Jérémi 3:17 - Kazambale lé Sebe Sauunu 1979

¹⁷ ’Be bléyi va, wo dan Jérusalɛm laa lɛ, Gakelebale lé webleblin; bɛngɔnɔ faa é dan zén lɛ ékeva Jérusalɛm Gakelebale tɔ nya yé wo ’ka dan tawo lɛ ’wolé blibɔmawe naané zuo é dɛrɛ lo.

Jérémi 3:17 ပူးပေါင်းရင်းမြစ်များ

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

1 Minwiinzannu 8:41

Bɛn lé é ’ka ilé munu Izraɛl bɛn nya lo, dé é si tɛrɛ baa ta i tɔ lé we ma . . .

Lɛrɛvɔ Sɛbɛ 102:23

Bléyian va lé migɔnɔnu zén ékeva, É valé bɛntɛrɛ faa nya, Gakelebale bɔle we ma, a bléyi va.

Lɛrɛvɔ Sɛbɛ 78:8

Léé, té wo kɛlɛ bɛn lé woo mi lɛgaan a ma, yé wo tɔné gi ke plɛplɛ bélé wo tinu zé zo, wo nya lo, Bɛn lé wo bli ta ’ka é dɔle plɛplɛ lo, Yé wo léli fuu ’ka é ta Bale lé we gi lo, té wo kɛlɛ ’bɛ nya lo.

Lɛrɛvɔ Sɛbɛ 87:3

Bale lé fla, Wo tɔbɔwenu fe i ma. Ka ye do.

Ézai 26:8

Gakelebaleoo Gakelebale, ko a i lɛbɛnna é ziin, ilé weblebɛ yɛrama. I sele ’é dɔ ko gi, i tɔ lɔrɔ ma lé ko flin‐é.

Ézai 56:6

Bɛnnu lé wo dan yere lɛ Gakelebale ma, a bɔle we ma, ’té Gakelebale tɔ sɔ wo lɛ, ’té woo kɛla a wuozannu nya, wo faa lé woo flinyi tawe kɛla, ’té wo ’ka a sɔnné sɛra lo, ’té woo dɔa anlé gipawe ta,

Ézai 59:19

Kanale Gakelebale lee é dan sia lɛ yirivɔnazia; kanale alé fuasan lee é dan sia lɛ yirinwanazia. É dan da lɛ bélé ’yiyoro plɛplɛ lé Gakelebale lé fu é go a nya, a zo.

Ézai 6:1

Minwiinzan Ozias galɛɛ nya, maa Mizan Gakelebale ye é nyanale blin lé ke é dɔrale fɛna loru na, a ta, ’té alé varɔ blɛn lɔlu Balebangikɔn gi fɛna sauun fan.

Ézai 66:1

Gakelebale léma: La a an nyanala blin nya, yé tɛrɛ a a ganedɔralafɛ nya. Mɛ kɔn lé ka dɔa an lɛ yé fɛ kyɛnna lé ka ana nɔ an lɛ an nyanana nyaa?

Ézai 66:18

Maa wo kɛlɛwenu valé wo bɔn‐in bɔrɔle dɔɔ. Bɛn faa zén ékeva bléyi bɔ, wo valé dére faa gimunu nya; wo dan da lɛ yé wo dan anlé fua tɔbɔle ye lɛ.

Ézai 66:20

Wo dan ka bwenu faa si lɛ bɛnnu faa va, yé wo dan da lɛ wo nya Gakelebale lé blɛfɛ nya; wo dan da lɛ wisoonu ta, wo dan da lɛ goronu valé sélinu gi; wo dan da lɛ wi lé wa laama mulɛ, a ta, ’bɛ valé nyɔgɔménu ta, yé wo da anlé gɔ sauun va Jérusalɛm. Izraɛl lé munu woo dan balebanfɛnu nya fɛan zo, kana gibɔle gi Gakelebale lé kɔn gi, a zo lé wo dan da lɛ. Gakelebale ɛ fe.

Jérémi 11:8

Naa, wo ’ka ’wo tɔné dɔ lɛ an lɛ lo, yé wo ’ka an ban lɛ wo tɔné nya lo; wo faa do do vo tawona ’wo bligiwe naané yɛrama. Naa, dérenu faa lé maa a fe gipawe ’ko ma, maa a lɛ sɔɔ wo lɛ, ’té maa a fe léé, ’wo a tawe kɛlɛ, yé wo ’ka a tawe do kpen kɛlɛ lɛ lo bɛ, yee lé.

Jérémi 12:15

Naa, dé maa wo si ana faa, ’bɛ zuo an nyanai é dan zén lɛ wo ta é ziin, yé an dan da lɛ wo faa nya wolé tɔnɔyefɛna do do, wolé tɛrɛ la do do.

Jérémi 12:16

Dé anlé munu kɛlɛwe vɔ wo lee, dé wo an tɔ ’nyɔɔn a fele nya léé: Gakelebale a é yuɛma, bélé fɛan zo lé wo Baal ’nyɔɔnle paa anlé munu gi bɛ, a zo, ’té wo gi é dan nana lɛ zin yele we ma anlé munu méléna.

Jérémi 14:21

I tɔ lé we ma, té i nyé yéli ko ma lo; Té i tɛrɛ zén ilé webleblin tɔ ta lo. Gipawe lé kaa kɛlɛ bɛ, té i gi é san a ma lo, té bé sɛrɛ lo.

Jérémi 16:12

Yé ’kaa, kalé wenaané kɛlɛle mini ka tranu zé ta, yé ka faa do do, ka we kɛla ka bligiwe naané yɛrama, ’té ka ’ka ka tɔné dɔa an lɛ pelo.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 17:12

Webleblin tɔbɔle, ilé we a blɛn bléyi faa va, I a kolé munu lé fɛna sauun nya.

Jérémi 18:12

Naa, wo léé: We pla ’bɛ. Ko dan tawo lɛ kolé bɔn‐in bɔrɔlenu yɛrama; ko faa do do, ko dan we kɛlɛ lɛ ko bligiwe naanénu yɛrama.

Jérémi 3:19

Maa léé: Maa kɛla kaa yé maa i pa anlé nénu va, Yé an tɛrɛ nyɔnɔzan nɔ i lɛ, Tɔnɔfɛ lé é ke é nɔnɔmi é mini bɛn tɛrɛnu faa ta, yé maa a nɔ i lɛɛ? Maa léé, ka dan an laa lɛ, ka ti, Yé ka ’ka dan diéra lɛ an zuo lilo.

Jérémi 31:23

Lai sunyanu lé Gakelebale, Izraɛl lé Bale léma: Dé an da luugi‐munu nya wo pa gi, we lé munu é dan a fe lɛ Juda tɛrɛ valé é ta flanu ta, yee lé ke ’ko: Wetegele nyanana, gɔ sauun, Gakelebale i drɔɔ vo ma.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Jérémi 9:14

Wo tawo wo bligiwenu yɛrama, wo go Baalnu zuo, wo tinu a paa wo gi fɛan zo, a yɛrama.

Ézékiɛl 1:26

Fɛna pla lé é ke wo ’wuo ta loru, ’bɛ ta loru fɛ do ana; é a bélé safiigɔlɛ zo. ’Té a zi a bélé webleblin zo. Yé webleblin ’ko ta, fɛ do ana bélé mi zo, ’té é a é dɔle a ta loru.

Ézékiɛl 43:7

Yé é lé an lɛ léma: Blami be, fɛkona lé anlé fuablin ke, yé fɛkona lé maa an gane dɔraan. Ana duo lé maa dan nyana lɛ Izraɛl munu méléna lɛɛfaama, ’bɛ glɛ ’ka lo. Izraɛl munu valé ’wo nwiinzannu ’ka dan an tɔ bɔle sɛrɛ lɛ wolé miyilinu bɔle valé ’wo nwiinzan blɛnnu galenu zanale nya wolé gɔ nwiin yobannanu na lo.

Ézékiɛl 48:35

A zi kɛlɛ fɛdanmayili baa sɔraziɛn. ’É sia ’bɛ yi ma, wo dan fla ’ko tɔ laa lɛ, Gakelebale a ’ko.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Zakari 8:8

Maa dan da lɛ wo nya, yé wo dan nyana lɛ Jérusalɛm; wo dan kɛlɛ lɛ anlé munu nya, yé maa dan kɛlɛ lɛ wolé Bale nya, webozen valé wedrɔle kɛlɛle nya.

Mi Nɔnɔle 15:39

Dé varɔ lɛi vwizan ’ko a ka ta, ’ka a nagini, yé maa, Gakelebale lé bélidɔwe sɔnnénu faa sele ’é dɔ ka gi ma, ’té ka wo ta tawo, yé ’té ka ’ka go kalé blibɔmawenu valé yuɛbɔmawenu zuo lo, dé wo da ka sia ana yé ka yuɛ gi é blan anlé we ma.

Rom munu 1:21

Naa, wo Kazambale dɔɔ aan wo, wo ’ka a bɔ lɛ ’é bɔbɛ gi lo, yé wo ’ka a bɔ vɔ lɛ lo; naa, wolé gibɔrɔle kɛlɛ boawe nya yé wo ’ka ’wo ’wuogibɔrɔ mawe ye lɛ é dɛrɛ lo.

Rom munu 6:14

Ka ’ka bélidɔwe la lo, ka a zin la, amalé wenyané ’ka dan pla lɛ ka nwiin monomono lo.

Galasi munu 4:26

Naa, lagi loru Jérusalɛm a miné lu nya. Yee ɛ ke kaa bu nya.

Bélidɔwesɛbɛ Fiézan 29:29

Weyɔɔlenu a Gakelebale, kolé Bale zé nya; wenagɔɔnlenu a ko valé kolé nénu zé nya, yifaama, léé, ko tawo bélidɔwe ’konu faa ta.

Weblezannu 2:19

Naa, dé weblezan ga, ’té wolé we sɛrɛ é ziin é mini wo tinu zé la, ’té woo tawoo bale bɛnu zuo, ’té woo wo bɔa, ’té woo wo ’wuo tuaan wo lɛ, yé wo yara pa ’wo kɛlɛwenu valé ’wo tɔnéiyuyu kɛlɛle ta tegele.