Jérémi 30:14 - Kazambale lé Sebe Sauunu 1979

¹⁴ Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi 30:14 ပူးပေါင်းရင်းမြစ်များ

JOB (Job) 16:9

An nyanézan an wi kini ékema yé é an zuo bin élé bliflile zi, Éé suiɛ dɔraan é ke la an tɔ nya, Éé an naginian é yuɛ nyané nya.

JOB (Job) 19:11

É bli fli an ma, Yé é an kɛlɛ bélé é nyanézan do zo.

JOB (Job) 30:21

I gi kɛlɛ pɔnpɔn an ma, I guli dan an va i bɛ plɛplɛ nya.

Lɛrɛvɔ Sɛbɛ 107:17

Tavozannu kɛlɛwe naanénu Valé wolé weplenu lé we ma lé wo kɛlɛ wenaanébɔmazannu nya.

Ézai 57:13

Dé ka siaa, kalé miyili kiɛre wo dan ka si lɛ we gii? Fu é dan go lɛ wo faa nya, fu fɛɛle do é dan wo sia lɛ. Mian éé paan an ta, é dan tɛrɛ ye lɛ tɔnɔfɛ nya; anlé gɔ sauun é dan kɛlɛ lɛ azé nya.

Jérémi 14:17

Bé fe wo lɛ léma: É yiéyi valé é béli an yuɛyi a yorona, Yé é ’ka kinié lo; Naa, wenaané blɛn bɔ anlé munu ma, Manɔn yaale baba bɔra wo ma.

Jérémi 2:36

Mɛmalé ka a ta kelekele wona kalé zi nɔlale we maa? Éjipiti munu é dan ka gyɛ lɛ yara nya bélé fɛan zo lé Asiri munu ka gyɛ yara nya, a zo.

Jérémi 22:20

’I vɔ Liban gɔ nwiin. ’I siaa Bazan tɛrɛ ta. ’I siaa Abarim gɔ nwiin, Naa, munu faa lé i sɔ wo lɛ, wo wo guru ’wii.

Jérémi 22:22

Fu é dan ka tabinzannu faa zana lɛ a gi, Yé munu lé i sɔ wo lɛ, wo dan go lɛ luu gi; ’Bɛ bléyi nya yara é dan i gyɛ lɛ, yé yaragyɛwe é dan bɔ lɛ i ma, I kɛlɛwe naanénu faa lé we ma.

Jérémi 30:15

Mɛmalé i wuvɔa i tuole we maa? Mɛmalé i dunnuan a yaale lé we maa? Ilé weple di valé Ilé wenyané kiɛre Lé we ma lé maa a kɛlɛ léé, i kle ble ’ko zo.

Jérémi 32:29

Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.

Jérémi 32:30

Naa, é sia wo kiéné la bléyi va fɔɔ kyɔ, Izraɛl munu valé Juda munu an ’namawe saa ɛ kɛlɛ. Izraɛl munu an bli fli wo bɛ panyanama nya. Maa Gakelebale ɛ ke a fena.

Jérémi 32:34

Wo ’wolé bozofɛnu dɔa, kɔn lé wo an tɔ laan a ta bɛ, a gi, yé wo ana tiri dɔ.

Jérémi 32:35

Wo gɔ nwiin yobannanu dɔ Baal zé nya, Bɛn‐Inom gɔ worona, léé, wo ’wo benu valé wo lunu kɛlɛ Mɔlɔk banfɛ nya. Maa ’ka a fe lɛ wo lɛ léé, wo ’bɛ zoɛ we kɛlɛ lo; yé é ’ka boenwo dɔ lɛ an ’wuo gi léé, woo ’bɛ zo dunuzénmitawe kɛla yé wo Juda munu kɛla wenyanékɛlɛzannu nya lo.

Jérémi 38:22

Lomu faa lé wo vo Juda nwiinzan blɛn lé kɔn gi, wo dan go lɛ wo nya Babilɔn nwiinzan blɛn lé zilɛzannu va, yé yee lomu wo dan i tɔ vɔ lɛ lɛrɛ nya yé wo léé: Munu lé wo vole drɔɔ lé we fe i lɛ bɛ, wo dabli kɛlɛ i lɛ, wo pla i nwiin yé dé we bɔ i ma bléyian va, wo nwunzi dɔ i la.

Jérémi 4:30

Yé bii, fla sɛrɛle, i dan mɛ kɛlɛ lɛɛ? I dan sɔ sɔɔn zén lɛ i ta yé i kyanfɛnu vɔ i ma, I dan kale pa lɛ i yuɛ ma; Naa, dé ibo kɛlɛ é nɔnɔmioo, ’té ’bɛ a é pla; I bwɛnu serele bo i ma; É sɔ wo lɛ léé, ’wo i gyɛ.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 5:5

Maa dan go lɛ mi segelenu va, yé ’bɛnu lɛ lé maa dan we fe lɛ; Naa, ’bɛnu ɛ Gakelebale lé zi dɔɔ, Yé ’bɛnu ’wolé Bale lé bélidɔwe dɔɔ. Naa, wo é ziin, wo ’wo bɔrɔ ma luubale kini Yé wo si an wuo;

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Jérémi 50:42

Sa valé toané din a wo lee; Wa gi pɔnpɔnzannu nya; wo nyanai ’ka zén‐é lo. Wo dére gi éé wé bélé wɛyi zo; Wo vɔ wisoonu ta; Wo ma a é ’lɛrɛle gulidanle we ma bélé mi do kpen zo, Bii Babilɔn lé munu ma.

Jérémi 6:23

Wa dana sa valé toané din nya wo lee; wo gi a pɔnpɔn, wo nyanai ’ka zén‐é lo; wo dére éé wé bélé wɛyi gi gunule zo. Wa é vɔle wisoonu ta; wo ma a é ’lɛrɛle gulidanle we ma bélé mi do kpen zo ’kaa Siɔn munu ma.

Jérémi Lé Wuvɔ Sɛbɛ 1:19

Maa an béénu laa, yé wo dabli kɛlɛ an lɛ, Bléyian va lé anlé Balebanzannu valé anlé mi segelenu a fɛblele naginina, Léé, wo fuu ’é kɛlɛ ’wo ta é ziin, Wo ga fla blɛn ta.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Jérémi Lé Wuvɔ Sɛbɛ 2:1

Yé mɛ kɛlɛɛ? Gakelebale bli fli yé é lati bua Siɔn munu ta, É Izraɛl lé fua tɔbɔle si la gi yé é a zun tɛrɛ la, A bli fli yian nya, A gane dɔrana sele ’ka dɔ lɛ a gi lo.

Ézékiɛl 23:22

Ooliba, ’bɛ we ma Mizan Gakelebale léma: Bé ye, maa i bwɛnu nwa i ma; munu lé i bli si wo lɛ, maa dan wo si lɛ fɛ faa do do na, yé maa wo zén ékeva i ma.

Ézékiɛl 23:9

’Bɛ lé we ma lé maa a bɛ pa é bwɛnu lee; Asirinu lé wo lɔrɔ a gyɛ bɛ, maa a pa wo lee.

Daniɛl 9:11

Izraɛlnu faa ilé bélidɔwe sɛrɛ yé wo ’ka i dére ’ma lɛ lo. Amalé balepalenu valé bale ’nyɔɔnlenu lé wo ke é gyɛle Bale wuozan Moizi lé bélidɔwe gi, wo wo kun. Naa, ko wenyané kɛlɛ Bale ma, azama.

Daniɛl 9:13

We tɔntɔn ’konu faa bɔ ko ma, we lé Moizi a gyɛ bélidɔwe nya, a yɛrama. Naa, ko ’ka zanté vɔ lɛ Gakelebale kozé Bale lɛ lo; ko ’ka sɔn vɔ lɛ kolé weplenu kɛlɛle ma lo; ko ’ka webozen ban lɛ ko tɔné nya lo.

Daniɛl 9:5

Ko wenyané kɛlɛ; ko weplenu kɛlɛ; ko a mi nyanénu valé nwamimazannu nya. Ko sɔn vɔ ilé bélidɔwe sɔnnénu valé i déretawenu ma.

OZÉ (Osée) 2:5

Dé ’bɛ kaan lo, maa dan a poro lɛ, yé maa dan a vo lɛ bélé é yaayi la zo; maa dan a kɛlɛ lɛ bélé bwi zo, bélé tɛrɛ gi gale zo, yé é dan ga lɛ ’yiminilɔrɔ nya.

OZÉ (Osée) 5:14

Maa dan kɛlɛ lɛ Éfraim munu ma bélé golizra zo; maa dan kɛlɛ lɛ Juda munu ma bélé golizrané zo; maaoo, maa! maa dan a wi kini lɛ ékema, ’bɛ zuo maa dan go lɛ; maa dan go lɛ a nya an lee, yé mi do kpen ’ka dan a si lɛ an lee lo.

Abudias 1:7

Munu lé wo péli vɔ i va, wo i bin fɔɔ wo bɔ i nya ilé tɛrɛ glɛ la, I béénu dabli kɛlɛ i lɛ; wo pla i nwiin, Munu lé i fɛblele nɔ wo lɛ, wo san pla i lee, ’Té i ’ka ’bɛ gi dɔɔa lo.