɛl punla é dan fɔn lɛ é ta yé a vwi é dan bi lɛ, yé a poro é dan tɛrɛ la ble lɛ.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Ézai 51:11

Munu lé Gakelebale wo tabo, wo dan da lɛ wo pa gi, Wo dan go lɛ Siɔn guliwuovolɛ lɛrɛ vɔle nya, Ginanale lé é ’ka nyaan lo, é dan kɛlɛ lɛ wo ’wuo ma bélé tɔkoro zo; Ginanale valé vole drɔɔ é dan kɛlɛ lɛ ana, Nyanéblele valé dunnule é dan si lɛ ana.

Ézai 51:3

’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézai 52:9

Jérusalɛm ’bin, ’ka fɔn ékeva ginana siaale nya, Naa, Gakelebale élé munu tɔrɔ paan Yé é Jérusalɛm tabo, azama.

Ézai 55:5

Bé ye, bɛnnu lé i ’ka wo dɔɔa lo, i dan wo laa lɛ, Yé bɛnnu lé wo ’ka i dɔɔa lo, wo dan go lɛ vlan nya i va, Gakelebale, ilé Bale lé we ma, Izraɛl lé Mi Sauun lé éé i tɔ kɛla blɛn, ’bɛ lé we ma.

Ézai 60:19

Yiri ’ka dan bi lɛ i ta é yiéyi é dɛrɛ lo; Moné ’ka dan i va kini lɛ é dɛrɛ lo. Naa, Gakelebale é dan kɛlɛ lɛ ilé san nya yifaama, Ilé Bale é dan kɛlɛ lɛ i tɔbɔmazan nya.

Ézai 60:22

Mi do é dan kɛlɛ lɛ mi wuru soru nya, Yé bɛn tɔɔtɔɔ é dan kɛlɛ lɛ bɛn plɛplɛ nya. Maa, Gakelebale, maa dan we ’ko kɛlɛ lɛ é kele wozé bléyi va.

Ézai 60:9

Naa, wɛyiworona tɛrɛ la munu lé wo bli ke an lɛ, wonu lé; Taasis lé ’yitagoronu a zi ’lɛ, ’Té wo si ilé nénu nya baa, Wo valé wolé gɔɔlifu valé wolé kyan nya, Gakelebale, ilé Bale tɔ lé we ma, Izraɛl lé Mi Sauun lé é i tɔ kɛla blɛn, alé we ma.

Jérémi 17:26

Munu é dan si lɛ Juda tɛrɛ la flanu koo, Jérusalɛm zi flanu koo, wona; wo dan si lɛ Bɛnjamɛn tɛrɛ koo, gɔ worona koo, gɔ nwiin koo, yirinwana bɛyilazia koo, wona, ’té winu lé wa kyɛ blé koo, sarakanu koo, blɛnu koo, lasikɔrɔpo lé wa kyɛ blé koo, wo dan da lɛ wo nya Bale bɔvɔ sarakanu bole we gi Gakelebale lé kɔn gi.

Jérémi 3:16

Gakelebale léma: Dé ka fan yé ka kɛlɛ di tɛrɛ ’ko la, ’bɛ yinu la, wo ’ka dan Gakelebale lé gipawe pagikɛsu lé we fe lɛ é dɛrɛ lo; a we ’ka dan dɔ lɛ mi ’wuo gi é dɛrɛ lo; a sele ’ka dan dɔ lɛ mi gi é ziin lo, yé a sile ana ’ka dan dɔ lɛ mi gi é dɛrɛ lo, yé wo ’ka dan a bɛ kɛlɛ lɛ é dɛrɛ lo.

Jérémi 31:27

Gakelebale léma: Ka ye, a yi é dan bɔ lɛ, yé maa dan Izraɛl munu valé Juda munu fan lɛ; maa dan munu valé winu fan lɛ.

Jérémi 31:4

Izraɛl, blɛnzan, maa dan i dɔ lɛ gligli é ziin, yé i dan dɔ lɛ kil. Ilé flinnu é dan kɛlɛ lɛ i ’lɛrɛfɛ nya é ziin, yé munu lé wo ke nɛnɛ bona ginanale nya, i dan pa lɛ wo va.

Jérémi 33:22

Fɛan zo lé wo ’ka bɔa lagi monénénu nɔnɔle lɛ lo yé wo ’ka bɔa wɛyi gɔɔn ma nyéné nɔnɔle lɛ lo, a zo duo lé an wuozan David valé Lévinu lé woo an va nyanama paan, maa dan wo kulunu gi gyɛ lɛ.

Ézékiɛl 36:37

Mizan Gakelebale léma: Bé ye, we ’ko ta é ziin, maa zi nɔ Izraɛl munu lɛ léé, wo we ’konu laa an lee. Wean maa dan kɛlɛ lɛ wo lɛ, yee lé ke ’ko: Maa dan wo fan lɛ bélé trubɛ zo.

Ézékiɛl 37:10

Yé maa balelawe fe, dére lé é a fe an lɛ, a yɛrama. Yé léli wɔra wo gi, yé wo kɛlɛ é yuɛma é ziin, yé wo dɔ wo ganenu ta. ’Té wa sunya palu blɛn nya, wa kiɛre kiɛre.

Ézékiɛl 37:26

Maa dan an gi pa lɛ wo va do, wo vole drɔɔ we ma, yé gipawe lé éé voo ana lɛɛfaama, maa dan a kɛlɛ lɛ wo va. Maa dan wo suni wɔra lɛ, yé maa dan wo fan lɛ, yé maa dan anlé fɛna sauun dɔ lɛ wo méléna lɛɛ faa zé nya.

Zakari 10:8

Maa wo tabo, amalé maa dan ’furu fɛn lɛ wo lɛ yé maa wo zén ékeva, Yé wo dan fan lɛ bélé é vinin zo.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Zakari 2:4

É lé ’bɛ lɛ léé: ’I vlan buru, bé fe pɛniɛ ’ko lɛ léé: Mi gu kiɛre valé winu kiɛre lé wo ke Jérusalɛm bɛ, wolé we ma lé Jérusalɛm lɛ é dan vo lɛ é sole;

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

WENÉNÉ LE JAN A GYE (Évangile selon Jean) 17:22

Fua tɔbɔle lé bé nɔ an lɛ, maa a nɔ wo lɛ, wo kɛlɛle mi do nya we ma, bélé fɛan zo lé maa valé bii ke mi do nya, a zo,

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.