Jérémi 3:25 - Kazambale lé Sebe Sauunu 1979

²⁵ Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 3:25 ပူးပေါင်းရင်းမြစ်များ

Lɛrɛvɔ Sɛbɛ 106:6

Ko wenyané kɛlɛ bélé ko tranu zo, Ko weple kɛlɛ; ko wenaané kɛlɛ.

Lɛrɛvɔ Sɛbɛ 106:7

Bléyian va lé ko tranu ke Éjipiti tɛrɛ la, wo ’ka ilé gyɛzorowenu gi ’ma lɛ lo, Ilé zin kiɛre sele ’ka dɔ lɛ wo gi lo, Naa, wo nwa i ma Wɛyi sɔnɔ, Wɛyi Sɔɔn sɔnɔ.

Lɛrɛvɔ Sɛbɛ 109:29

’Wo yaragyɛwe bɔ an nyanézannu ma ma, Yé wo yara wɔra wo ’wuo ma bélé sɔ zo ma.

Wegɔnévɔlenu 13:18

Mi lé éé sɔn vɔa wepaadére ma, nyanégyɛle valé yaragyɛwe a azé nya, naa, mi lé éé weplale é lɛ nyi sié, wa tɔ bɔa.

Wegɔnévɔlenu 5:13

É kɛlɛ kaa yé an ’ka anzannu dére ’ma lɛ lo, yé an ’ka tɔné dɔ lɛ munu lé wo we paa an gi, wo lɛ loo?

Ézai 48:8

Ka ’ka we do kpen ’ma lɛ a gi lo, yé ka ’ka we do kpen dɔɔ lɛ a gi lo, Yé ana we do kpen ’ka go lɛ ka tɔné gi lo; Naa, maa gi dɔɔ é kyɛn léé, ka ’ka yara pa lɛ anlé we ta lo, É sia ka yaabléyi va, woo ka laama nwamimazannu

Ézai 50:11

Ka faa lé ka kyɛ bi, ’Té sonakyɛ a ka lee, ’Ka tawo kalé kyɛnɛnɛ valé kalé sonakyɛ san va, An dan we bɔ lɛ ka ma, Ka dan yia lɛ kleblele nya.

Jérémi 11:13

Oo Juda munu, kalé flanu ’léé a kiɛre fɛan zo, a zo lé kalé balenu ’léé ke. Yé Jérusalɛm zinu ’léé a fɛan zo, a zo lé ka miyilinu bannanu kɛlɛ, yé ka lasikɔrɔ kyɛblenanu kɛlɛ Baal lɛ.

Jérémi 12:13

Wo buruwɔlɛ zima vɔ féi yé wo lélinu gyɛ fɛgyɛbléyi va. Wo ’wo wɔlɛ gi nyaa wo ma é pla, ’té a tɔnɔ ’ka lo. Fɛ lé ka a gyɛ féi, Gakelebale lé bliflile blɛn zuo bɛ, Yara ’é ka gyɛ a ma ma.

Jérémi 14:20

Gakelebale, kolé wenaanénu valé ko tranu lé weplenu ginin dɔ ko gi; Naa, ko wenyané kɛlɛ i ma.

Jérémi 14:7

Dé kolé weplenu éé kɛla ko ma kolé wenayezan nyaoo, Gakelebale ’i we kɛlɛ i tɔ lé we ma; Naa, ko yuɛ gi blan namɔn, Ko wenyané kɛlɛ i ma.

Jérémi 2:17

Bléyian va lé Gakelebale kalé Bale a gona ka nya zi zima ta, Ka sɔn vɔ a ma, amalé we ’ko bɔ ka ma. Azoan é ke loo?

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

Jérémi 2:26

Kyeenwozan lé wo bɔ a ma fiaa kyeenwona, yara a gya fɛan zo, a zo duo lé yara é dan Izraɛlmunu gyɛ lɛ, wo koo, wo nwiinzan blɛnnu koo, wo nwiinzannu koo, wolé Balebanzannu koo, wolé balelayezannu koo, woo lé.

Jérémi 20:18

Mɛmalé maa bɔra an bu bɔn gi ’Té maa nyané valé kleblele ’ko yéé? ’Té anlé yinu éé giéan yaragyɛwe saa bɔle nya an maa?

Jérémi 22:21

Maa we fe i lɛ ilé tɔnɔfɛ yebléyi va, Yé bii léé, ’é ’ka ’é tɔné dɔa an lɛ lo. I kiéné la bléyi va fɔɔ kyɔ, i we kɛlɛ ’bɛ zo, I ’ka i tɔné dɔ lɛ an dére lɛ lo.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 31:19

An yara si i ta, naa, ’bɛ zuo an bli nɔla; Dé maa an saanna ye, an vo an bin gyɛna; Yara an gyɛ yé an ’yibo, Naa, wenu lé maa wo kɛlɛ an boro‐né la bléyi va, wo tɔ a an ma.

Jérémi 6:26

Anlé munu, ’ka bɔlɔ zén ka ta, yé ’ka burula kyɛyee va. ’Ka gyɛ bo bélé négɔné do kpen gyɛ zo. Ka yuɛyi ’é zén, ’ka dunuzénmita wuvɔ; naa, fɛsɛrɛzan a dana ko va ko tanyila.

Jérémi 7:19

Gakelebale léé: Maa lɛ lé ka ke a kɛlɛnaa? Kabo lɛ kaan loo? Kabo lé yaragyɛwe kaan loo?

Jérémi 8:14

Mɛmalé ko vo é nyanalee? ’Ka zén ékeva yé kaa go nyanamunu lé fla zamaga wole we ma. Naa, Gakelebale, kolé Bale, ga pla ko ’lɛ. ’Yinu lé mi gyɛ lale ke wo va, é a kɛlɛ ko miniyi nya; naa, ko wenyané kɛlɛ Gakelebale ma, azama.

Jérémi 9:18

’Wo gyɛ wuvɔ ko ta é kele ma, Yé ko yuɛyi ’é bɔra ma, Yé yuɛyi ’é yoro ko yuɛlakɔné gi ma.

Jérémi Lé Wuvɔ Sɛbɛ 5:16

Kolé tɔkoro si ko ’wuo ma yé é dia, Wenaané kɛlɛ ko lɛ. Ko wenyané kɛlɛ, azama.

Jérémi Lé Wuvɔ Sɛbɛ 5:7

Ko tinu lé wo wenyané kɛlɛ, wo ’ka ana é dɛrɛ lo, Yé ko wo pagi weple kɔné si.

Ézékiɛl 2:3

É lé an lɛ léé: Blami be, maa i pa zia Izraɛl munu lé woo bɔrɔ vɔɔan an nwiin, ’té woo nwaan an ma, wo va. Wo valé wo tinu, wo wenyané kɛlɛ an ma fɔɔ kyɔ yi ’ko nya.

Ézékiɛl 36:32

Mizan Gakelebale léma: Maa ’ka we ’ko kɛlɛna kalé we ma lo; ka we ’ko dɔɔ ma. Izraɛl munu, yara ’é ka gyɛ ma, yé ka yuɛ ’é tana kalé tawobɛ lé we ma ma.

Ézékiɛl 44:13

Wo ’ka dan bié lɛ an sɔnɔ an banle anlé kɔn gi we ma lo; wo ’ka dan bié lɛ anlé fɛna sauun na valé fɛna sauun tinle na sɔnɔ lo; wolé yaragyɛwenu valé wolé bozowenu lé wa kɛlɛ, wo dan a ma nyané ble lɛ.

Ézékiɛl 7:18

Woo bɔlɔ vɔa ’wo tɛrɛ la, yé di blɛn kini wo gi; yara wo faa gyɛ, wo faa ’wo nwin puiɛ.

Daniɛl 12:2

Munu lé wo ke yiɛna vun gi, wo va mi kiɛre é dan vuo lɛ, vole é yuɛma lé a glɛ ’ka lo, é dan kɛlɛ lɛ wo va mi kenu zé nya; serelebole valé yaragyɛwe lé é ’ka nyaan lo, é dan kɛlɛ lɛ wo va mi kenu zé nya.

OZÉ (Osée) 9:10

Maa Izraɛl ye bélé dɔrɔporo zo bwi gi; maa ka tranu ye bélé bɔrɔyili poro vinin zo; naa, wo go Baal‐Péɔɔ zuo, yé wobo nɔ miyili lɛrɛlɛrɛ lɛ, yé wo kɛlɛ bozofɛ nya, bélé ’wo sɔlɛfɛ zo.

Sofoni 1:17

Maa dan we tɔntɔn bɔ lɛ munu ma, yé wo dan tawo lɛ bélé yuɛwiizannu zo, wo wenyané kɛlɛ Gakelebale ma, azama. Maa dan wo nyɛ nwɛɛn lɛ bélé vungoi zo; maa dan wo wi nwɛɛn lɛ bélé bli zo.

Rom munu 6:21

’Bɛ bléyi va mɛ tɔnɔ ɛ ke ka maa? Tɔnɔ lé é ka gya yara nya sin, yee lé. Naa, we ’konu ’wuo éé plaan ga nya.

Weblezannu 2:2

yé ’kaa, té ka gi pa do tɛrɛ ’ko la munu va lo, ka dan wolé yobannu zana lɛ. Naa, ka ’ka an dére lɛdɔ lɛ a ma lo. Mɛmalé ka kɛlɛ ’bɛ zoo?