Jérémi 3:3 - Kazambale lé Sebe Sauunu 1979

³ Amalé lɛɛné ’ka da lɛ lo yé lɛɛné vininnu vuru ka ma. Yé ka kɛlɛ yuɛmaplɛplɛ?-?zannu nya bélé gɔnégini le zo, yé yara ’ka ka gyɛ lɛ lo.

Jérémi 3:3 ပူးပေါင်းရင်းမြစ်များ

Wepélisiananu 19:34

’Bɛ é tu kini a vininzan lé é zuané lɛ léé: Bé ye, an yi gyɛ kyɔ an ti va; ’ko nwɛ nɔ a lɛ béli ’ko é ziin yé ’é a mini, yé ’i go yi gyɛ a va, yé ko ti kulu ’é kɛlɛ.

Néémi 9:17

Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

Wegɔnévɔlenu 21:29

Yara ’ka mi naané gya lo, naa, mi drɔle é é giébɛ dɔa gligli.

Ézai 5:6

Maa dan a vo lɛ é gɔ nya; maa ’ka dan a ma bɔi lɛ yé maa a féi pa é dɛrɛ lo; plésɔné léliyili valé lélinu é dan tuu lɛ ana; yé maa dan latinu béli dɔ lɛ léé, té wo lɛɛ da a ta é dɛrɛ lo.

Jérémi 14:1

Gakelebale we fe Jérémi lɛ yiri bile we ma, yé é léma:

Jérémi 14:22

Bɛnnu faa lé miyilinu vazan do éé lɛɛ daan? taa, La ɛ lɛɛ daan? Lɛɛdazan ’ka bii Gakelebale kolé Bale nya loo? Ko bli a bii ɛ lɛ, Naa, bii ɛ ke fɛnu ’ko faa kɛlɛzan nya.

Jérémi 14:3

Mi segelenu éé né kiénénu nwunvɔa ’yi tɔna, Yé nénu éé goo ’yibagi, yé wo ’ka ’yi yé a gi lo; Woo nɔlaan bɔ koro nya wo lee. Yara wo gyɛ; wo kua yara nya yé wo sɔ zén ’wo ’wuo ma.

Jérémi 14:4

Tɛrɛ kyɛ dɔ, Lɛɛ ’ka dan tɛrɛ la lo, azama. Yé yara féipazannu gyɛ yé wo bɛ bua ’wo yara.

Jérémi 36:2

’I sɛbɛ si, yé we faa lé maa a fe i lɛ Izraɛl munu koo, Juda munu koo, bɛnnu faa koo, wolé we ma, a péli sia yian nya lé an we fe i lɛ Jozias bléyi va fɔɔ kyɔ, ’i wo faa gyɛ yee sɛbɛ ta.

Jérémi 5:24

Wo ’ka a fé wo bli gi léé: Kaa kana Gakelebale kolé Bale lee, lo. Bale lé éé lɛɛ paan zia lɛɛdabléyi va, ’té éé lɛɛ vininzan valé lɛɛ voélazan dan, ’té éé bléyi kenu no ko lɛ kolé féifɛnu gyɛle we ma, wo ’ka kanaan yee Bale lee lo.

Jérémi 5:25

Kalé weplenu lé we ma lé ka mawe zinnu ’ka kɛlɛ lɛ ’é kɛlɛbléyi va lo; kalé wenyanénu lé we ma lé wezinnu ’ko vuru ka ma.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Jérémi 6:15

Gakelebale léma: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo nya, yé dé maa a we lɛdɔna wo gi bléyian va, wo guru é dan zana lɛ a gi.

Jérémi 8:12

Gakelebale léé: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo va, yé dé an we lɛdɔ wo gi bléyian va, wo guru é dan zana lɛ a gi.

Jérémi 9:12

Wedɔɔzan lé éé we ’konu maan, é a kyɛɛn? Mi lé Gakelebale we fe a lɛ, yee ɛ fe ma. Mɛmalé tɛrɛ a é sɛrɛle yé ana kyɛ ble bélé bwi gi lé mi do kpen ’ka giéan ana lo, a zoo?

Ézékiɛl 3:7

Naa, Izraɛlnu ’ka a nyi sié léé, wo tɔné dɔ i lɛ lo; wo ’ka a nyi si lɛ léé, wo tɔné dɔ an lɛ lo, azama. Naa, Izraɛlnu faa a yara plɛplɛzannu valé bli plɛplɛzannu nya.

Lévinu 26:19

Kalé plɛplɛ lé kabo kɛlɛ a nya blɛn bɛ, maa dan ’bɛ si lɛ ka lee. Maa dan la kɛlɛ lɛ ka lɛ bélé foliɛwɔlɛ zo, yé maa dan tɛrɛ kɛlɛ lɛ ka lɛ bélé zéné zo.

Amɔs 4:7

Yé maa lɛɛ nyané kɛlɛ ka lɛ, ’té kalé fɛgyɛmoné vo yaa; maa lɛɛ da fla do la, yé maa ’ka lɛɛ da lɛ fla do ta lo. Maa lɛɛ da féi do ta, yé féi lé maa ’ka lɛɛ da lɛ ’bɛ ta lo, ’bɛ ga.

Amɔs 4:8

Fla fié, fla yaa wo go fla bɛ ta ’yi minile we gi, yé ’yiminilɔrɔ ’ka si lɛ wo ma lo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Sofoni 2:1

Yaragyɛlo bɛn, ’ka gi bɔrɔ. ’Ka ka bli gi gini,

Sofoni 3:5

Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

Agajé 1:11

An lɛɛdabléyi nɔla yɛrɛgabléyi nya, tɛrɛ koo, gɔnu koo, ’sa koo, dɔrɔ dɛrɛ koo, nyɔnɔ koo, fɛ faa lé éé dɔa tɛrɛ ta koo, munu valé winu koo, mi panyanama faa koo, wo ma.

Bélidɔwesɛbɛ Fiézan 28:23

La gi é dan ga lɛ ka nwiin bélé zéné zo, tɛrɛ é dan ga lɛ ka wuo bélé foliɛwɔlɛ zo.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?