Jérémi 3:2 - Kazambale lé Sebe Sauunu 1979

² ’Ka yara nwa fɛna lorunu na yé ’ka nagini. Fɛ kyɛnna lé ka ’ka go lɛ bélé gɔnégini le zo loo? Ka a é dɔle zinu ’léé bélé Arabunu zo nyéné saa lé fɛna, yé ka tɛrɛ tiri dɔ kalé gɔnéginiwe valé kalé wenyané kɛlɛle nya.

Jérémi 3:2 ပူးပေါင်းရင်းမြစ်များ

Wepélisiananu 38:14

Naa, Tamaa a ye léé, Sééla tin yé wo ’ka ’é nɔna a lɛ a na nya lo, amalé é ’élé gyɛbo sɔnu si é ta yé é yarayɔɔsɔ zén é yara yé é sɔ zén é ta yé é nyana Énaim gɔrɔ’léé, Timina lé zi ta.

1 Minwiinzannu 11:3

Minwiinzannu lunu wuru yaa yɔ soru a Salomɔn nanu nya; a bwɛnu a wuru do yɔ soru; yé a nanu a bli nɔla.

2 Minwiinzannu 23:13

Gɔ nwiin yobannanu lé wo ke Jérusa?-?sɛm yara, sanna gɔ bɛyilazia, minwiinzan wo sɛrɛ; Izraɛl nwiinzan wo dɔ Asataté koo, Sidɔn lé bozobale koo, Moab lé bozobale Kémɔs koo, Amɔn lé bozobale Milkɔm koo, wozé nya.

Lɛrɛvɔ Sɛbɛ 106:38

Wo weanwiinlozannu nyɛ zana, Wo benu valé wo lunu nyɛ lé. Wo Kanaan tɛrɛ la miyilinu ban ’wolé nénu nya, Yé wo ana tɛrɛ sɛrɛ migyɛle nya.

Wegɔnévɔlenu 23:28

Éé zi dɔa mi lee bélé kyeenzan zo, éé liwozannu ’léé gi gya munu méléna.

Wegɔnévɔlenu 7:11

Lezan a lɔluzan nya, yé yara ’ka a gya lo; é ’ka nyana é péli la ébo lé kɔn ’léé lo;

Jérémi 12:12

Fɛsɛrɛzannu éé sié bwi gi fɛna nwalenu faa na, Naa, Gakelebale lé gwɔun mi gyɛle sia tɛrɛ glɛ do la fɔɔ yé é bɔ a glɛ koɛ la; Vole drɔɔ ’ka mi do kpen zé nya lo.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 2:23

É kɛlɛ kaa yé ka léé: Ko ’ka ko tiri dɔ lɛ lo, Ko ’ka go lɛ Baalnu zuo loo? ’Ka ka gane paginu nagini gɔ worona, Ka wean kɛlɛ, ’ka bɔn‐in bɔrɔ ’bɛ ma do. Ka a bélé nyɔgɔmé tina lé éé vlan borowo plɛplɛ, ’té éé giéan fɛfaana, a zo.

Jérémi 2:7

Tɛrɛ lé éé fɛ dɔa, an da ka nya ana, Léé, ka ana fɛporonu valé ana fɛ zimanu ble; Naa, ka bɔ ana tɔɔn, ka anlé tɛrɛ tiri dɔ, Yé ka anlé fɛna kɛlɛ bo zo.

Jérémi 3:1

Gakelebale léé: Dé mi do é na bɔra, yé é si a va yé é kɛlɛ gɔné bɛ na nya, yee mi ’ko, éé bɔa le ’ko sile lɛ é ziin é na nyaa? Yee we ’ko, é ’ka dan tɛrɛ boen tiri dɔ lɛ loo? Yé ’kaa, ka go bale kiɛre zuo bélé gɔnégini le éé goo é bwɛnu zuo fɛan zo, a zo, yé ka dan an va é ziin? Maa Gakelebale ɛ ke a fena.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 3:21

Munu dére a wena fɛna lorunu na, Izraɛlnu lé wuvɔdére valé wolé dunuvɔmadére lé; Naa, wo ’wolé zi sɛrɛ, Yé Gakelebale, wolé Bale sele saan wo gi.

Jérémi 3:9

Alé pɛnpɛnné gyɛlenu lé wo tɔ bɔ fɛfaana, wo nya lé é tɛrɛ tiri dɔ; é gɔlɛ valé yili kɛlɛ é zana nya.

Jérémi 7:29

Jérusalɛm munu, ’ka ka nwin bɔi yé ’ka a vuli baa; ’Ka vɔ fɛna nwalenu na, yé ’ka wu lɛrɛ vɔ. Munu lé wo Gakelebale bli nwa, É sɔn vɔ wo ma yé é wo sié ma baa.

Ézékiɛl 16:16

Ilé sɔnu si yé i gɔ nwiin yobannanu ma’lɛrɛ wo nya; i wo ma’lɛrɛ sɔ nyɔɔzannu faa nya, yé ibo nɔ gɔnénu lɛ ’bɛna. ’Bɛ zoɛ we vinin ’ka tan kɛlɛ lɛ lo, yé é ’ka dan kɛlɛ lɛ monomono lo.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

OZÉ (Osée) 2:5

Dé ’bɛ kaan lo, maa dan a poro lɛ, yé maa dan a vo lɛ bélé é yaayi la zo; maa dan a kɛlɛ lɛ bélé bwi zo, bélé tɛrɛ gi gale zo, yé é dan ga lɛ ’yiminilɔrɔ nya.

WENÉNÉ LÉ LUK A GYE (Évangile selon Luc) 16:23

É a gamunu nyanana ’té éé nyané blé kaii, yé é yara dɔ loru yé é Abraam ye baa, ’té Lazaa a ’bɛ bɛ gi.

Bélidɔwesɛbɛ Fiézan 12:2

Bɛnnu lé ka dan wo bin lɛ bɛ, fɛ faa lé woo ’wolé balenu bɔa ana, ’ka wona sɛrɛ; dé wa gɔ grɔgrɔ nwiin‐oo, dé wa gɔpanénu nwiin‐oo, dé wa yilinu wuooo, ’ka wo sɛrɛ.