Jérémi 3:19 - Kazambale lé Sebe Sauunu 1979

¹⁹ Maa léé: Maa kɛla kaa yé maa i pa anlé nénu va, Yé an tɛrɛ nyɔnɔzan nɔ i lɛ, Tɔnɔfɛ lé é ke é nɔnɔmi é mini bɛn tɛrɛnu faa ta, yé maa a nɔ i lɛɛ? Maa léé, ka dan an laa lɛ, ka ti, Yé ka ’ka dan diéra lɛ an zuo lilo.

Jérémi 3:19 ပူးပေါင်းရင်းမြစ်များ

Lɛrɛvɔ Sɛbɛ 106:24

Yé tɛrɛ lé éé mi gi nanaan é baba, wa ye boatɛrɛ nya, Wo ’ka ’wo bli vo lɛ Gakelebale dére lɛ lo,

Lɛrɛvɔ Sɛbɛ 16:6

Fɛnu lé wa nɔ an lɛ tɔnɔfɛ nya, é a é nɔnɔmi é baba, Fɛ lé wana nɔ an lɛ bɛ, é a é zima é baba.

Lɛrɛvɔ Sɛbɛ 89:26

Maa dan a bɛ pla lɛ wɛyi ta, Yé a bɛyi é dan pla lɛ yuunu ta.

Wegɔnévɔlenu 3:35

wedɔɔzannu é dan tɔ ye lɛ wozé nya, naa, yaragyɛwe é dan kɛlɛ lɛ ’tugyɛzannu zé nya.

Ézai 63:16

Duowo, bii ɛ ke ko ti nya. Naa, Abraam ’ka ko dɔɔa lo, yé Izraɛl ’ka a gi dɔɔa léé, ko ana lo; bii Gakelebale ɛ ke ko ti nya; a péli sia bléyi va ibo laan ko siéwegizan.

Ézai 64:8

Oo Gakelebale, té i bli fli yé é gié é glɛ la lo. Té kolé wenyané blɛn sele é dɔ i gi yifaama lo; bé gini do, ko faa a ilé munu nya.

Jérémi 12:10

’Blatabinzannu kiɛre ’wii anlé dɔrɔféi ta, Woo anlé féi zɔn‐o ’wo gane nya; Woo anlé ginanama féi kinié bwi nya, Wa kɛlɛ fɛna tété nya.

Jérémi 3:17

’Be bléyi va, wo dan Jérusalɛm laa lɛ, Gakelebale lé webleblin; bɛngɔnɔ faa é dan zén lɛ ékeva Jérusalɛm Gakelebale tɔ nya yé wo ’ka dan tawo lɛ ’wolé blibɔmawe naané zuo é dɛrɛ lo.

Jérémi 3:4

Yé sin, ka a siaana léé: Ko ti, i kɛlɛ kolé pɛniɛla béé nya. A zoan ka ke a fena loo?

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

Jérémi 31:9

Woo dan wuvɔle nya, naa, woo bazoroan bléyian va, ’té an goo wo nya; Maa goo wo nya ’yi yoronmu vazia, Zi do lé mi ’ka vɔa a ’léé danké danké lo, ana. Naa, maa a Izraɛl munu ti nya, Yé Éfraim a anlé né vininzan nya.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Jérémi 5:7

Maa kɛla kaa ’naan, yé an ka ma we voo? Kalé nénu sɔn vɔ an ma, Yé vié balenu lé wo ’ka lo, woo wo ’nyɔɔn‐an. Maa fɛ kiɛre nɔ wo lɛ, naa, woo goo gɔné bɛ gini lɛ. Woo wɔraan gɔnégini le lé kɔn gi wo gu nya.

Ézékiɛl 20:6

’Bɛ yi la, maa anbo ’nyɔɔn an bɛ nwale nya léé, maa dan wo si lɛ Éjipiti tɛrɛ la yé ’an go wo nya tɛrɛ do lé maa a si a va wozé nya, a ta; tɛrɛ nyɔnɔzan lé ke é zima é mini tɛrɛnu faa ta, yee lé.

Daniɛl 11:16

Mian é nwaa a ma guli nya, dé wean sɔ a lɛ, éé a kɛla ’bɛzan lɛ. Yé mi do kpen ’ka dan dɔ lɛ a ’lɛ lo. É dan dɔ lɛ tɛrɛnu va tɛrɛ zima ta, yé munu lé wo vɔ a lee, é dan wo gyɛ lɛ.

Daniɛl 11:41

É dan wɔra lɛ tɛrɛnu va tɛrɛ zima ta, yé é dan mi kiɛre gyɛ lɛ; naa Édom munu koo, Moab munu koo, Amɔn munu tɔzannu koo, wo dan so lɛ a lee.

Daniɛl 11:45

É dan élé fua sɔkɔnnu dɔ lɛ wɛyinu méléna, gɔ tɔbɔle lé é ke plɛplɛ, a vazia. É dan bɔ lɛ ézé ’wuo plana, ’té a bɔavazan ’ka lo.

Daniɛl 8:9

Yé béli kiéné do bɔra a béli ziɛn va béli do ma, yé é kɛlɛ blɛn yirinwana bɛyilazia koo, yirinwanazia koo, tɛrɛnu faa va tɛrɛ zima koo, wo vazia.

OZÉ (Osée) 11:8

Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

Galasi munu 3:26

Naa, ka faa a Kazambale benu nya, blivole Jézu Krist lɛ we ma.

Éfez munu 1:5

Kaa sɔle Bale lɛ lé we ma lé, é a fe é kyɛn léé, é dan kaa si lɛ ébozen lé nénu nya Jézu Krist lé we ma, léé, alé zin blɛɛn lé é a kɛlɛ kaa lɛ élé néwezan gi, yé munu a tɔ zin fe a we ma. We ’ko a Bale lé blibɔmawe nya yé é a gi nana, amalé é a kɛlɛ.

Bélidɔwesɛbɛ Fiézan 14:1

Ka a Gakelebale, kalé Bale lé nénu nya. Té ka pɔɔ gyɛ ka kɔlɛ ma lo, té ka nwin puiyɛ ka bɛlo la mi gale lé we ma lo.

Ébrunu 10:39

Naa, munu lé wo diéra yé wo san, kaa ’ka wo va mi kenu nya lo, naa, munu lé wo bli ke wo boen sile we gi lɛ, kaa a wo va mi kenu nya.

1 Piɛri 1:17

Mi lé éé munu faa lé we blé wo kɛlɛwe yɛrama, ’té é ’ka glɛ dɔa mi gi bɛ lo, dé ka a laan ka Ti, ’ka tawo kanale nya a lee, kalé dɔwola tɛrɛ la.