Jérémi 29:32 - Kazambale lé Sebe Sauunu 1979

³² amalé Gakelebale léma: Maa dan we lɛdɔ lɛ Nésélamizan Sémaéja gi, yee valé é kulunu nya; a kulu do kpen ’ka dan nyana lɛ munu ’ko va lo, yé we zin lé an dan a kɛlɛ lɛ anlé munu lɛ, wo ’ka dan ana ye lɛ lo. Naa, é nwa Gakelebale ma é dérenu nya. Maa Gakelebale ɛ ke a fena.

Jérémi 29:32 ပူးပေါင်းရင်းမြစ်များ

1 Minwiinzannu 13:18

Yé balelayezan kwa lé a lɛ léé: Maa é ziin, maa a balelayezan nya bélé bii zo; yé lanje do we fe an lɛ Gakelebale dére nya, yé é lé an lɛ léé: ’I da a nya i va ilé kɔn ’léé, ’é buru ble yé ’é ’yi mini. É vié wo a lɛ.

2 Minwiinzannu 5:27

Naaman lé pantɛn é dan zén lɛ bii valé i kulu ma lɛɛfaama. Yé Géazi si Élizé va pantɛn nya é ma fu bélé kununu zo.

2 Minwiinzannu 7:2

Minwiinzan blɛn lé mi blɛn lé é tɛn a ma, é a zi pa Bale lé mi lɛ léé: Dé Gakelebale la lɛ sooo, ’bɛ zo we é bɔa kɛlɛle lɛɛ? Yé Élizé léé: I dan a ye lɛ i yuɛ nya; naa, i ’ka dan a ble lɛ lo.

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Ézai 14:20

Naa, i ilé tɛrɛ sɛrɛ, yé ilé we ma lé ilé munu zamaga wo, amalé ka valé wonu pavun ’ka do lo; wo ’ka dan bɛn nyané tɔ fe lɛ é dɛrɛ monomono lo.

Ézai 14:22

Lai sunyanu lé Gakelebale léé: An dan nwa lɛ wo ma. Gakelebale léé: Babilɔn koo, a tamunu valé wo nénénu koo, an dan wo tɔ fwi lɛ yé an dan wo pagi san lɛ.

Jérémi 17:6

É a bélé nyanaizénlazan zo nyéné saa lé fɛna, Yé é ’ka ginanamawe yé bɔna ’bɛna lo, a zo. Éé nyanaan nyéné saa lé fɛna lé éé mi kyɛ blé, ana. Tɛrɛ lé wɛ ke a ma, ’té mi ’ka nyanaan ana lo, ana.

Jérémi 20:6

Yé bii Pasuu, bii valé ilé munu faa, ka dan go lɛ luu gi; i dan go lɛ Babilɔn yé i dan ga lɛ ’bɛna. Wo dan i pa lɛ ’bɛna, bii valé i béénu faa lé i balelawe fe wo lɛ vié nya bɛ, wo nya.

Jérémi 28:16

Amalé Gakelebale léma: Bé ye, maa i sié tɛrɛ ’ko la. I dan ga lɛ lɛɛ ’ko gi. Naa, i dérenu a nwa Bale ma dérenu nya.

Jérémi 29:24

Bé fe Nésélamizan Sémaéja lɛ léma:

Jérémi 30:1

Gakelebale we fe Jérémi lɛ yé é léma:

Jérémi 35:19

amalé lai sunyanu lé Gakelebale, Izraɛl munu lé Bale léma: Rékab be Jonadab kulu ’ka dan vuru lɛ dɔle ma an ’lɛ lo.

Ézékiɛl 20:38

Tɔnégiplɛplɛzannu valé munu lé woo nwaan an ma, maa dan wo si lɛ ka va. Tɛrɛ lé wo ke a ta bɛnnu nya, maa dan wo si lɛ ’bɛna. Naa, wo ’ka dan go lɛ Izraɛl tɛrɛ la lo. Yé ka dan a gi dɔɔ lɛ léé, maa ɛ ke Gakelebale nya.

Amɔs 7:17

Gakelebale léma: We ’ko ma lé i na é dan kɛlɛ lɛ bɔrɔdɛ le nya fla; wo dan i benu valé i lunu gyɛ lɛ gwɔun nya; wo dan ilé féi guli lɛ bale ma; naa, bii é dan ga lɛ tɛrɛ lé é ’ka tegele lo, a ta, yé wo dan go lɛ Izraɛl nya luu gi baa.

Amɔs 9:10

Anlé munu va wenyanékɛlɛzannu faa lé wa fé léé, we tɔntɔn ’ka dan bɔ lɛ ’wo lɛ lo, wo dan wo faa gyɛ lɛ gwɔun nya.

Bélidɔwesɛbɛ Fiézan 13:5

Ka ’bɛ balelayezan valé ’bɛ nyɛgyɛzan gyɛ, naa, é a ka nwana Gakelebale, kalé Bale lé é ka si luu gi Éjipiti tɛrɛ la, a ma, yé zi lé Gakelebale, kalé Bale a gɔɔn ka lɛ, é a a va léé, ’é ka si ’bɛ zi ta. ’Ka a gyɛ yé ’bɛ zo lé wenaané si ka méléna.