Jérémi 30:17 - Kazambale lé Sebe Sauunu 1979

¹⁷ Naa, maa dan i béli lɛ, maa dan i manɔnnu paa lɛ, Maa Gakelebale ɛ ke a fena. Naa, Siɔn ’ko, wa laama sɔnvɔma?-?zan, Siɔn ’ko lé, mi do kpen ’ka a mawe kɛla lo, yee lé.

Jérémi 30:17 ပူးပေါင်းရင်းမြစ်များ

JOB (Job) 5:18

Éé manɔn vɔa mi ma, yé yee ɛ sɔ vuruan a ta; Éé mi tuoan, yé éé a nyaan é bɛ nya.

Lɛrɛvɔ Sɛbɛ 103:3

Yee ɛ i ma we voo ilé weplenu faa ma, Yee ɛ i bélié ilé gyɛnu faa gi,

Lɛrɛvɔ Sɛbɛ 107:20

Bale é dére pa wo lɛ zia yé é wo béli. Yé é wo si ga lee.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 142:4

Dé an léli fuu a é sile é ta, Bii ɛ anlé zi dɔɔ. Zi lé an tawoo a ta, Wo san vɔ a ’léé.

Lɛrɛvɔ Sɛbɛ 23:3

Éé an fuu dɔa an ta, Éé goo an nya wetegele zinu ta, A tɔ lé we ma.

Fwile 15:26

É léé: Dé i Gakelebale, ilé Bale dére ban i tɔné nya é zima, we lé ke tegele a yuɛ gi, dé bé kɛlɛ, dé i tɔné dɔ alé bélidɔwenu lɛ, dé i tawo a sɔnné faa yɛrama, gyɛnu lé maa Éjipiti munu gyɛ wo nya, maa ’ka dan i gyɛ lɛ a do kpen nya lo; maa a Gakelebale lé éé i bélié, a nya, azama.

Ézai 11:12

É dan drapo nwa lɛ bɛnnu zé nya; Izraɛl munu lé wo ke lulazannu nya, é dan wo zén lɛ ékeva, yé Juda munu lé wo ke é sɔɔlale, é dan wo si lɛ tɛrɛ glɛ ziɛn sina yé é wo faa zén ékeva.

Ézai 30:26

Gakelebale lé munu lé é wo tuo bɛ, dé é sɔ vuru wo tuona ta, dé é wo tuonanu nyaa, ’té moné bile é dan kɛlɛ lɛ bélé yiri bile zo, yé yiri bile taa é dan pa lɛ fɔɔ gɔnɔ sɔrafié; yi do yiri bile é dan kɛlɛ lɛ bélé yi sɔrafié zé zo.

Ézai 33:24

Ana nyanazan do kpen ’ka dan a fe lɛ léé, gyɛ a ’é ma, lo. Bale é dan Jérusalɛm munu ma we vo lɛ wolé weplenu ma.

Ézai 54:6

Naa, Gakelebale i laa bélé le lé wa vo, ’té a bli kyɛ dɔ, a zo, Bélé le lé é boronéla bo si, yé a zana sɔn vɔ a ma, a zo. Yee lé ilé Bale a fe.

Ézai 56:8

Mizan Gakelebale lé, éé Izraɛl lé lulazannu zén‐é ékeva, é léma: Munu lé wo zén Izraɛl va é kyɛn kwakwa, maa dan mi bɛnu zén lɛ wo va.

Ézai 57:18

Maa a kɛlɛwenu ye, yé maa dan a béli lɛ. Maa dan zi gɔɔn lɛ a lɛ; maa dan a tɔrɔ paa lɛ, yee valé munu lé woo wuvɔa wo nya, wo nya.

Ézai 57:19

Maa dan an tɔ zin fele pa lɛ a ’léé. Mi lé ke baa valé mi lé ke é pu, ’wo vo drɔɔoo, ’wo vo drɔɔ; maa dan wo béli lɛ. A zo lé Gakelebale a fe.

Ézai 58:8

Dé bé kɛlɛ, i san é dan bɔra lɛ bélé tukinile zo, yé i dan béli lɛ é kele. Ilé wetegele é dan tawo lɛ i ’lɛ, yé i dan tawo lɛ Gakelebale lé fuasan nya.

Ézai 60:15

Fɛana lé wo i za pa yé wo i vo, ’Té mi do ’ka bɔrɔwona i ta lo, ’Bɛna lé maa dan i kɛlɛ lɛ bélé mi’lɛrɛkyan zo lɛɛfaama; Ma dan i kɛlɛ lɛ mi ginanama fla nya mi kulu faa zé nya.

Jérémi 10:20

Wo anlé sɔkɔn sɛrɛ, Wo an ma balenu kini, An benu si an va yé wo ’ka ana é dɛrɛ lo; Mi bɛ ’ka an lɛ yé ’bɛ é anlé sɔkɔn dɔ é ziin lo.

Jérémi 17:14

Gakelebale, ’i an béli, yé an dan béli lɛ. ’I an si we gi, yé an dan si lɛ we gi, naa, an bii ɛ tɔ bɔa.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 30:13

Mi do ’ka dɔa i zuo i manɔn paale we ma lo, A lia ’ka lo, a nyaafɛ ’ka lo.

Jérémi 33:24

We lé munu ’ko ke a fena, i ’ka a gi dɔɔa loo? Wo léé: Migɔnɔ fié lé Gakelebale wo si a va, é sɔn vɔ wo ma. ’Bɛ zo lé wo ke serele bona anlé munu ma, fɔɔ ’té wo ’ka wo yé é dɛrɛ bɛngɔnɔ do nya lo.

Jérémi 33:6

Ka ye, maa dan wo manɔn paa lɛ, maa dan wo fuu dɔ lɛ wo ta, yé maa dan wo béli lɛ, yé maa dan vole drɔɔ valé yara pale we la ’wuo nɔ lɛ wo lɛ.

Jérémi 8:22

Bomélia ’ka Galaad tɛrɛ la loo? Dɔtrɔ gyétrɛn ’ka ana loo? Mɛmalé anlé munu ’ka bélina loo?

Jérémi Lé Wuvɔ Sɛbɛ 2:15

Giézannu faa woo bɛ gya i ta, Woo ’furu fɛɛn, woo ’wuo nyɔɔn‐an Jérusalɛm munu ma, Yé wo léé: Fla lé wo léé, é a é nɔnɔmi é baba, É a tɛrɛlamunu faa lé ginanamafla nya, yee lé é ke ’koo?

Ézékiɛl 34:16

Yee lé é ke é sanle, maa dan a gini lɛ; yee lé é saan, maa dan da lɛ a nya é pa gi; yee lé é tuo, maa dan a tuonanu paa lɛ; yee lé gyɛ ke a ma, maa dan plɛplɛ nɔ lɛ a lɛ. Naa, wo lé wo ke é buale, ’té wa plɛplɛ, maa dan wo gyɛ lɛ. É sɔ an lɛ léé, maa wo pa we tegele yɛrama.

Ézékiɛl 35:12

Ilé sɔnɔdérenu faa lé bé fe Izraɛl gɔnu ma, i dan a gi dɔɔ lɛ léé, maa Gakelebale, maa wo ’ma. I léé, wa é sɛrɛle; wa ’wo lee bélé wi lé wa gyɛ, a zo.

Ézékiɛl 36:20

Bɛntɛrɛnu lé wo go wona, wo an tɔ sauun sɛrɛ ’bɛna, ’té ana munu a fé wo ma léé: Gakelebale lé munu lé; alé tɛrɛ la lé wo si.

OZÉ (Osée) 11:3

Maa ɛ kun Éfraim bɛ ma, ’Té maa tawole paan a gi, Yé wo ’ka a ye lɛ léé, maa ɛ ’wo bélié lo.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

Wegɔɔnle 22:2

Éé yoroan fla vuun méléna. Mibéliyili a é dɔle yee yuu gɔ fié la; éé poro yuɛɛ do do baan gɔnɔ vu ta fié, moné ma moné ma, yé a laanu a bɛnnu bélifɛ nya.