Jérémi 3:6 - Kazambale lé Sebe Sauunu 1979

⁶ Minwiinzan blɛn Jozias bléyi va Gakelebale lé an lɛ léé: Izraɛlnu ’ka plaan an wuo lo. I a yé loo? Wo go gɔ torole faa nwiin, yé wo go yili drɔɔdrɔɔnu faa wuo, yé ’bɛna lé wo go bale bɛnu zuo bélé gɔnégini le zo.

Jérémi 3:6 ပူးပေါင်းရင်းမြစ်များ

1 Minwiinzannu 14:23

Wo é ziin, wo gɔ nwiin yobannanu kɛlɛ, ’té yofoto valé miyilinu a gɔ faa nwiin valé yili drɔɔdrɔɔ faa wuo.

2 Minwiinmunu lé Wezuofe Sɛbɛ 34:1

Jozias plale sia munu nwiin, ’té a lɛɛ a sɔraa. Yé é pla munu nwiin Jérusalɛm lɛɛ yɔ do wɔlɛ vu ta do.

Lɛrɛvɔ Sɛbɛ 106:39

A zo lé wo ’wobozen tiri dɔ ’wo kɛlɛwenu nya, Yé wo kɛlɛwenu kɛlɛ bélé bɔrɔdɛ le kɛlɛwe zo.

Ézai 57:3

Naa, ’kaa yokɛlɛ le benu, leginizan valé bɔrɔdɛ dɔgɔnɔ, ’ka bié ze.

Ézai 57:7

Ka kalé yialafɛ plaan gɔblɛn torole nwiin; yee fɛkona lé ka yo baan.

Jérémi 1:2

Amon be Jozias lé ke Juda munu nwiinzan blɛn nya, a plale mi nwiin lɛɛ vu ta yaazan nya, Gakelebale we ’konu fe Jérémi lɛ.

Jérémi 11:10

Wo nɔla wo tranu vininnu lé wo sɔn vɔ tɔné dɔle ma an dérenu lɛ, wolé weplenu zuo, yé wo go bale bɛnu zuo yé wo ’bɛnu bɔ; anlé gipawe lé maa a kɛlɛ wo tranu va bɛ, Izraɛl munu valé Juda munu a sɛrɛ.

Jérémi 17:2

Woo bɔn‐in bɔrɔan wolé nénu ma fɛan zo, a zo duo lé woo bɔn‐in bɔrɔan wolé balebannanu ma, yé a zo duo lé woo bɔn‐in bɔrɔan wolé miyilinu lé wa laama Asataté, ’té woo wo dɔa yili drɔɔdrɔɔnu wuo, ’bɛ valé gɔpanénu nwiin bɛ, wo ma.

Jérémi 3:8

Izraɛl lé é ’ka vo an wuo lo, maa a bɔra élé gɔnéginile faa lé we ma, yé maa a bɔrasɛbɛ nɔ a lɛ. Naa, duowo, maa a ye léé, a buru Juda lé éé gilawe kɛla, é ’ka kana lɛ monomono lo, naa, é go gɔné gini lɛ é ziin bélé Izraɛl zé zo.

Jérémi 31:22

Bii blɛnzan lé i si zi zima ta, I dn si lɛ ilé saanzi ta mɛ yi laa? Naa, Gkelebale we dɛrɛ kɛlɛ tɛrɛ la; Le é dan é zana fɛɛ bo lɛ.

Jérémi 5:11

Naa, Izraɛl munu valé Juda munu ’ka plaan an wuo lo, azama. Maa Gakelebale ɛ ke a fena.

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Ézékiɛl 16:31

Bléyian va lé i a ilé gɔnéginiégi kɔnnu dɔna zi faa ’léé do do, ’té ilé yobannanu kɛla fɛfaana, i ’ka ibo kɛlɛ lɛ bélé gɔnégini le lé wa banwoo, a zo lo.

Ézékiɛl 16:35

Amalé, gɔné gini le, ’i tɔné dɔ Gakelebale dére lɛ.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 23:11

A zuané Ooliba we ’ko ye, yé gɔnégini lɔrɔ a gyɛ, yé ’bɛ mini a buru zé ta, yé alé gɔnéginile gié a buru zé ta.

Ézékiɛl 23:4

A vininzan tɔ lé Oola, yé a zuané tɔ lé Ooliba. Wa anzé munu nya, yé wo négɔné valé nélomu yaa. Oola lé ke Samari nya yé Ooliba lé ke Jérusalɛm nya.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

OZÉ (Osée) 4:13

Woo ’wolé balenu baan gɔnu nwiin; woo lasikɔrɔpo kyɛ blé gɔpanénu nwiin, ’bɛ valé sɛnéyili koo, pupliéyili koo, térébɛntyili koo, wo wuo, ’té wo furɔ a néné. Bɛwemalé ka lunu kɛlɛ bɔrɔdɛlomu nya, yé ka be nanu kɛlɛ gɔnéginilomu nya.

Weblezannu 2:17

Yé wo ’ka tɔné dɔ lɛ wolé weblezannu lɛ lo, naa, wobo nɔ bale bɛnu bɔle lɛ bélé gɔnégini le zo, yé wo ’wuo tua wo lɛ. Zi lé wo tinu tawo a ta, wo si a ta é kele, yé wo ’ka Gakelebale lé bélidɔwenu lɛdɔ lɛ a ma, fɛan zo lé ’bɛnu a kɛlɛ, a zo lo.