Jérémi 30:10 - Kazambale lé Sebe Sauunu 1979

¹⁰ Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 30:10 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Ézai 14:3

Dé Gakelebale flinle nɔ ka lɛ ka wɔlɛi nyaale ka ma valé kalé kleblele zuo, kalé luu gi nyanéblele zuo,

Ézai 35:9

Golizra ’ka dan zun lɛ yee zi ’ko ta lo; Migyɛwi do kpen ’ka dan zi ’ko sia lɛ lo; Wo ’ka dan wo ye lɛ ana lo, Voébomamunu ɛ dan tawo lɛ a ta.

Ézai 43:5

Maa a i va, amalé té i kana we do kpen lee lo, Maa dan i bɛn si lɛ yirinwanazia, Maa dan wo si lɛ yirivɔnazia, yé maa wo zén ékeva.

Ézai 44:1

Jakɔb‐oo, an wuozan, ’i tɔné dɔ sin, Izraɛl lé maa si a va, ’i tɔné dɔ sin.

Ézai 44:2

Gakelebale lé é i kɛlɛ, É sia i yaabléyi va, mi lé é i tin, Mi lé i tɛn a ma, é léma: An wuozan Jakɔb, té i kana lo, Anlé Izraɛl lé maa a si a va, té i kana lo.

Ézai 46:11

Maa ɛ wiblemiané laa, léé, ’é si yirinwanazia, Maa ɛ tɛrɛ baa lazan do laa, léé, wenu lé an gi dan a ma, ’é wo lɛ sɔɔ; Maa ɛ fe yé maa dan a kɛlɛ lɛ, É dɔ maa ɛ gi, yé maa ɛ dan a lɛ sɔɔ lɛ.

Ézai 46:13

Anlé wetegele kɛlɛle a biéna, é ’ka baa lo. Anlé mi sile we gi ’ka dan mɔn lɛ lo. Maa dan Siɔn munu si lɛ we gi, Yé maa dan anlé fuasan zén lɛ Izraɛl ta.

Ézai 49:12

Wo lo, wo si baa, A kenu si yirinwana bɛbolazia valé yirivɔnazia, Yé a kenu si Sinim tɛrɛ la.

Ézai 49:25

Gakelebale léé: lin, wo dan mi plɛplɛ lé luu si lɛ é lee, Yé vakɛlɛzan lé gulizarafɛ é dan san lɛ é lee; Maa dan guli dan lɛ i nyanézannu va, Yé maa dan i benu si lɛ we gi.

Ézai 54:4

Té i kana lo, naa, i gi ’ka dan blin lɛ i ma lo, Té i yuɛ é tana lo, naa, i yuɛ bɛ ’ka dan tana lɛ é dɛrɛ lo; Yara lé é i gyɛ i boronéla bléyi va, i gi é dan san lɛ ’bɛ ma, Yara lé ke i ’wuo ma, i kɛlɛle gyɛzarale nya we ma, a sele ’ka dan dɔ lɛ i gi é dɛrɛ lo.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 23:4

Yé mi pazannu lé wo dan fɛ nɔ lɛ wo lɛ, maa dan wo dɔ lɛ. Wo ’ka dan kana lɛ é ziin lo; di ’ka dan kini lɛ wo gi é dɛrɛ lo, yé fɛ ’ka dan kele lɛ wo va mi do kpen ma lo.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 23:8

naa, wo dan a fe lɛ léé: Gakelebale lé é Izraɛl munu kulunu si yirinwana bɛbolazia tɛrɛ la, yee valé tɛrɛnu faa lé é wo bin yé wo go wona, ana, yé é da wo nya, ’bɛzan a é yuɛma. Yé wo dan nyana lɛ wolé tɛrɛ la.

Jérémi 29:11

Naa, Gakelebale léma: We lé ke an gi kazé nya, maa a dɔɔ. Ka vole drɔɔ we lé, we tɔntɔn kaan lo, léé, tɛlɛ tɛlama yé ka vo ana, yé ka bli é vo we lɛ.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Jérémi 33:16

’Bɛ yinu la Juda munu é dan si lɛ we gi, yé Jérusalɛm munu é dan nyana lɛ kli wo nyanana; tɔ lé wo dan a laa lɛ a nya, yee lé ke ’ko: Gakelebale, kolé wetegele.

Ézékiɛl 16:52

Bii lé i ke kɔɔn we dɔna i burunu nwiin, ’i ’wuo dɔ wolé serele bole i ma wuo, i kɛlɛwe nyanénu lé wo i kɛlɛ bélé bo zo, é mini i burunu ta, wolé we ma. Yara ’é i gyɛ ma, yé ’i ’wuo dɔ wolé serele bole i ma wuo ma; i burunu zé fila vɔ, azama.

Ézékiɛl 38:11

I dan a fe lɛ léé: Maa dan nwa lɛ tɛrɛ lé ana zi ’lɛ ke é sole, a ma; munu lé wo ke drɔɔ, ’té wa é nyanale woboma duaa, ’té gɔrɔ ’ka wolé fla zi bɛ lo yé wolé duoli valé é lɛtanfɛ ’ka bɛ lo, maa dan ’wii lɛ wo ta.

Daniɛl 12:1

’Bɛ bléyi va Mikaɛl lé é ke mi blɛn nya, ilé munu ta gulidanzan nya, é dan nwa lɛ. Bléyi ’ko é dan kɛlɛ lɛ nyané ble bléyi nya. É sia bɛnnu pélisia bléyi va fɔɔ yé é bɔ bléyi ’ko va, wo ’ka tan ’bɛ zoɛ nyané vinin ble lɛ lo. ’Bɛ bléyi va, ilé munu lé wo tɔ ke é gyɛle sɛbɛ gi, wo dan si lɛ we gi.

OZÉ (Osée) 2:18

Gakelebale léma: ’Bɛ yi ’ko la, i dan an laa lɛ, i zana; i ’ka dan an laa lɛ é dɛrɛ izan, lo.

OZÉ (Osée) 2:20

’Bɛ yi ’ko la, an dan gipawe do kɛlɛ lɛ ka valé bwigiwinu koo, lagi mianénu valé tawoplɛlawinu koo, ka méléna; sa koo, gwɔun valé gulidanle koo, maa dan wo yi ga lɛ kalé tɛrɛ la, yé maa dan ka nyana lɛ kaboma.

OZÉ (Osée) 6:11

Dé maa anlé munu si luu gi yé an da wo nya wo pa gi, bii Juda, maa a i bɛnna fɛ do nya.

Joɛl 2:21

Tɛrɛ, té i kana lo, Yéri ’é pa i lɔ ma, yé i gi ’é nana ma. Naa, Gakelebale éé we blɛnblɛnnu kɛla.

Misé 4:9

Mɛmalé i a siaana siin? I nwiinzan blɛn ’ka é dɛrɛ loo? We pla i lɛzan ’ka é dɛrɛ loo? Bɛwemalé nyanéblele bɔ i ma bélé né yaa le zoo?

Zakari 3:10

Lai sunyanu lé Gakelebale léma: ’Bɛ yi la, ka faa do do ka dan ka bɔlunu laa lɛ, ’té ka a é nyanale kalé dɔrɔyili valé bɔrɔyilinu wuo.

WENÉNÉ LE JAN A GYE (Évangile selon Jean) 12:15

Siɔn munu, té ka kana monomono lo; Ka ye, ka nwiinzan blɛn a dana, É nyanale sokofale tina lé né punu.