Jérémi 3:22 - Kazambale lé Sebe Sauunu 1979

²² ’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 3:22 ပူးပေါင်းရင်းမြစ်များ

Wegɔné Ma Lɛrɛ 1:4

’I an sia ana yé ’an go i zuo; ’ko vlanburu. Minwiinzan blɛn go an nya ’é yiana. Ko gi vo drɔɔ ékeva; yé ko gi nana é baba ilé we ma; Ko sɔle i lɛ tɔ éé bɔa é mini dɔrɔ ta. I sɔle ko lɛ yara lé.

Ézai 1:2

Lanu, ’ka tɔné dɔ; tɛrɛ, ’i an ban i tɔné nya, naa, Gakelebale a wefena. É léma: Maa nénu pa yé wo tin an yuɛ va, naa, wo nwa an ma.

Ézai 27:8

Gba, é we lɛdɔ wo gi wo vole lula nya; é go wo nya yirinwanazia fu plɛplɛ giéle nya.

Ézai 31:6

Izraɛl munu, ’ka nɔla, mi lé ka vo ka bɛ zuo baa, a va.

Ézai 57:17

An bli fli wo ma yé maa wo bla wo bli blɛn lé we ma; an wɛwɛ lé we ma lé maa yɔɔ wo lee, yé bɔrɔvɔɔzan go élé blibɔmazi ta.

Jérémi 3:12

’I go, ’i siaa dére ’konu nya yirinwana bɛbolazia, yé bé fe léma: Gakelebale léma: Izraɛl, bii lé i ’ka plaan an wuo lo, ’i da i pa gi. Maa ’ka dan yara nwɛɛn?-?nwɛɛnné gyɛ lɛ ka ta lo. Naa, maa a nyanaizénzan nya, an bli ’ka dan vo lɛ flina yifaama lo. Maa Gakelebale ɛ ke a fena.

Jérémi 30:17

Naa, maa dan i béli lɛ, maa dan i manɔnnu paa lɛ, Maa Gakelebale ɛ ke a fena. Naa, Siɔn ’ko, wa laama sɔnvɔma?-?zan, Siɔn ’ko lé, mi do kpen ’ka a mawe kɛla lo, yee lé.

Jérémi 31:18

Maa Éfraim dére ’ma, ’té éé dunnuan; I we lɛdɔ an gi, yé a lɛ a é dɔle an gi weboen nya, Bélé diriné lé wo ’ka pla lɛ a nwiin lo, a zo; Bii ɛ da an nya an pa gi, amalé an da, Naa, i a Gakelebale, anlé Bale nya.

Jérémi 33:6

Ka ye, maa dan wo manɔn paa lɛ, maa dan wo fuu dɔ lɛ wo ta, yé maa dan wo béli lɛ, yé maa dan vole drɔɔ valé yara pale we la ’wuo nɔ lɛ wo lɛ.

Jérémi 4:1

Gakelebale léma: Izraɛlmunu, dé ka da an va, dé ka da an va ka pa gi, dé kalé bozowenu si an yuɛ gi, ka ’ka dan vo lɛ nɔɔna lo.

Ézékiɛl 18:30

Izraɛlnu, bɛwemalé maa dan ka faa do do lé we ble lɛ kalé wekɛlɛbɛ yɛrama. A zo lé Mizan Gakelebale a fe. ’Ka da é ziin, yé ’ka daan kalé bélidɔwe sɔnné sɛrɛlenu faa ma, léé, té weple é kɛlɛ ka sɛrɛfɛ nya lo.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

OZÉ (Osée) 13:4

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Dé é ’ka maa nya lo, ka ’ka Bale bɛ dɔɔa lo; dé é ’ka maa nya lo, ka siéwegizan bɛ ’ka ana lo.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

OZÉ (Osée) 14:4

Bale léé: Naa, an bli ’ka flina wo ma é dɛrɛ lo; Amalé maa dan wo yuɛgi blanle nyaa lɛ, Wo dan sɔ lɛ an lɛ boenwo.

OZÉ (Osée) 14:5

Maa dan kɛlɛ lɛ bélé fli zo Izraɛl ma, É dan tin lɛ bélé bolu lé goo zo, Yé a suni é dan wɔra lɛ bélé Liban yili zo,

OZÉ (Osée) 14:8

Éfraim léé: Miyilinu éé mɛ kɛla an lɛɛ? Maa dan a dére ’ma lɛ, maa dan a tabin lɛ, Maa dan kɛlɛ lɛ a lɛ bélé siprɛyili drɔɔdrɔɔ zo. Maa ɛ va lé ka dan tɔnɔ ye lɛ.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.