Jérémi 29:23 - Kazambale lé Sebe Sauunu 1979

²³ Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi 29:23 ပူးပေါင်းရင်းမြစ်များ

Wepélisiananu 31:50

Dé i an lunu pa é naané, dé i le bɛnu si é ziin i na nya, mi ’ka ana yezan nya lo; ’i yuɛ pa ibo va é zima, Kazambale ɛ ke maa valé bii lé wenayezan nya.

Wepélisiananu 34:7

Jakɔb benu a sina féi aan wo, wo we ’ko ’ma. É ’na wo ma yé wo bli fli é baba. Sisɛm we lɛrɛlɛrɛ kɛlɛ Izraɛl gɔnɔ gi. É yi gyɛ Jakɔb lu va; we lé wo ’ka a kɛla lo, é a kɛlɛ.

2 Samuɛl 13:12

É lé a lɛ léé: An bwe, gba, té i an sɛrɛ lo; wo ’ka ’bɛ zo we kɛla Izraɛl lo; té i weple tiridɔle ’ko kɛlɛ lo.

Wegɔnévɔlenu 5:21

Naa, mi lé tawobɛnu a Gakelebale lé éé mi lé zinu naginian, a yuɛ va.

Jérémi 13:27

Maa ilé mi bɛ naginilenu ye, yé maa i wele a zuo ’ma; ilé wenaané lé bé kɛlɛ pɛnpɛnné gyɛle nya gɔpanénu nwiin valé féinu ta, maa wo ye; maa ilé bozowenu ye. Bii Jérusalɛm, we tɔntɔn kɛlɛ i lɛ; i tiri é dan vo lɛ é dɔle yifaamaa?

Jérémi 16:17

Naa, an yuɛnu a wolé tawozinu faa ta, wo yɔɔna do kpen ’ka an lee lo, yé wolé weplenu ’ka é yɔɔle an lee lo.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 23:16

Lai sunyanu lé Gakelebale léma: Balelayezannu lé woo balelawe fé ka lɛ, té ka tɔné dɔ wo lɛ lo. Wa boawe fena ka lɛ; we lé ke wo bli gi, yee lé wa fé ka lɛ yuɛziwe nya; we lé éé sié Gakelebale ’léé, wo ’ka ’bɛ fé ka lɛ lo.

Jérémi 23:21

Maa ’ka balelayezan ’konu nwunvɔ lɛ lo; wo go é wo; maa ’ka we pa lɛ wo ’léé lo, naa, wo balelawe fe.

Jérémi 23:32

Gakelebale léma: Ka ye, munu lé woo vié nyɛ gi fé balelawe fele nya, ’té woo wo gi fé, ’té woo anlé munu saan wolé viéwole valé wo yara plɛplɛ nya, maa a wo ma. Maa ’ka wo pa lɛ zia lo, maa ’ka we fe lɛ wo lɛ lo, wo ’ka we zin do kpen nyian wo anlé munu ma lo. Maa Gakelebale ɛ ke a fena.

Jérémi 29:21

Kolaja be Akab valé Maaséja be Sédésias lé woo balelawe fé ka lɛ vié nya Bale tɔ gi, lai sunyanu lé Gakelebale, Izraɛl lé Bale we fe wo ma yé é léma: Ka ye, maa wo pa Babilɔn nwiinzan blɛn Nébukanɛsaa lee, yé é dan wo gyɛ lɛ ka yuɛ va.

Jérémi 29:31

Bé fe luugimunu faa lɛ léé: Gakelebale we fe Nésélamizan Sémaéja ma yé é léma: Sémaéja balelawe fe ka lɛ ’té an ’ka a pa lɛ zia lo, yé ka pa alé viéwe ’ko ta,

Jérémi 5:8

Wa bélé wisoogɔnénu lé wo ke é buale, ’té woo vlanburuwo ’ko valé ’ko, wo zo. Wo faa do do a siaana ’wo bɔlu bɛ na zuo.

Jérémi 7:11

Kɔn ’ko lé woo an tɔ laan ana, é a ka yuɛ gi bélé kyeen?-?womunu yɔɔna zoo? Gakelebale léé: Maabozen ana ye.

Ézékiɛl 35:13

Kalé wefedérenu nya lé ka nwa an ma; ka dérenu fe an ma kiɛre, maa a ’ma.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.

Malasi 2:14

Yé ka léé: Mɛmaléé? I boronéla le lé bé si, ’té é kɛlɛ i bɔavazan nya bɛ, ’té ka gi pa do a nya bɛ, i yuɛi blan a ma, yé Gakelebale kɛlɛ ka fié lé wenayezan nya, azamalé é kɛlɛ.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko:

Weblezannu 11:10

Galaad mi segelenu lé Jɛfeté lɛ léé: Gakelebale ’é ko dére ’ma ma, yé ’é a we ble ma, ’té dé ko ’ka i dére tawe kɛlɛ lɛ lo.