Jérémi 30:16 - Kazambale lé Sebe Sauunu 1979

¹⁶ Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

Jérémi 30:16 ပူးပေါင်းရင်းမြစ်များ

Lɛrɛvɔ Sɛbɛ 129:5

Munu faa lé Siɔn za ke wo gi, Yara ’é wo gyɛ yé ’wo gyɛ ’wo zuo.

Fwile 23:22

Naa, dé i tɔné dɔ a dére lɛ, yé we lé maa fe i lɛ, dé bé faa kɛlɛ, maa dan kɛlɛ lɛ i nyanézannu é nyanézan nya, maa dan kɛlɛ lɛ i mazannu é mazan nya.

Wegɔnévɔlenu 22:23

naa, Gakelebale é dan dɔ lɛ wo zuo, yé munu lé wo wolé fɛnu si é dan wolé tɛrɛla si lɛ wo lee.

Ézai 14:2

Bɛn bɛ gi munu é dan Izraɛl si lɛ yé wo go wo nya Izraɛl lé tɛrɛ la, yé munu lé ’bɛnu da wo nya bɛ, ’bɛnu é dan kɛlɛ lɛ Izraɛlnu leegɔnénu valé wo leelomu nya, Gakelebale lé tɛrɛ la. Munu lé wo kɛlɛ ’bɛnu lé luu nya, ’bɛnu é dan kɛlɛ lɛ woé luu nya, yé wo dan pla lɛ yaawotazannu nwiin.

Ézai 33:1

Bii lé i ’wiié fɛ ta yé wo ’ka ’wii lɛ izé ta lo, bii lé i fɛ sian gla nya yé wo ’ka izé sia lɛ gla nya lo, we tɔntɔn ’é kɛlɛ i lɛ ma. Dé i nyaa ’wiile fɛ ta nya, wo dan ’wii lɛ i ta; dé i fɛ sile gla nya lɛ sɔɔ, wo dan ilé fɛ sia lɛ gla nya.

Ézai 54:15

Dé munu i ma vɔɔ, ’bɛ ’ka sié maa va lo; Dé miomian péli vɔ i ma, i dan a ye lɛ é diale i wuo.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Jérémi 10:25

’I wɛwɛ dɔ bɛnnu lé wo ’ka i dɔɔa lo, wo ma, Yé munu lé wo ’ka i tɔ laan lo, ’i wɛwɛ dɔ wo ma. Naa, wa Jakɔb kulu gana, kulu ganaoo, wa kulu gana! Wa a nyanana sɛrɛna.

Jérémi 12:14

An zi bɛn nyanénu lé woo nwaan tɔnɔfɛ lé Bale a nɔ élé munu Izraɛl lɛ, a ma bɛ, Gakelebale wo ma we fe yé é léma: Ka ye, maa dan wo si lɛ wolé tɛrɛ la, yé maa dan Juda munu si lɛ wo méléna.

Jérémi 2:3

Izraɛl a é pale é yɛrama Gakelebale zé nya Bélé féifɛ vinin zo; Munu faa lé wa blé, we a wo nwiin Yé wenaané bɔ wo ma; maa Gakelebale ɛ ke a fena.

Jérémi 25:12

Naa, lɛɛ yɔ yaa wɔlɛ vu ’konu nyaale zuo, maa dan we lɛdɔ lɛ Babilɔn nwiinzan blɛn valé bɛn ’ko gi, wolé weplenu lé we ma. Maa dan we lɛdɔ lɛ Kaldé tɛrɛ la munu gi, yé maa dan wo sɛrɛ lɛ lɛɛ faa zé nya. Maa Gakelebale ɛ ke a fena.

Jérémi 30:15

Mɛmalé i wuvɔa i tuole we maa? Mɛmalé i dunnuan a yaale lé we maa? Ilé weple di valé Ilé wenyané kiɛre Lé we ma lé maa a kɛlɛ léé, i kle ble ’ko zo.

Jérémi 50:28

’Ka tɔné dɔ Babilɔn lé vɔfligimunu lé siaalenu lɛ, yé ’ka go Gakelebale kalé Bale lé we lɛgi pale zana dɔɔ Siɔn, yé ’ka a bangikɔn lɛgi pale zana dɔɔ ana.

Jérémi 8:16

Wolé wisoonu a siaana Dan zia, yé tɛrɛ ma éé nyɔɔn‐an wo dére nya. Wa dana, yé tɛrɛ koo, é tafɛnu koo, fla koo, é tamunu koo, woo wo nyaan.

Jérémi Lé Wuvɔ Sɛbɛ 1:21

Wo anlé bamaflinle ’ma, yé mi do ’ka an tɔrɔ paa lɛ lo; An nyanézannu faa anlé we tɔntɔnnu ’ma; Wo gi nana léé, bé kɛlɛ é zima; Naa, yi lé bé zana dɔɔ, léé, wozé ’é kɛlɛ bélé anzé zo, a yi ’é bɔ ma.

Jérémi Lé Wuvɔ Sɛbɛ 1:22

’I wolé wenyanénu faa ye ma. We lé bé kɛlɛ an lɛ anlé wenyanénu faa lé we ma, ’I wozé kɛlɛ a zo ma, Naa, an bamaflin wo di, yé an nyané ble an bli gi.

Ézékiɛl 29:6

Yé Éjipiti munu faa é dan a gi dɔɔ lɛ léé, maa lé ke Gakelebale nya. Bii Éjipiti, i bɔ Izraɛl va bélé gyan lé;

Ézékiɛl 35:5

Mizan Gakelebale léma: Maa a é yuɛma. Naa, zapale lé é ’ka nyaan lo, é a i gi yé i Izraɛl munu zuo bin gwɔun nya, we tɔntɔn bɔ wo ma yian nya, ’bɛ yi nya, bléyian va lé wolé weple lɛ sɔɔ, ’bɛ bléyi va; amalé maa dan i bɔra lɛ, yé wo i nyɛ zana, yé nyɛ é dan yoro lɛ i zuo; naa, i ’ka sɔn vɔ lɛ nyɛ zanale ma lo, azamalé nyɛ é dan yoro lɛ i zuo.

Joɛl 3:8

Maa dan ka benu valé ka lunu dan lɛ Judanu lee, Yé wo dan wo dan lɛ Sabé munu lé wo ke tɛrɛ baa la munu nya, wo lee; Naa, Gakelebale ɛ fe.

Misé 4:11

Sin bɛn gɔnɔ kiɛre zén ékeva yé wo péli vɔ ka ma, yé wo léé: Wolé tɛrɛ sɔnné ’é sɛrɛ ma, yé ko Siɔn sɛrɛna ye ma.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Naum 1:8

Naa, é dan fla sɛrɛ lɛ wɛyi nwalenu lé Woo giéan ’wo glɛ la, wo nya. É dan é nyanézannu zuo bin lɛ fɔɔ yé wo bɔ gunutinu va.

Abaku 2:16

Yara lé i gyɛle é dan mini lɛ i tɔbɔle ta; bii é ziin, ’bé mini, yé ’ibo poro. ’Yiminikana lé é ke Gakelebale bɛyi lee bɛ, a minile é dan bɔ lɛ i ta, yé yaragyɛwe é dan ilé tɔbɔwe gi tiri dɔ lɛ.

Sofoni 2:8

Bléyian va lé Moab valé Amɔn munu anlé munu sɔnɔ, yé wo nwa wolé tɛrɛ glɛnu ma boblɛn nya, maa Moab munu lé sɔnɔdérenu ’ma, yé maa Amɔn munu lé wo ma we sɛrɛ dérenu ’ma.

Zakari 1:14

Lanje lé ko we fe an nya, é léma: ’I siaa, bé fe léé, lai sunyanu lé Gakelebale léma: Maa a Jérusalɛm valé Siɔn ta maawona blɛn boenwo,

Zakari 1:15

yé an bli flile nwa blɛn boblɛn bɛnnu ma; an bli a flina sɛ anlé munu ma, yé wozé kɛlɛ naané ’bɛ mini anzé ta.

Zakari 12:2

Maa dan Jérusalɛm kɛlɛ lɛ a zi migɔnɔnu lɛ bélé nwɛ lé é wo gyɛ, a zo, yé Juda zé é dan kɛlɛ lɛ tɔntɔn é ziin, Jérusalɛm mabɛn bléyi va.

Zakari 14:2

Maa dan bɛngɔnɔnu faa zén lɛ ékeva, yé wo guli dan Jérusalɛm va. Wo dan fla ’ko si lɛ, wo dan kɔnnu gi puo lɛ, yé wo dan zɔwɛ gyɛ lɛ ana lomu ta. Flamunu lɛ do é dan go lɛ luu gi, naa, wo ’ka dan a pɔnénu gyɛ lɛ lo.

Zakari 2:12

Juda é dan kɛlɛ lɛ Gakelebale zé nya tɛrɛ sauun ta, yé é dan Jérusalɛm si lɛ a va ézé nya é ziin.

Zakari 2:8

Lai sunyanu lé Gakelebale léma: Tɔbɔle é dan kɛlɛ lɛ ’bɛ zuo. É an pa zia bɛnnu lé wo kalé fɛnu sia gla nya, wo va, naa, mi lé é mane ka ma, é bɛ mane a yuɛzooné ma.

Bélidɔwesɛbɛ Fiézan 30:7

Gakelebale, kalé Bale é dan balepadérenu ’ko faa dia lɛ ka nyanézannu lé ka za ke wo gi, ’té woo nyané paan ka ta bɛ, wo ta.

Wegɔɔnle 13:10

Dé mian a go yara lé luu gi, ’bɛzan é dan go lɛ luu gi; dé mian a ga gwɔun ’léé yara lé, é a lé ’wo ’bɛzan gyɛ gwɔun nya. Fɛkona lé Kazambale lé munu ’wolé yara pale we la valé ’wolé blipale nagɔɔn‐an.

1 Samuɛl 17:53

Izraɛl lé nénu si Filisitinu zuo binna yé wo ’wii wolé sɔkɔnnu ta.