Jérémi 30:15 - Kazambale lé Sebe Sauunu 1979

¹⁵ Mɛmalé i wuvɔa i tuole we maa? Mɛmalé i dunnuan a yaale lé we maa? Ilé weple di valé Ilé wenyané kiɛre Lé we ma lé maa a kɛlɛ léé, i kle ble ’ko zo.

Jérémi 30:15 ပူးပေါင်းရင်းမြစ်များ

Ezidras 9:13

Wenu lé wo bɔ ko ma, ko kɛlɛwe naanénu valé ko saanle blɛnnu lé we ma, oo kolé Bale, i ’ka we lɛdɔ lɛ ko gi ko kɛlɛwe ple yɛrama lo, yé sin, i ko luugimunu ke vo é yuɛma.

JOB (Job) 34:29

Dé é flinle nɔ mi lɛ, de ɛ dan gi bɔrɔ pa lɛ ’bɛzan maa? Dé é yara yɔɔ, de ɛ bɔa a yele lɛɛ? Dé é a bɛn do nyaoo, dé é a mi do nyaoo, éé wo faa lé we kɛla tegele

JOB (Job) 34:6

É léé, ’ézé a néné, yé wo ’é ye viézan nya; ’É manɔn a yaana, dɔlé ’té wenyané ’ka ’é nwiin lo.

Lɛrɛvɔ Sɛbɛ 107:17

Tavozannu kɛlɛwe naanénu Valé wolé weplenu lé we ma lé wo kɛlɛ wenaanébɔmazannu nya.

Ézai 1:6

É sia wo gane buli fɔɔ yé é bɔ wo nwiin, wo zinna do kpen ’ka lo. Tuolenu koo, nyɛ dɔle wo kɔlɛnu gi valé manɔn kuru kwakwanu koo, wo saa ɛ ke wo ma; wo ’ka wo paan lo, wo ’ka sɔ vuruan wo ta lo, wo ’ka nyɔnɔ paan wo gi lo.

Ézai 5:2

É tɛrɛ ma nɔla, é gɔlɛnénu si a va yé é yiliné zima suru ana; É dɔtafɛ do kɛlɛ a méléna, Yé é dɔrɔyi borona do kɛlɛ é ziin ana. A bli a a lɛ léé, é dan dɔrɔporo zima baa lɛ, Naa, é dɔrɔporo naané ɛ baa.

Jérémi 11:13

Oo Juda munu, kalé flanu ’léé a kiɛre fɛan zo, a zo lé kalé balenu ’léé ke. Yé Jérusalɛm zinu ’léé a fɛan zo, a zo lé ka miyilinu bannanu kɛlɛ, yé ka lasikɔrɔ kyɛblenanu kɛlɛ Baal lɛ.

Jérémi 15:18

Mɛmalé an nyané blé bléyi faa maa? Mɛmalé an manɔn éé yaan yé é ’ka sɔ lɛ a lɛ léé, é nyaa loo? I dan kɛlɛ lɛ an lɛ bélé dabli ’yibɔna zoo? Bélé yuu lé é ’ka yoroan é dɛrɛ lo, a zoo?

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 30:12

Gakelebale léma: I tuo blɛn, I manɔn a tɔntɔn.

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi 30:16

Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

Jérémi 30:17

Naa, maa dan i béli lɛ, maa dan i manɔnnu paa lɛ, Maa Gakelebale ɛ ke a fena. Naa, Siɔn ’ko, wa laama sɔnvɔma?-?zan, Siɔn ’ko lé, mi do kpen ’ka a mawe kɛla lo, yee lé.

Jérémi 46:11

Éjipiti lu, blɛnzan, ’I go bomélia nagini Galaad tɛrɛ la; Ilé lia kiɛre ginile a we pla nya, ’Bɛ ’ka dan i béli lɛ lo.

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi Lé Wuvɔ Sɛbɛ 1:5

Munu lé woo yaan wo ta, ’bɛnu éé minié wo ta; wo nyanézannu vo drɔɔ; Naa, Gakelebale a zun, Wenyané kiɛre lé é a kɛlɛ bɛ, alé we ma; Alé nénu faa luutawo yaawotazannu ’lɛ.

Jérémi Lé Wuvɔ Sɛbɛ 2:13

An dan fe lɛ i lɛ nɔɔ? Jérusalɛm munu, maa ka daan mɛ fɛ maa? Jérusalɛm munu, Maa ka daan mɛ fɛ ma ka tɔrɔ paale we maa? Naa, ka manɔn a blɛn bélé wɛyi zo; de ɛ bɔa a nyaale lɛɛ?

Jérémi Lé Wuvɔ Sɛbɛ 3:39

Mɛmalé blaminu woo voo gun gyɛna wolé tɛrɛla gii? É a lé wo we pla ’wobo lɛ, wolé wenyané ma.

Jérémi Lé Wuvɔ Sɛbɛ 4:13

Alé balelayezannu lé wenyanénu ma ban lo, Alé Balebanzannu lé Wo mi tegelenu nyɛ zana A méléna, wolé weplenu ma ban lo.

Misé 1:9

Wo manɔn a tɔntɔn, ’bɛzama. Éé goo fɔɔ Juda tɛrɛ la; éé goo fɔɔ anlé munu lé flagɔrɔ ’léé, fɔɔ yé é bɔ Jérusalɛm.

Misé 7:9

Maa wenyané kɛlɛ Gakelebale ma, amalé maa dan an ’wuo dɔ lɛ alé bliflile wuo fɔɔ yé é dɔ an zuo, yé é anzé kɛlɛ néné. É dan go lɛ an nya fɛna fu na, yé maa dan alé we tegele nagini lɛ.

Naum 3:19

I tuona gi lia ’ka é dɛrɛ lo. I manɔn a i gyɛfɛ nya. Munu faa lé wo dan i tawe ma lɛ, wo dan wo bɛ gyɛ lɛ i ’wuo ma; naa, mian i ’ka wenyané kɛlɛ lɛ ’bɛzan lɛ lo ’naan, ’bɛzan a kyɛɛn?