Jérémi 3:13 - Kazambale lé Sebe Sauunu 1979

¹³ I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 3:13 ပူးပေါင်းရင်းမြစ်များ

Néémi 9:2

Munu lé wo ke Izraɛl bɛnnu nya, yé wo kan kini bɛn bɛnu faa ma, wo bɔra a gi, yé wo ’wolé wenyané fe yé wo ’wo tranu kɛlɛwe plenu fe.

Wegɔnévɔlenu 28:13

Mi lé élé wenyané yɔɔan, alé we do kpen ’ka vɔa a ma lo, naa, mi lé éé wo fé yé éé daan wo ma, yee ɛ nyanai zénle é ta yé.

Ézai 57:5

Ka kyɛ paan ka ke ma térébɛnt yilinu sɔnɔ, yili drɔɔdrɔɔ faa wuo, ’té ka nénu bɔrɔ boo pɛnguru gi, gɔlɛ fɛn gyɛnanu na. Yee kaan loo?

Jérémi 14:10

Ka ye, Gakelebale munu ’ko ma we fe yé é léma: Vlan burule fɛfaana sɔ wo lɛ. Wo ’ka bɔa wobo kunle lɛ yé wo nyana fɛ dona lo; amalé an ’ka bɔa kunle lɛ wo ma lo. Wolé weplenu sele dɔ sin an gi, yé an we lɛdɔa wo gi wolé wenyanénu ma.

Jérémi 14:20

Gakelebale, kolé wenaanénu valé ko tranu lé weplenu ginin dɔ ko gi; Naa, ko wenyané kɛlɛ i ma.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 2:25

’Ka yuɛ pa kabozen va, té sawala é so ka gane ma lo. Té ka bɔrɔ gi é ga lo. Naa, ka léé: I a we plana ko lɛ é pla; Bale bɛnu lɔrɔ éé ko gya; ’ko go wo zuo.

Jérémi 3:2

’Ka yara nwa fɛna lorunu na yé ’ka nagini. Fɛ kyɛnna lé ka ’ka go lɛ bélé gɔnégini le zo loo? Ka a é dɔle zinu ’léé bélé Arabunu zo nyéné saa lé fɛna, yé ka tɛrɛ tiri dɔ kalé gɔnéginiwe valé kalé wenyané kɛlɛle nya.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 3:6

Minwiinzan blɛn Jozias bléyi va Gakelebale lé an lɛ léé: Izraɛlnu ’ka plaan an wuo lo. I a yé loo? Wo go gɔ torole faa nwiin, yé wo go yili drɔɔdrɔɔnu faa wuo, yé ’bɛna lé wo go bale bɛnu zuo bélé gɔnégini le zo.

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Ézékiɛl 16:15

Naa, i bli vo i nɔnɔmi lɛ, yé ibo kɛlɛ gɔnégini le nya i tɔ lé we ma; ibo kɛlɛ gɔnégini le nya giémunu faa va, yé ibo nɔ wo lɛ.

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

Bélidɔwesɛbɛ Fiézan 12:2

Bɛnnu lé ka dan wo bin lɛ bɛ, fɛ faa lé woo ’wolé balenu bɔa ana, ’ka wona sɛrɛ; dé wa gɔ grɔgrɔ nwiin‐oo, dé wa gɔpanénu nwiin‐oo, dé wa yilinu wuooo, ’ka wo sɛrɛ.