Jérémi 29:8 - Kazambale lé Sebe Sauunu 1979

⁸ Naa, lai sunyanu lé Gakelebale, Izraɛl lé Bale léma: Kalé balelayezannu lé wo ke ka va koo, kalé ’monédɔzannu koo, té ka zi nɔ wo lɛ léé, wo dabli kɛlɛ ka lɛ lo, yé nyɛgyɛzannu lé woo nyɛ gya kalé we nya, té ka tɔné dɔ wo lɛ lo.

Jérémi 29:8 ပူးပေါင်းရင်းမြစ်များ

Jérémi 14:14

Yé Gakelebale lé an lɛ léma: Balelayezannu éé vié woo an tɔ gi; maa ’ka ’bɛ balelayezannu ’ko pa lɛ zia lo, maa ’ka dére ’ko pa lɛ wo ’léé lo, maa ’ka ’bɛ fe lɛ wo lɛ lo. Vié yuɛziwenu lé wa ye; wolé we lɛ kinile a we pla nya; dabliwenu lé woo sié ’wo bli gi, yee lé wa fe balelawefele nya.

Jérémi 23:16

Lai sunyanu lé Gakelebale léma: Balelayezannu lé woo balelawe fé ka lɛ, té ka tɔné dɔ wo lɛ lo. Wa boawe fena ka lɛ; we lé ke wo bli gi, yee lé wa fé ka lɛ yuɛziwe nya; we lé éé sié Gakelebale ’léé, wo ’ka ’bɛ fé ka lɛ lo.

Jérémi 23:21

Maa ’ka balelayezan ’konu nwunvɔ lɛ lo; wo go é wo; maa ’ka we pa lɛ wo ’léé lo, naa, wo balelawe fe.

Jérémi 23:25

Balelayezannu lé woo balelawe fé vié nya an tɔ gi, we lé wa fe, maa ’ma. Wo léma: Maa nyɛ do gyɛ, maa nyɛ do gyɛ.

Jérémi 23:27

É dɔ wo gi léé, ’wo an tɔ saan anlé munu gi, nyɛnu lé wa gi fé wo bɔlunu lɛ bɛ, wo nya, bélé fɛan zo lé wo tranu gi san an tɔ ma Baal lé we ma, a zo.

Jérémi 27:9

Yé kalé balelayezannu koo, kalé ’monédɔzannu koo, kalé nyɛgyɛzannu koo, kalé monénénu va ’monédɔzannu koo, kalé yokɛlɛzannu koo, we lé wa fena ka lɛ léé, ka ’ka dan pla lɛ Babilɔn nwiinzan blɛn wuo lo, té ka tɔné dɔ wo lɛ lo.

Jérémi 28:15

Yé balelayezan Jérémi lé balelayezan Aanania lɛ léé: Aanania, ’i tɔné dɔ. Gakelebale ’ka i pa lɛ zia monomono lo. Yé munu pa ilé viéwe fele ’ko ta.

Jérémi 29:1

Munu faa lé Nébukanɛsaa wo si Jérusalɛm yé é go wo nya luu gi Babilɔn, balelayezan Jérémi lɛtrɛ do gyɛ Jérusalɛm yé é a pa wo lɛ zia; mi segelenu koo, Balebanzannu koo, mi bɛnu koo, woo lé.

Jérémi 29:15

Naa, ka a fena léé: Bale ’wozé balelayezannu nwa ’wo lɛ Babilɔn.

Jérémi 29:21

Kolaja be Akab valé Maaséja be Sédésias lé woo balelawe fé ka lɛ vié nya Bale tɔ gi, lai sunyanu lé Gakelebale, Izraɛl lé Bale we fe wo ma yé é léma: Ka ye, maa wo pa Babilɔn nwiinzan blɛn Nébukanɛsaa lee, yé é dan wo gyɛ lɛ ka yuɛ va.

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi 37:9

Gakelebale léma: Té ka gi kɛlɛ kabo lɛ a fele nya léé, Kaldé munu é dan vlanburu lɛ ’wo ’lɛ baa, lo. Naa, wo ’ka dan fwi lɛ ka ’lɛ lo.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi Lé Wuvɔ Sɛbɛ 2:14

Kalé balelayezannu lé balelayele a boawe valé vié nya, Wo ’ka ilé weple bɔra lɛ Léé, té ka go luu gi lo lo. Wenu lé wa gɔɔn ka lɛ wa viéwenu valé dabliwe nya.

Ézékiɛl 13:6

Wolé yuɛziwenu a é pla, yé wolé wefelenu a vié nya. Wo léé, Gakelebale léma, dɔlé ’té Gakelebale ’ka wo nwunvɔ lɛ pelo. Yé wa kɛlɛna léé, munu bli ’é vo a lɛ léé, wo dére lɛ é dan sɔɔ lɛ.

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Zakari 13:4

’Bɛ yi la, dé balelayemunu a balelawe fena, yara é dan wo gyɛ lɛ ’wolé yuɛziwe fele ma, yé wo ’ka dan wikyɛɛsɔ zén lɛ ’wo ta é dɛrɛ vié wole we ma lo.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LÉ LUK A GYE (Évangile selon Luc) 21:8

Yé Jézu léé: ’Ka yuɛ pa kabozen va, té wo ka saan lo we gi. Naa, mi kiɛre é dan da lɛ an tɔ gi ’té wa fé léé, ’wo ɛ ke Krist nya; a bléyi bɔ. Té ka go ’bɛnu zuo lo.

WENÉNÉ LÉ LUK A GYE (Évangile selon Luc) 6:26

Dé munu faa ka ma we zin fe, ’té wenaané ɛ kɛlɛ ka lɛ bɛ, naa, ’bɛ zo lé wo tranu a kɛlɛ viébalelayemunu lɛ.

Rom munu 16:18

Naa, mi ’ko zoɛnu ’ka Kaazan Krist wuozannu nya monomono lo, naa, wa ’wobo bun‐an wuozannu nya, ’té woo mi tɔɔtɔɔnu bli sɛra dére nénénu valé dabli dérenu nya.

Éfez munu 4:14

Amalé té kaa kɛlɛ nénu zo é dɛrɛ lo; té kaa bli é kɛlɛ we faa lɛ lo; té kaa go wepaale faa zuo lo; té mi tablezannu é kaa saan wolé dabli kɛlɛle valé wolé suyɛn dére nya lo;

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

2 Tɛsalɔnik munu 2:3

Dé mian é dabli gɔnɔ faa kɛlɛoo, té ka dɔ ’bɛzan lɛ lo. É a lé midiérabléyi é bɔ é vinin, yé mi ple lé é ke é sanle bɛ, é a lé wa ye bɔrana.

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.