Jérémi 29:26 - Kazambale lé Sebe Sauunu 1979

²⁶ Gakelebale i dɔ Balebanzan nya Balebanzan Jéojada pa gi léé, i munu dɔ Gakelebale lé kɔ taginile we ma, léé, ’wuosɛrɛzannu faa lé wo ke a fena léé, ’wa balelayezannu nya, ’wo wo kun, yé ’i wo vɔ bokɔn gi yé ’i foliɛwɔlɛ vɔ wo ma.

Jérémi 29:26 ပူးပေါင်းရင်းမြစ်များ

2 Minwiinzannu 11:15

Yé mi yɔ soru soru nwiinzannu lé wo ke sunyanu nwiinzannu nya, Balebanzan Jéojada wo béli dɔ léé: ’Ka a si ka méléna, yé dé mian é dɔ a zuo ’ka azan gyɛ gwɔun nya. Naa, Balebanzan a fe kɔɔn léé, té wa gyɛ Gakelebale lé kɔn gi lo.

2 Minwiinzannu 11:18

Ana tɛrɛlamunu faa wɔra Baal lé kɔn gi, yé wa sɛrɛ; wo a bannanu valé alé miyilinu ’wii yé wo Baalbanzan Matan gyɛ é banna ’lɛ. Balebanzan Jéojada Gakelebale lé kɔn tabinzannu dɔ.

2 Minwiinzannu 9:11

Jéu bɔra aan wo yé é go ézan wuomunu va é ziin, wo lé a lɛ léé: We drɔɔ léé? Mɛmalé gwegyɛzan ’ko da i vaa? Jéu a zi pa wo lɛ léé: Ka a dɔɔ, yé we lé é bɔa a fele lɛ ka a gi dɔɔ.

2 Minwiinmunu lé Wezuofe Sɛbɛ 16:10

Aza bli fli fɛnayezan ma, yé é a vɔ bokɔn gi. A bli fli, azama. ’Bɛ bléyi duo nya, Aza yaa mi kenu ta.

2 Minwiinmunu lé Wezuofe Sɛbɛ 18:26

’Ka fe léma: Minwiinzan blɛn léma: ’Ka mi ’ko vɔ bokɔn gi, yé ’ka nyané ble buru valé ’yi nɔ a lɛ fɔɔ yé maa da é ziin drɔɔ.

Jérémi 29:27

Yé sin, Anatɔt zan Jérémi lé éé balelawe fé ka méléna,

Jérémi 38:28

Jérémi vo bokɔn gɔrɔ gi fɔɔ yé Babilɔn munu Jérusalɛm si.

Jérémi 38:6

Yé wo Jérémi si yé wa zun minwiinzan blɛn be Malkija lé ’yiguru lé é ke bokɔn gɔrɔ gi, a gi; wo Jérémi zun a gi bawɔrɔ nya. ’Yi do kpen ’ka ’yiguru gi lo, naa, voli ɛ ke ana, yé Jérémi vɔ voli gi.

OZÉ (Osée) 9:7

We lɛdɔ mi gi yi bɔ; we lɛgi pa mi ma yi bɔ; Izraɛlnu é dan go lɛ a gi dɔɔ lɛ. Balelayezan ’wuo sɛrɛ, yé mi lé Bale éé we fé a lɔlu nya, é dan gyɛ yiblawe fe lɛ; kalé weplenu valé ka nwale mi ma a blɛn, ’bɛzama.

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

Matio 21:23

Jézu go Balebangikɔn gi yé é a we paana aan wo munu gi, Balebanmunu segelenu valé mi segelenu da yé wo lé a lɛ léé: Se kaa nya lé i we ’konu kɛlaa? Yé mi kyɛn ɛ se ’ko kɛlɛ i lɛɛ?

Maak 3:21

Wenu lé é bɔ mi, Jézu gɔnɔlamunu a ’ma aan wo, wo léé: A ’wuo a sɛrɛna, yé wo da a laa lɛ.

WENÉNÉ LE JAN A GYE (Évangile selon Jean) 10:20

Wo va mi kiɛre léé: Yo a a gi; gwe a a ’wuo gi; mɛmalé ka tɔné dɔa a lɛɛ?

WENÉNÉ LE JAN A GYE (Évangile selon Jean) 10:33

Juifinu lé a lɛ léé: Ko ’ka gɔlɛ vulina i va nyanama zin lé we ma lo; naa, i Kazambale sɔnɔ yé bii lé i ke mi nya, i ’ibo kɛlɛ Bale nya, amalé ko gɔlɛ vulian i va.

WENÉNÉ LE JAN A GYE (Évangile selon Jean) 8:53

Ko tra Abraam lé ’bɛ ga, i blɛn mini ’bɛ taa? Yé balelayemunu é ziin, wo ga. Bii a ibo kɛlɛna de ɛ nyaa?

Kelewenu 16:24

Dé bokɔnzan ’bɛ ’ma, é wo vɔ bwati ɛ gi ’té, yé é wo gane vɔ yili gi.

Kelewenu 26:11

Gɔnɔ kiɛre nya an we lɛdɔ wo gi bazorokɔnnu faa gi, yé an gla kɛlɛ wo va léé, ’wo sɔn vɔ ’wozé Bale zuozi ma. An bli flile wo ma bɛ nyané zi an nyané pa wo ta fɔɔ bɛn bɛnu lé flanu ta.

Kelewenu 26:24

Pɔl we fe aan wo ’ko zo we sile é nwiin we ma, Fɛsitus we fe é dére biéle nya léé: Pɔl, gwe a i wuo gi! Ilé we dɔɔle kaii gwe vɔ i ’wuo gi ’bɛ zoo?

Kelewenu 26:25

Pɔl a zi pa léé: Fɛsitus, mi zin, gwe do kpen ’ka an ’wuo gi lo. Wenu lé maa ke wo fena, wa wezennu valé ’wuoatawenu nya.

Kelewenu 4:1

Piɛri valé Jan a we fena aan wo munu lɛ, Balebanmunu koo, Balebangikɔnzan koo, Sadusémunu koo, ’bɛnu bɔ wo ma.

Kelewenu 5:18

yé wo nwunvɔzannu kun, yé wo wo vɔ bokɔn gi.

Kelewenu 5:24

Balebangikɔnzan valé Balebanmunu segelenu dére ’konu ’ma aan wo, gi bɔrɔ pa wo ma nwunvɔzannu lé we ma, dé we ’ko é dan nyaa lɛ kaa? wo ’ka a gi dɔɔa lo.

2 Korɛnt Munu 11:33

naa, wo an bɔra fɛnɛti do ta kyɛɛ gi, kɔnguru ta, yé an so wo lee.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.