Jérémi 3:1 - Kazambale lé Sebe Sauunu 1979

¹ Gakelebale léé: Dé mi do é na bɔra, yé é si a va yé é kɛlɛ gɔné bɛ na nya, yee mi ’ko, éé bɔa le ’ko sile lɛ é ziin é na nyaa? Yee we ’ko, é ’ka dan tɛrɛ boen tiri dɔ lɛ loo? Yé ’kaa, ka go bale kiɛre zuo bélé gɔnégini le éé goo é bwɛnu zuo fɛan zo, a zo, yé ka dan an va é ziin? Maa Gakelebale ɛ ke a fena.

Jérémi 3:1 ပူးပေါင်းရင်းမြစ်များ

Lɛrɛvɔ Sɛbɛ 106:38

Wo weanwiinlozannu nyɛ zana, Wo benu valé wo lunu nyɛ lé. Wo Kanaan tɛrɛ la miyilinu ban ’wolé nénu nya, Yé wo ana tɛrɛ sɛrɛ migyɛle nya.

Ézai 24:5

Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 2:23

É kɛlɛ kaa yé ka léé: Ko ’ka ko tiri dɔ lɛ lo, Ko ’ka go lɛ Baalnu zuo loo? ’Ka ka gane paginu nagini gɔ worona, Ka wean kɛlɛ, ’ka bɔn‐in bɔrɔ ’bɛ ma do. Ka a bélé nyɔgɔmé tina lé éé vlan borowo plɛplɛ, ’té éé giéan fɛfaana, a zo.

Jérémi 2:7

Tɛrɛ lé éé fɛ dɔa, an da ka nya ana, Léé, ka ana fɛporonu valé ana fɛ zimanu ble; Naa, ka bɔ ana tɔɔn, ka anlé tɛrɛ tiri dɔ, Yé ka anlé fɛna kɛlɛ bo zo.

Jérémi 22:20

’I vɔ Liban gɔ nwiin. ’I siaa Bazan tɛrɛ ta. ’I siaa Abarim gɔ nwiin, Naa, munu faa lé i sɔ wo lɛ, wo wo guru ’wii.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 3:9

Alé pɛnpɛnné gyɛlenu lé wo tɔ bɔ fɛfaana, wo nya lé é tɛrɛ tiri dɔ; é gɔlɛ valé yili kɛlɛ é zana nya.

Jérémi 31:22

Bii blɛnzan lé i si zi zima ta, I dn si lɛ ilé saanzi ta mɛ yi laa? Naa, Gkelebale we dɛrɛ kɛlɛ tɛrɛ la; Le é dan é zana fɛɛ bo lɛ.

Jérémi 4:1

Gakelebale léma: Izraɛlmunu, dé ka da an va, dé ka da an va ka pa gi, dé kalé bozowenu si an yuɛ gi, ka ’ka dan vo lɛ nɔɔna lo.

Jérémi 4:14

Jérusalɛm munu, ’ka kalé wenaanénu si ka bli gi, léé, ka si we gi. Ka dan vo lɛ ka gi bɔrɔna weple ma bléyi faa vaa?

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Ézékiɛl 16:26

Éjipitinu lé wo kɔlɛ ke kiankian, i wo gini gɔné nya, yé ilé gɔnéginilenu gi gyɛ an bli flile we ma.

Ézékiɛl 16:30

We ’konu lé wo ke gɔnégini lomu nwiinle zé zo, i ’bɛnu faa kɛlɛ, yé i bli kɛlɛ tɔɔtɔɔ fɛan zo, bé ye. A zo lé Mizan Gakelebale a fe.

Ézékiɛl 16:35

Amalé, gɔné gini le, ’i tɔné dɔ Gakelebale dére lɛ.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

OZÉ (Osée) 1:2

We vininzan lé Gakelebale a fe Ozé lɛ, yee lo: Gakelebale lé a lɛ léma: ’I go, ’i bɔrɔdɛ le do si i na nya, ’té alé bɔrɔdɛ ta nénu a; naa, tɛrɛ ’ko sɔn vɔ Gakelebale ma, yé é vo bɔrɔdɛ le zo.

OZÉ (Osée) 2:2

Juda munu valé Izraɛl munu é dan zén lɛ ékeva, yé wo dan ’wo nwiinzan dɔ lɛ, yé wo dan si lɛ luu gi. Jizréɛl lé yi é dan kɛlɛ lɛ yi blɛn nya.

Misé 2:10

’Ka nwa, ’ka tawo, flinna ’ka fɛkona nya lo; ka tiri dɔle lé we ma léé, ka dan kle blɛn ble lɛ.

Zakari 1:3

Amalé bé fe wo lɛ léma: Lai sunyanu lé Gakelebale léma: ’Ka da maa, lai sunyanu lé Gakelebale va é ziin, yé maa dan da lɛ é ziin ka va. A zo lé Gakelebale a fe.

Matio 5:31

Wa fe léé: Dé mian é na bɔra, ’é lebɔrasɛbɛ nɔ a lɛ ma,

Bélidɔwesɛbɛ Fiézan 22:21

wo dan go lɛ blɛnzan nya a ti lé kɔn ’léé; flamunu é dan gɔlɛ vuli lɛ a va yé é dan ga lɛ, é we lɛrɛlɛrɛ kɛlɛ Izraɛl, azama, yé é kɛlɛ bɔrɔdɛ nya é ti lé kɔn gi. ’Bɛ zo lé ka dan wenaané si lɛ ka méléna.

Weblezannu 19:2

A bwɛ gɔné gini yé é si a va yé é go é ti lé kɔn ’léé Bɛtléɛm, Juda tɛrɛ la; ana lé é vo moné ziɛn.